漂泊中的魚

 

 

Day 11, 又是一個主要坐車趕路的日子, 我們要由 Antsirabe 出發, 前往 Andasibe 這個山區小村 !

這一趟的車程並不沉悶, 因為路途上實在太多野睇啦 … …

 

第一站, 就在農田旁售賣的本地農產 !

這堆甘筍的外表, 一看上去就知好新鮮, 如果我有地方煮野食, 會即場佢買一籃甘筍同薯仔, 煲個 Carrot soup, 配個焗薯, 都已經很一流 !!

 

這個地域是農業重鎮, 處處都是農地, 在土地上劃出一格格的花紋 ~

其實以我們所走過的地方, 馬島的土地並不算太貧脊, 起碼本地出產的農作物數量, 勉強可以養活到當地人.

可惜作為農夫所要受的辛勞及艱苦, 並不是人人可以受得起, 當地年輕的一輩很多寧願出城市碰運氣, 也不想留在原居地生活.

出到城市的年輕人也不一定找到工作 (其實也不容易找到), 好有些小村卻因為缺乏新力軍而逐漸没落, 結果 … … 似乎有點兩頭唔到岸 ~

 

我們曾經問過 Mamy 呢度的粟米好冇食 (因為我地咁多餐都好似冇食過 !), 結果 … … 佢幫我地安排左一個中途停車位, 就係一齊食粟米 !!

這個停車站很簡陋, 没有帳蓬, 只要每隔幾步就設有一個爐頭.

老伯即場就用炭火燒鍋, 煲粟米俾我地食, 粟米看上去有點瘦, 算係幾甜幾好味, 不過質地有點似糯米粟, 那就不太是我杯茶了 … …

結論 … 新鮮就乜都贏晒 !

 

繼續上路, 慢慢離開了農田區, 回歸大自然 … …

 

這一站, 簡直係車迷的至愛 – 全手造木製模型車 !!

絕對的本地出品, 因為所有模型的主題, 都係平常在馬島路上遇到的大小貨車.

真材實料, 仲架架可以推得郁, 最重要係好鬼平架咋.

如果唔係佢大大架, 我又懶得搬, 都真係想買幾架番黎呀~

 

又走了一段路, 我們又遇到了一個本地路邊攤 – 本地樂器店 !

雖然本人真係冇乜音樂造詣, 不過純以靚唔靚黎講, 個鼓真係幾唔錯架 ~

 

好囉, 好囉, 又入村囉 … …

唔好意思, 其實我地只係去左中途的休息站, 而呢間借洗手間俾我地用的餐廳, 陣設非常之懷舊 ~

 

原來入左村, 我地係要落車走走的 ~

想去我們的目的地, 就先要經過一個本地市場.

今回又買到好野食, 本地出品的花生, 香味濃郁, 好易食唔停口.

而相五中的, 有點似我地的稯, 不過 Mamy 話係甜的. 這種就咁係度冇煮冇雪咁賣的食品, 為安全計, 我地就冇買黎食啦 ~

 

 

 

本地食品 … … 就係簡簡單單的, 没有花巧 !

有肉, 有魚 (乾), 有菜 仲有米 !

 

 

走入內街, 原來 Mamy 想帶我去一個小小工場, 一個專門做鋁器的工場 Aluminium Factory  !

當地人喜愛用铝來作煮食用具, 沿途也見到不少大少鋁製器皿 及 手信, 今回就要親自見識一下其製作過程.

老實講, 這絕對是一個耗時耗人力而且有一定危險性的工場 !!

要做一個鋁製器皿, 就要先做模具, 在如此一個國家, 這個模具就是最原始的沙模, 因此只能用一次就要整一次.

這批相中, 工人們就拿著一個鋁煲, 埋在熱沙中堆模, 過程的酷熱及塵土飛揚, 可見倒模過程都真係幾辛苦.

 

另一邊, 在那尤如垃圾堆的環境下, 工人們在作 recycle 中 … …

回收的鋁質 (連帶雜質) 在被燒溶中, 而地上的垃圾, 就是那火源的燃料, 我可以話俾大家知, 當時真係毒氣瀰漫 … …

燒夠一窩的高溫鋁質溶液, 就這麼倒進之前準備好的沙漠中.

這個過程, 可算是整個工序中最厭惡的一環, 齋看的我們也受不了的要躱到一旁, 完全想像到這班工作人員的健康, 正日日的逐步受損中 !!

 

在沙模中的鋁逐步成型, 等到合適時間, 便可以將模打開, 最出鋁質器具.

製作出來的器具很成功, 完全成型 ~

 

最後將器具打磨得光滑, 便可以售賣的了.

可惜我們一致對其原材料的純淨度 及 安全度存疑, 實在没有人敢買來使用 ~

離開了工場, 我們又再度上路, 今回的路邊攤, 竟然是神像 !!!

這裡賣的是以陶瓷製作的為主, 尤以聖母像最多, 很切合本地人的宗教信仰.

偶爾都找到些可愛的小手藝, 這天的行程有點毒哦 ~

 

 

小朋友很容易滿足, Mamy 將早餐留著的乳酪送了給他們, 換來他們的一臉滿足.

這至少比起金錢, 對小朋友們更實用 ~

 

終於, 午飯時間到了 !!!

這裡最出名, 原來係食鴨呀 , 果然係曾經的法國殖民地呀下 ~

這份香煎鴨胸飯, 超水準表現, 美味非常.

經過了樓下餐廳的雪櫃, 內裡竟然係一盒又一盒的 鴨肝醬, 勁呀 !!

 

下午路程繼續, 這天天色依然的陰暗哦 !

 

這一區, 是出產水果的好地方, 這一期盛產的是士多啤梨哦 !!

唔信, 你睇下賣生果賣到伸入車內了 ~

 

當地人的生活 ~

 

最後一段路, 我們就開始走入山區 … …

只要入到山區, 就變得更加的煙雨淒迷囉 ~