2014 馬達加斯加嘩鬼團 Day 12 Part 2 Vakona Forest Reserve 的圈養動物 與 夜行探索

 

 

上午去完 Andasibe National Park, 我地下午去一個不同的地方 – Vakona Forest Reserve !

要來到這個 Private Reserve, 首先要經過一個小社區, 估唔到一個偏遠小村, 竟然有火車站.

最初有點想不明白, 後來見到路經的一個伐木林, 終於聯想到些什麼了 ~

 

來到 Vakona Forest Reserve 的 Lemur’s Island.

說到這是 island, 還真的要分批坐小艇渡河, 原因很簡單, 這個島上的 Lemurs 都是圈養著的, 河水就是防止牠們逃離的天然圍欄 … …

 

 

這裡見到的 Lemurs, 大都不怎麼怕人, 相中的是 Black & White Ruffed Lemur.

牠們的某些表現, 倒非常的人性化 ~

我估佢心諗 : 擺埋 pose 俾你地影相, 仲想點呀 ?!

 

 

 

 

Common Brown Lemurs, 於這個旅程中, 我們都遇見過幾次.

佢的行為, 係最 aggressive, 亦係最似 HK 所遇到的馬騮 !

因此, 大家不要被牠們的萌樣騙倒 !

 

 

仲有佢 – 應該係 Red Fronted Brown Lemur !

 

當時實際情況就係, 上島前導遊會分派香蕉給大家, 當大家踏足島上, 就會發生相中情況 … …

對 ! Lemur 是會為了香蕉, 盡往大家的身上跳 及 踩 !!

想知被踐踏後的慘樣係點 ?! 看相二中團友的外套吧 ~

 

 

要數島上最萌爆的, 就會係佢 – Golden Bamboo Lemur !

佢體形小小的, 很溫馴卻也很好奇, 總是遠遠的在觀察著我們, 卻也不太抗佢我們走近拍照 …

其實島上比較值得去看的, 也是這隻小東西, 因為牠在野外的存活率越來越低, 可能到某一年, 就未必可以在野外找到牠們的了 .

 

Diademed Sifaka, 上午係 Andasibe National Park 也有幸遇見過 ~

 

See ! 佢地奪取到食物之後, 就會即場食俾你睇架啦.

真係 … 冇乜儀態可言 ~

 

逛完 Lemur’s Island, 我地仲去左 Vakona Lodge 那邊逛逛.

其實呢間酒店的環境相常不錯, 我估住宿費都唔會平架啦   ~

 

這個 Vakona Forest Reserve 還有另一部份.

我地先去那一個小小木屋展覽室看一下介紹 … …

 

 

整個馬島, 真係好鬼多雀鳥, 即使這個時份算不上合適的季節 (冬天), 我還是拍下不少島類照片 ~

 

Fosa … 都係籠外生活的動物, 比較吸引 !

 

呵呵, 呢度另一名物 – 又係鱷魚呀 !

水中的鱷魚又多又大條, 好鬼恐佈 !

期間我地成日行單薄的吊橋, 真係唔知如果跌左落水, 會唔會俾鱷魚咬死架 ~

 

 

Reserve 中的另類生物 … …

相三的係 Leech – 水姪 ! 我地行行下, 導遊突然叫我地唔好靠近木板, 才發現成塊木板都係水姪, 場面好恐佈 !!

於 Vakona Forest Reserve 內走上一圈, 實在没有很特別的看頭, 那就齊齊回程吧 !

 

再次經過這個小社區, 得到小朋友們天真可愛的道別 ~

 

回到酒店, 等待入黑後的再次出動 !

對呀 , 我們被安排了跟導遊們出外夜行, 地點並不遠, 就在酒店門外沿河道的地方.

那天我們自己走上一回, 什麼也看不到, 不過當我們跟著導遊們散步, 竟然找出了大量野生小動物, 導遊們的眼力實在太太太厲害了 ~

 

 

請不要問我, 牠們的學名, 因為 … … 我實在記不到 ~

在黑暗中, 加上變色龍的保護色能力, 真不明白是怎樣被看出來的 ?!

 

呢度有隻 Gecko, 大家又睇唔睇到 ?!

 

連竹節蟲都被找出來了 … …

 

拿 ! 這晚的主角係佢, 越級小型的 Lesser Mouse Lemur.

佢超級怕人, 我們剛找到牠, 便只見一道黑影閃過, 便已上到樹上, 由始至終我只見到其身影.

還好, 我們的團長有幸見到其真身, 佢同卡通電影中那隻膽小 Lemur, 真係超級的相似哦 !!

 

是日晚飯有點遲, 不過玩了一天, 有飯下肚, 感覺真好 !!

 

是夜, 我又再 Gecko 們的相伴下入眠.

題外話, 我最近發現原來很多朋友都怕壁虎.

我卻覺得牠們蠻可愛的, 我家時常都有壁虎出現, 很多時就當係我家寵物一樣, 由得牠們四處走動, 不會趕走更不會打擾牠們 …

朋友們聽後, 卻覺得我很奇怪 ?!

事實上壁虎是會吃昆蟲的, 由得牠們幫我吃吃蚊子蒼蠅, 不是很好嗎 ?!

4 thoughts on “2014 馬達加斯加嘩鬼團 Day 12 Part 2 Vakona Forest Reserve 的圈養動物 與 夜行探索

Leave a Reply

%d bloggers like this: