早兩個星期, 我又跟同事們齊齊去澳門玩左兩日.
間中都會去下澳門, 講到景點都真係冇咩新野, 但係要算到食野, 就真係可以次次都有新野啦 ~
去到澳門的第一個指定動作, 除左去我家放低 D 野, 就梗係出動食葡菜啦 !
今回由本地導遊推介, 婆仔屋的葡國菜 – Albergue 1601 !
荷蘭園呢區環境真係幾清幽, 算是可以避開日常遊客的地段, 加上婆仔屋呢座古建築物都靚架, 同時亦係文創區, 值得過黎逛一下 !
Albergue 1601 的野食都唔錯, 尤其係個海鮮燴飯, 那味道及賣相都令我想起曾在同為葡萄牙殖民地的東帝汶, 同樣吃到一份美味的海鮮燴飯 !
不過呢, 我地一致覺得佢的鴨飯有點不同以往吃到的, 不太習慣, 亦覺得不夠吸引.
Albergue 1601 Openrice Review : http://www.openrice.com/zh/macau/r-albergue-1601-%E8%8D%B7%E8%98%AD%E5%9C%92-%E8%91%A1%E5%9C%8B%E8%8F%9C-r96810
在附近逛逛, 建築物大多富有濃厚的歐洲氣息, 鍾意影相的真係要慢慢逛, 慢慢影 !
剛吃完一餐, 接著再來多兩餐 !
一份新鴻發的超厚切西多士, 以及 紅街市附近新龍記的墨魚餅蟹黃撈麵 ~
前者出品依然出色, 後者則吃不出特別之處, 反而有點過於油膩.
食左咁多餐, 咁總要用番出黎架 ?!
天氣咁好, 上東望洋燈塔睇風景就最好, 而呢個景點係我特別鍾意係藍天白雲時去, 不過今回就可能熱左少少 ~
站在高處就係爽, 如果有個可以坐, 又有涼風送爽的地方, 就更令人開心 ~
呢個, 可能都係我鍾意行山的原因 !
燈塔我之前有去過, 但係同一個山頭上的松山市政公園 及 松山軍用隧道, 原來每回都過門而不入.
今回, 終於有機會啦 !!
松山市政公園, 有點似 HK 的山頂公園咁, 呢度有遊樂設施, 仲有 … … 舊炮台 ?!
松山纜車, 全世界最短纜車, 又平又好玩, 就係唔知點解唔俾人影相 … …
二蚊一回, 二至 三人一個車廂, 我們齊齊下山去, 附送日落夕陽景色一個 ~
路環吃葡撻, 差不多是我去澳門的一個指定動作.
呢個葡撻當然好味, 但最重要係相中呢個河景, 讓我地可以坐在河堤上邊看日落風景, 邊吃著新鮮出爐的葡撻, 係咪爽呢 !?
計埋呢餐外賣的水蟹粥晚餐, 我地呢日足足食左 5 餐囉 … …
2016 澳門國際煙花比賽匯演 剛好在這個星期六有賽情, 近近地就行去屋企附近的天橋上睇啦 !
晚上九點的那場趕不上, 但九時四十分的卻剛剛好, 現場遠距離看同樣震撼, 一場煙花放了 20 分鐘都真係幾精彩, 最鍾意個堆水母形煙花 !
下年, 應該可以再來一回 !
Day 2 又係吃喝玩樂行之始 !
早餐, 來一個三元粥品的肉丸粥 加 油條 !
呢間店的人好有性格, 出品的粥都好有水準, 不過價格比 HK 的仲要貴 …
呢間小店, 我絕對要極度推介 !
店主叔叔人超好, 見我地 4 個傻婆係門口望黎望去, 以為佢的蝦子麵係焗餅, 即刻就作出詳盡介紹, 用料十足, 就連煮法 & 食法都教埋, 非常有誠意 !
我地買左番 HK, 照叔叔所講咁煮, 略為調味, 已經好好味啦 ~
澳門大良鳳城手打麵店地址 : 下環街 威翠園 1號
我們再走多幾步, 就黎到 最香餅家, 以現制 杏仁餅 最有名, 買手信的好地方.
早起早出門的好處, 就係唔洗排隊去買手信啦 ~
澳門最香餅家 Facebook : https://www.facebook.com/%E6%BE%B3%E9%96%80%E6%9C%80%E9%A6%99%E9%A4%85%E5%AE%B6-198396516837350/
地道小食唔好停, 黎多個 頤德行（李康記豆腐花）的豆腐花.
豆花好滑好味, 原來呢度食豆花仲會加淡奶, 有趣但本人唔太好淡奶 …
https://www.facebook.com/leehongkeetofu/
我們已經吃到飽飽, 卻又未想到下一站 !
那就去一下 MGM …. 的商場逛逛 ~
其實較吸引我的, 係酒店外的湖景 !
澳門的 Landmark 都可以中呢個角度欣賞度, 如果唔係咁熱, 我應該可以沿湖走上一圈 ~
MGM 有間附設 Cafe “甜點”, 係嘆下午茶的最好地方, 一壺茶, 一份西餅糕點, 可以坐個夠 !
呢度的甜點品種真係好多, 如果有選擇果難症的話, 應該都要諗好一陣子 …
有時間又想搵個地方坐坐, “甜點” 會係一個好地方 !
