漂泊中的魚

 

 

我們到達 Andasibe 入住的, 係位於 Rainforest 內的 Hotel Feon Ny Ala !

這個酒店位置都算係頗為僻靜, 四周都是樹林. 離酒店門口只有幾家小店, 每當入夜後, 整個社區便變得又黑又靜的 … …

酒店內, 看到一間又一間的茅屋仔, 這些便是我們的房間了.

 

我們入住的房間有兩款, 一是兩張單人床的房間, 又或如相中的雙人床連閣樓單人床的.

放心, 房間內設有洗手間的, 呢度整天又濕又凍, 如果半夜要外出去洗手間的話, 都幾麻煩 !

 

我們的房間內有一個小陽台, 剛好可以望到小河流, 還可以看進雨林深處之內.

間中, 我們也可以聽到些動靜, 應該是不同的野生動物在附近走動的聲音 !

這樣的住宿環境, 絕對是一流的 ~~

 

酒店 Main Building, 都係一個好好 hea 的地方.

估唔到呢度可以有足球機, 美式桌球 及 捉棋, 我地呢日早左少少到埗, 都忍唔住去玩左陣 … …

鬼咩 … 雨就係咁落, 我地係個雨林之中, 又可以去邊丫 ~

 

 

話雖如此, 我們確實在出去酒店外走走的, 不過 … …  咪就係得咁多野睇囉 !!

留意相四中的河流, 白天可能没什麼特別, 入夜以後卻可以找到很多亮點 ~

 

酒店的附設餐廳, 找到一個很有型的 Indri 木架 及 酒架, 真係好吸引 !!

 

 

據 Mamy 所說, 這酒店的主人 (唔記得定係餐廳呢) 是華人來的, 因此這裡的食品是很中式化, 他說這是 Malagasy Chinese Foods !

結果不負所望, 我們吃到雞絲湯 (粉), 碟頭式的雞蛋叉燒飯, 仲有焦糖香蕉作甜品, 出品非常地道, 好明顯是有中國人教路的 !

我們這餐終於不用吃法包了 ~~~

 

 

入夜去了閒逛, 靠自己只找到小蛙兩隻, 果然導遊們的眼力很驚人 ~

是日我睡在小閣樓, 由小綠 (壁虎) 伴我入眠 !

提醒大家, 來這裡最好帶定睡袋, 因為半夜真係好鬼凍, 我有個睡袋包著, 再躲進被窩中, 才總算夠暖 !!

睡袋足足帶左成程, 真係就呢 2 晚最有用 ~

 

Day 12, 一早醒來, 四周可夠熱鬧, 小鳥們一早便在開大會 ~

在雨林邊縁, 隨時可以找到小鳥的踪影 !

 

我還以為早餐都可以中式一點, 結果 … … 法包又出現了哦 !

還好, 今回有小型烤餅, 有點新意 !

 

 

寫開早餐, 預先分享埋是日午餐先 … …

原來 ! 雲呢拿可以煮主菜架, 呢道雲呢拿燴雞脾, 食得出調味料左用糖, 鹽, 鼓油 及 生粉, 很中式卻又加入了雲呢拿.

配埋白飯 及 紹菜, 味道不錯, 應該唔難煮的, 有時間可以出手試下 ~

 

 

知唔知點解我影呢架車 ?!

亮點係車頂個籃, 入邊是一隻隻的活家禽來的, 就咁綁住係車頂上當運輸, 隻鴨叫不停咁, 有點搞笑 ~

 

好了 ! 我們又要出發, 去 Andasibe National Park 尋動物去 ~

這個旅程之中, 最期後又最估計不到, 就是於 National Park 內可以看到什麼動物, 要看 wildlife 就係如此靠體力 及 運氣的了, 不過這倒是很值得的, 不是嗎 ?!

 

尚未走進 National Park, 就先跟三個品種的變色龍打個招呼 !

坦白講, 佢地的名字我真係唔記得啦, 不過相片就送上跟大家分享 ~

 

 

我好鍾意佢地的手仔, 好鬼可愛, 又有點肉緊咁 !

 

這隻有個小角的, 似唔似小小獨角龍 … …

影左幾張, 先發現佢真係會變色架 !!!

 

好 ! 我們走進 National Park 吧 !

這個 National Park 最主要看的, 應該是相中的那隻孤猴, 就係剛提到酒店餐廳內那木架的 Indri !!

 

 

又遇到體型小小的變色龍 ! 大家又知唔知佢地係點行架 ?!

佢地原來要 “un” 住 “un” 住咁伸手向前, 扶實左先再 “un” 埋另一隻腳咁行架 … …

實在係 … 好鬼 … 過癮 !!

 

真正走入 Rainforest 之內, 真係好鬼濕下 !

林中可以搵到好多野睇, 無論係動物 定 植物都有, 想睇到多d 野的話, 最重要係有個好導遊 !

 

 

 

細小如 mini 蛙 及 毛毛蟲, 都可以找到 !

 

白蟻的窩, zoom 埋一點去看, 真係 … … 少少毛管戙 !

 

第一隻出現的狐猴, 就係 Diademed Sifaka !!

佢的毛色很獨特, 灰色的身體, 四肢的毛卻是金色的, 手長腳長, 見佢抱住自己條腿坐係樹上, 衰衰咁好搞鬼 !

 

另一棵樹上, 反而可以找到一對母子, 還有抱著樹幹不上不下的, 呵呵 … …

 

Indri 真身出場 !!

Indri 的樣子很突出, 甚至帶點惡相, 其實並唔係咁可愛喎.

佢真係好鬼大隻架, 係體型最大的 Lemur, 只會係 Madagascar 內找得到 !

 

上邊隻 Indri 就掛住係度抓野搵野.

轉個頭, 呢邊隻係度搵食中 … …

我們一直在林中穿來轉去 … …

 

Eastern Avahi (Eastern Woolly Lemur) 相反體型小小的, 主食係葉同小昆蟲 !

你見佢眼大大咁,都估到佢本身係夜行動物黎架啦 ~

佢地幾隻野攬埋一舊咁坐係樹椏度, 萌爆 !

 

相中呢隻仲記唔記得呢 !?

佢係上左好幾次鏡的 Common Brown Lemur !

呢隻又係只掛住食 … …

 

另一隻係咪玩緊捉迷藏 ?!

 

走在林中, 如果細心一點, 可以搵到藏身其中的小動物 … …

 

Spiders 都可以搵到兩種 ~

 

 

呢張夠晒恐怖呀 !!!

蟲, 蟲, 蟲, 蟲 & 蟲 !!!

 

 

走過了湖, 接近旅程尾聲, 竟然遇到了蛇 !!!

仲要係 x 2 !!!  嚇死人咩 ~

 

回到起點, 在鳥鳴中離開 … …

這個 Rainforest 真係住左好多雀仔呀 !