HK : 日潛平面洲 ; 夜潛火石洲

 

唔經唔覺, 我已經 2 個月冇係本地潛水了, 本年的潛水興致似乎減退了一點添 … ..

這星期終於跟朋友們出潛, 下午出船, 一個日潛接兩個夜潛, 好充實哦 !

出船於西貢, 人齊就出動, 潛水仲有小布袋送, 隻水母仲要好得意添架 ~

 

第一站係連名都未聽過的 – 平面洲 !

下午四時多落水, 這個潛點唔深架, 最深都係 9 米左右, 潛左 40 分鐘左右, 水溫 26 度剛剛好, 好舒服.

最初落到去都唔算多野睇, 四圍八下都只係搵到 2 隻橙兔兔 … …

 

潛多陣, 無意中來到小丑魚區, 嘩 … 佢地唔惡架, 又唔追人, 又唔咬人.

仲有一堆蛋蛋任我地影, 蛋蛋們都有眼仔架啦 !

成百對眼仔齊齊望住你, 都咪話唔驚呀 ~~

 

 

呢度仲有堆係冇眼仔既, 不過就冇咁好影囉 ~

係小洞穴中找來怕羞仔, 影左幾張先放過佢, 真係好耐冇遇過唔惡的小丑魚啦 ~~

我諗呢個位, 平常應該好少人黎潛囉 !

 

第二潛轉位去火石, 而日落也上場了 ~

咸蛋黃在天上掛, 畫面幾咁舒服 !

 

第二潛, 天剛入黑, 跟著 Buddies 下至 19 米, 玩足 45 分鐘.

落到 19 米都唔覺得特別凍, 仲係 26 度水, 慢慢搵野去影相 ~

剛下水就遇到佢, 可惜只能求期影兩張, 點知就唔中 focus 囉 … …

 

 

好在, 仲有好多野影 … …

 

 

夜潛的好處, 就係可以慢慢影下魚魚們的 Close up !

 

 

火箭兔出場 ~~

 

佢個樣, 點影都硬係怪怪咁架 …

八爪魚先生你可唔可以笑下 ?!

 

又黎啦, 又黎蛋蛋呀 !

可憐的小丑魚爸爸只敢偷望, 唔敢出黎趕我地走 ~

 

第三潛都係火石 !

呢回真係掛住玩啦, 係 19 米玩得太耐, 唔夠時間升水, 結果咪 … …

真係太差勁了 ~

 

魚在彩色花園中, 美 ~

 

呢種海葵穩藏左好多其他生物 , 有海參, 也有小蟹 ~

 

今個潛找到了兩款兔兔, 相二中的那款都係第一回見到, 好古怪的樣子 !

 

仲有 Xeno Crab !

 

HK 的水底係就係濁左點, 但其實有好多唔同旳海洋水物生活在這裡, 俾心機總會搵得古怪野.

各式潛友出去外潛之餘, 也花多點時間留係 HK 潛下啦 ~

2 thoughts on “HK : 日潛平面洲 ; 夜潛火石洲

Leave a Reply

%d bloggers like this: