第一張相係咪好靚呢 .. 真真正正的水清, 不過可惜沙都幾粗下, 甚至你可以叫佢地係碎石, 但亦無阻我對呢個小 town 的欣賞 ~
呢個地方就係我地的中途休息站 – Brela. 位於 Makarska 以北的一個小 Town, 其實呢邊沿著海岸線, 無論大 Town 小 Town 都係 Croatia 的旅遊熱點, 相差只係在於人流有幾旺, Brela 亦都唔例外地係其中一個渡假小區, 但相比起 Makarska 的繁華, 我還是喜愛清清靜靜的陽光與海灘.
小小的一個 Town 內, 想要搵到一個合適的位置泊車亦不大容易, 我地唯有泊到半山路, 再行落去沙灘啦. 一落到沙灘, 感到十分興奮及舒暢, 我最愛的大海又係我面前啦, 望見咁清的水, 確實有一刻衝動跳落水, 但我的理智同我講, 都係食左個 late lunch 先啦, 成 2 點幾啦 ….
隱藏於樹後的沙灘
可算係 Brela 的中心點 – 餐廳及小店的售中處
小小的 Town, 卻停泊了不少小艇, 莫非呢度人人都有一艘 ?!
位於海灘旁的房屋 – 投資邊間好呢 (得個諗字) ?!
好啦! 既然係咁, 就係海邊的幾間食店中, 隨便選了一間的露天位置坐下, 隨便點了一個海鮮 Pasta, 老表就要左燒八爪魚, pasta 美味但冇甚特別, 燒八爪魚一貫的鮮味, 令我地十分欣賞的反而係一樣頗為微不足道的配料, 就係隨面包附上的自製 garlic herbs olive oil, 嘩… 沾面包來吃真係一流, 好味到令我地食過不停呀 !
吃過美味的正餐, 還是忍不住點了一杯咖啡, 味道還可以, 尚入得了我口 (我唔係咩專家, 只係如果佢太苦我飲不了 ~), 確實有個咁舒服的環境, 少不了要多坐一下去欣賞, 即使咖啡並不完美, 但卻係一個令我多留一下的藉口, 我想我還是適合外國的生活 …..
時間差不多了, 再唔離開繼續旅程, 可能到入黑還找不到呢晚住的 family hotel. 離開之前, 還是走到 town 盡頭的沙灘, 係呢度我地拍了一些照片, 我甚至整個扒係度, 為四葉影了一堆靚相 !
講開, 有冇發現所有相片, 到家下都冇四葉的出現 ?! 其實係佢要求自己出番一輯遊記喎, 咁我順住佢意, 等呢個旅遊小記寫到咁上下, 再幫佢出啦 ~
靚靚小灘一個, 卻讓四葉留下不少腳印
