漂泊中的魚

根據過去幾年的經驗, 時近中秋, HK 水質總會變得較好, 難得有機會, 當然跟朋友們出海潛下水 ~

是日天氣好得不得了, 唔太熱又唔太凍, 有太陽再加海風, 唔潛齋出海都爽呀 !

今回出潛白腊仔, 都好耐冇黎呢邊潛, 又睇下有咩搵到先 ~

第一潛, 水溫真係好暖, 有成 28 度.

下潛最深 9.8 米, 無目的隨意找, 隨意拍, 都玩左 51 分鐘.

今回試下減鉛, 日常裝備, 用左 6 lb 下水, 成功落到水底, 不過潛到半支左右, 就要控制住黎潛, 唔係都幾易升水 …

水中很多魚, 真係超多, 加上水質算清, 未及去年外潛般的質素, 卻也很滿意了 ~

魚, 一海都係魚 !

在珊瑚礁上找到了小小的一隻 Blenny, 好鬼蠱惑, 有流先伸個頭出黎, 結果我真係等左好耐, 先影到 2 張似樣的 !

呢條 Trumpet 唔知點解, 成日係我地附近游黎游去, 唔影佢都唔得啦 ~

小休片刻, 我們來第二支.

真係冇咩影, 但係好多惡的 Nemo 之中, 我搵到 2 條細的俾我試下機.

玩左半支, 突然唔見左 Buddies 們, 搵左陣唔見, 升水面再搵.

可惜搵到想再下水, 耳仔唔聽話啦, 我見冇乜特別野都唔再勉強, 放棄回船好了.

兩支完成, 食個午飯再回程 … …

坐係船上, 晒住太陽, 吹住海風, 唯一想做的就係訓 !