漂泊中的魚

 

上回的問題, 今回就開估 !

冇錯 ! 個班對我地的食物虎視眈眈的不速之客, 就係馬島最有名的狐猴喇.

而係 Isalo National Park 範圍內可以找到的, 就是 Red Fronted Brown Lemur & Ring Tailed Lemur 囉 !

佢地只要一看準機會, 便會將我們桌上的食物偷走, 真係咩食物都會偷架, 就連麵包碎都唔放過 !!

咁 … … 兩隻衰野又點分呢 ?! 一看過相片, 大家就應該分得到的了, 因為真係狐猴如其名呀 !

 

相中的就係 Red Fronted Brown Lemur, 只要看到佢頭頂個執金毛, 就一定認到佢地啦 !

不要看牠們看似有點萌, 就以為牠們很溫純, 其行為跟我在金山郊野公園遇見的猴子没兩樣, 非常野蠻及惡死 !

如果要問這兩種 Lemurs 誰才是大佬, 那必定這隻是相對較驕小的 Red Fronted Brown Lemur !

 

以下的狐猴很熟口熟面吧 ?!

如果有睇過, 就一定認得呢隻 Ring Tailed Lemur !

没有想過, 我竟然可以親身係馬島見到佢地, 真係好高興 ~

咪睇佢地大大隻, 又好似個樣又惡又奸咁, 其實佢地先係俾 Red Fronted Brown Lemur 欺負的對象呀 !

 

 

再來多幾張 Red Fronted Brown Lemur 的照片, 細心觀察下丫, 佢地都真係動作多多架 !

攬住一齊個陣就鬼咁 Sweet , 一到有野食就反臉不認人, 要露晒牙搶食呀 !  

 

係休息站可以見到狐猴之外, 就連去個廁所, 我們都可以見到靚雀, 勁呀 !

第一隻我忘了名字, 要問番 Dr Lee 先, 不過第二隻是畫了眼影的馬島壽帶 !

 

好 ! 午飯時間完結, 我們再度起程, 完成最後的路段 !

上午都在岩石群中打轉, 下午我們來到峽谷谷底之中, 河流之畔 ~

這段路桯之路面較為崎嶇不平一點, 加上河流穿插其中, 有點濕滑, 卻也因為大部份路程也在峽谷之中, 那就相對没有太多的上山下山路段了.

 

我們沿著河流, 走在崖之下.

忍不住, 請朋友為我拍了張 Profile Pic, 呵呵 !

 

 

沿著河流而走, 我們打算要找尋其源頭, 因為好風光總要辛苦一回, 才可以得到的, 這怕是遠足的定律來吧 !?

 

河水很清澈, 驟眼看以為没有水的呢 ~

 

開始間中遇上大石群了, 而且路面越見崎嶇 及 濕滑, 也意味著越多越接近河流之源了吧 !

努力一下吧, 最後的風景, 確實值得走這麼一趟的.

 

這一潭清泉以及那一道飛瀑, Piscine Bleue 就如此隱藏在山谷之中.

這裡很寜靜, 只有流水聲在山谷中迴響, 很舒服, 同時卻有點陰冷, 可能時至下午, 陽光已經被山崖阻擋住了 ~

 

再走幾步, 原來還有一個大點的天然水池 Piscine Noire, 以及更壯觀的瀑布 !

不要小看這個水池, 水也頗深的, 而且長期水溫偏底, 我想只有在盛夏才會有遊人來這暢游吧 ?!

 

往回走多一點, 我們要去尋找第三個天然水泉及瀑布 Piscine Naturelle !

 

Piscine Naturelle – 或許最近没有下雨, 那道瀑布的水量不太多, 在岩石之間帶點濛濛濃濃的, 想要欣賞到就得較好角度, , 卻也別有一番風景.

 

來到這裡, 我們是日行程也差不多接近尾聲.

餘下的路段就是要走出峽谷, 再前往 National Park 的某個停車場, 好讓旅遊巴前來接載我們.

事實上, 即使我們已走出了峽谷, 那片風景還是那麼的無懈可擊, 而且在路邊還可以找到在這 National Park 內最後一隻生物 – 呵呵, 那是一隻蛙哦 ~

就這樣, 是日 Isalo National Park 的旅程完成了 !