哈 ! 有時真係覺得我的朋友們都係有舖傻勁, 係 HK 都要搵個地方黎住一晚 !
今次, 我們來到深水埗的美荷樓青年旅舍, 完全是一個喜出望外的驚喜 ~
星期五放工, 本來拿著一個背包就可以 Check-in 架, 點知去一去左長沙灣, 逛了某戶外用品店的開倉, 就得抱著一個營, 4 個防水袋 以及 1 張自動充氣地蓆過去深水埗 … …
最近似乎為了玩, 我又大出血了 ~
美荷樓的歷史我就唔再多說了, 反正也不是第一回在這裡提及, 有興趣可以睇番呢度 : http://traveling-fish.tixmart.org/2014/03/10/hk-sham-shui-po-03/
今回我們對這家 YHA 超對有讚冇”彈”, 首先 check in 之時, 這裡的員工非常友善 & helpful ~
若然大家入住時, 忘了帶某些日用品, 可以於 YHA 櫃台購買, 望了一下個版, 我決定要買番對拖鞋 ~
HK 人 Check-in 時, 記得帶身份證喎 !
美荷樓清年旅舍 Webpage : http://www.yha.org.hk/chi/meihohouse/index.php
我跟朋友入住的是 En-suite Twins Room, 以這種房間的質素, 那房價絕對是好抵住 !
首先講設備, 有齊冷暖氣, 電視, 仲有水煲, 我們不禁問了一句, 洗唔洗咁齊呀 ?! 咁仲算係 YHA 咩 ?!
再來, 洗手間乾淨整齊, 還備有大小毛巾, 花洒水力十足, 熱水也足夠, 就連二合一沖涼液配洗頭水都有埋, 真係好齊備 ~
房間空間很足夠, 2 個人住都有鬆動, 床舖亦十分整潔舒適 ~
隨著房間匙卡, 還有早餐卷 以及 深水埗自助遊地圖 ~
根據同行友人的報告, 呢度的 wifi 十分強勁, 上網打機完全冇問題 !
二樓的一個露天雅座, 最適合跟朋友們在這裡聊天 … …
這座青年旅舍值得大家沿樓梯由地下走到上五樓, 皆因整座樓梯的牆壁都被畫上富有 HK 特色的彩繪 !
所有壁畫都畫得好靚, 而且張張都很有意思, 邊行邊影唔經唔覺回就走完五層 ~
YHA 的公共設施, 有廚房 & Common Area , 仲有康樂設施 (康樂棋 & 上網區), 樣樣齊備之餘仲要好鬼新淨 !!
深水埗之夜景 … …
半夜可以係 Hostel 度飲住茶咁睇電視, 呢一刻很精神分裂, 我究竟係 HK 定係 外國呀 ?!
咁夜麻麻黎到深水埗, 又有咩搞作可以玩呢 ?!
嘩 … 原來夜晚黎呢度, 先至多野玩, 多野食呀 ~
放工到家下都未食過野, 我地齊人即去醫肚 !
第一回來到這個隱藏在蘋果商場內的拉麵店, 排著排著, 都排了半個多小時, 才成功入座.
光看店面, 真有錯覺以為自己在日本哦 ~
這店是吃沾麵的, 老闆似是日本人, 以美味又真材實料的沾麵湯底 以及 自家製麵條 作賣點, 得到朋友的極力推介.
我們品嚐過後, 認為是水準不錯, 都算值得排上半小時, 唯獨是湯底加不加水都是稍為咸了點 .. …
隠家拉麵工場 Openrice Review : http://www.openrice.com/zh/hongkong/restaurant/%E6%B7%B1%E6%B0%B4%E5%9F%97-%E9%9A%A0%E5%AE%B6%E6%8B%89%E9%BA%B5%E5%B7%A5%E5%A0%B4/83895
深水埗出名多地道小食, 不過已吃了一碗麵的我們, 實在肚子空間有限 … …
經過見到老婆婆在烤魷魚, 就幫襯一下吧 !
(中間還有吃到咖喱魚旦 以及 四色炸丸)
最後, 我們還得來碗 綠林 的糖水, 一晚食左 5 款野食呀, 撞鬼 ~
深水埗真係咩都有可能, 無啦啦見到隻肥嘟嘟的大兔兔 !
原以為佢係走失了的, 後來才發現原來有人在溜兔 ~~
這兔兔完全不怕生, 任我們去摸去玩, 唔滿意便自動跳開.
半夜, 我們在深水埗街頭亂逛 … …
這 … 也可以看到不同的街頭特色 !
近年深水埗, 除了天光墟外, 還出現了一個午夜墟 !
這個午夜墟就在北河街 / 桂林街那邊, 太約於晚上十時多開始, 没有想到這個午夜墟還真有趣, 貨品固然有趣, 不過遇到的人更有趣 !!
真係估佢唔到, 咩鬼野都有得賣架喎 !?
寫有家規的白板, 真係睇到我地忍唔住笑 … …
安睡一夜過後, 我們醒來繼作扮遊客 !!
這個 YHA 真好的没話說, 竟然包埋早餐架 !
早餐有分 中式, 西式 及 港色, 雖然我吃的港色早餐味道不錯, 但西式早餐看上去更吸引喎 …
由於買左太多野, 我決定要寄存行李, 以 HK $ 10 per hour 的租借了 locker !
嘩 … 真係玩扮遊客玩到很投入哦 … …
