有時候個人癲癲地, 總會又識著個傻傻地的, 結果仲要約埋班搞笑的, 大伙兒係 34 度高溫下去行山.
原本咁熱就應該只黎個短短地路程的, 點知原來係去行沙頭角紅花嶺那邊, 又要上山, 又冇遮擋位, 仲會迷路的, 真係曬到燶呀 !!
我們今回的起步點, 係沙頭角公路 x 禾徑山路, 沿禾徑山路 (馬路) 行到咁上下, 就有分支往上紅花嶺的山徑架啦 ~
上紅花嶺電塔的, 係全程泥水路, 非常易走, 不過就要不停勁上斜咁囉 ~
咁唯有慢慢行下, 抖下, 間中又停低黎影下風景照, 其實都唔會太難捱o既 !
呢日的藍天白雲真係冇得頂 !
來到電塔前的一片平地, 其外貌有點似停機坪的模式, 後來團長也發現其他汽車組織會集體驅車來這裡, 排好拍張示威照 !
我們則不用排開, 只要來張 Panorama, 便可以一次看清深圳的市镇 與 香港的郊區之對比 ~
我們再繼續上山, 自這段起就是沙石路了, 要跟水泥路說句再見了 ~
這段路要再辛苦點, 不過那風景真真值回票價的, 很推介大家於秋天再來這個地方逛逛 (秋天冇咁熱, 冇行得咁辛苦嘛 !).
我們没有登上紅花嶺, 反而開始轉入叢林之中, 正在前往蓮麻坑之路上.
没有想到這裡竟然有座廢掉的關卡, 話說這區在以往要有禁區紙才可以進入, 直到 2013 年後才被剔出禁區範圍.
如今我們在蛇頭團長帶領下, 用自己方法越過以往的禁區範圍, 無啦啦咁都有少少緊張添 (唔通作賊心虛 …) !
走在林中, 至少冇咁曬, 但都可以好鬼焗.
穿過了叢林, 來到相六中的平地, 據說是附近那座麥景陶碉堡的直升機坪, 而家當然又係我地的 view point 啦 !
望的會係咩風景 ?! 應該就係深圳的蓮塘區了.
呢個咪就係邊境警崗, 名為麥景陶碉堡.
以往是用以阻止非法入境者潛入, 而如今這個警崗仍然在運作, 晚上會有一名警員在駐守.
在這裡我們遇到另一班遊人, 卻慘被老點下了半山, 才發現不對勁, 完全找不到分支路, 唯有先回頭 … …
都真係… 回頭先知有幾甘 !!!
如果要去蓮麻坑的礦洞, 就要留意相一呢個告示牌, 因為分支路就在這個位置 !
不用四處去找, 只要順著別人走過的路而行, 便可以順利到達礦洞, 同時也是最美最廣濶的一個洞, 有著 “大廳” 之稱的 6 號洞.
要走過去”大廳”, 要先經過一個豎井, 要小心一點咪踏錯, 因為真係非常之深, 睇番新聞好似 HK 真係有行山人士誤墮井中而死亡.
終於來到啦 ~~~
呢度的風景真係好唔 HK, 邊個會諗到HK 境內都可以搵到咁的風景 ?!
先去其中一個小洞探察一下 … …
下有另一個山洞, 上有一個豎井, 牆上沾有防水的礦物質 ?! 因為反光之餘, 仲會起水珠的, 有點古怪又神秘.
知唔知蓮麻坑的礦洞, 原本用來開採鉛的, 直到 1962 年才停產 !
來到大廳參觀一下, 順道休息 !
呢個礦洞超靚, 影相出黎效果一流 ~
唔知係咪天氣太熱, 在洞口的水滴, 只要滴落地上石頭, 便化成一絲絲水氣, 好古怪哦 ~
我們在休息 及 拍野中 … …
最後一個小山洞, 發現一個小小的指示 “通山背”.
因此, 我們便前進探險, 在當中發現了小小驚喜.
一個鳥窩中, 發現了鳥蛋 及 鳥 BB , BB 似乎是剛出生的, 眼仔都未開, 卻懂開口找吃, cute !
好吧 ! 回程囉 ~ 由洞中走出來, 黃昏時份都仲係好鬼熱呢 ~
我們在途中被團長引左上紅花寨, 結果又得到一個意料之外的好風景 !
眼前的就是 沙頭角海 !
回望深圳 ……
是日真的得到了好天氣, 認識到一班很有趣的山友, 又熱又好玩的一天 !
不過, 日落下還是得下山囉 ~
無意中團長發現這隻蛾, 好大隻唔郁咁停係鐡鍊上, 咁梗係要影低佢 … …
好 ! 下回再玩過 ~
太陽咁猛真係要戴超大闊邊帽先頂得住
個山洞真係正喎@@
係呀, 好靚架呢度 !