HK : 晴雨交加的兩潛於 海下沉船 & 赤洲

 

一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 …

雖說潛水不介意下雨天, 但總是期待著出海會有好天氣的嘛 ~

没關係啦, 是日我們又跑到漁排去 … …

每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 !

 

是日第一潛, 竟然是出名水濁的海下沉船哦 !!

剛下水那一刻, 水真非常的濁, 很多漂浮物, 心想下潛到底都應該要摸著來潛 …

怎料下潛到 12 – 14 米左右, 能見度竟然有 2 米, 不過水溫則降至 23 度, 潛下潛下都真係有點冷, 還好這潛真係好多兔兔影咋 !!

呢度真係好鬼多魚, 大大小小都有, 總是圍在我們身邊團團轉 …

呢一潛玩左 60 分鐘, 凍到震住上番船 … … 好凍哦 !!

 

 

 

 

. . .

→ Read More: HK : 晴雨交加的兩潛於 海下沉船 & 赤洲

2016/17 南美之旅 – 前言 & 簡介

 

如果大家有黎開呢個 Blog, 就會發現我自去年 10 月左右, 便消失了接近 6 個月的時間.

這期間我跑到那裡去了 ?! 那就是我正在實現一個夢想, 完成一個期待已久的旅程  !

對呀 ! 南美 是我近十年來, 最渴望到訪的地方.

當年身在英國之時, 我是可以輕易申請到假期, 當時資金卻並不充裕.

如今回港工作, 没錯我能夠儲得多點錢, 但輪到請假就没有那麼容易了 !

最終這個旅程之所以能夠成行, 確是一個可遇不可求的機會 ~

======================

 

這回我花了接近半年的時間, 到訪了南美 六個國家 + 位處中美的古巴.

有朋友說, 半年時間才走訪了 7 國, 是否少了一點 ?!

我反而認為貴精不貴多, 我跟同行朋友是以目標為本的心態, 我們將想到訪的地方例寫下來, 再拼砌出如今的行程 :

2016 年 11 月   古巴 Cuba –>  厄瓜多爾 Ecuador–> 秘魯 Peru (Cusco & Puno)

2016 年 12月   厄瓜多爾 Ecuador . . .

→ Read More: 2016/17 南美之旅 – 前言 & 簡介

Spain : 2017 短遊 Barcelona – Day 3 It’s Gaudi, again !

 

Day 2 花了整天去欣賞高生 (Antoni Gaudí) 的作品, 如果大家以為已經睇完, 咁就對唔住啦, 最出名的 La Sagrada Família 要來到 Day 3 才能參觀 !

前往 La Sagrada Família 之前, 我們上午先去參觀 Casa Milà (La Pedrera).

如果 Casa Batlló 係高生的建築示範, 那 Casa Milà 則更像是一座博物館, 而且內附示範單位.

由於 Casa Milà 是一座出租大廈, 因此並不如 Casa Batlló 般全橦開放給遊人參觀.

Casa Milà (La Pedrera) Webpage : https://www.lapedrera.com/en/home

 

這橦 Casa Milà 最吸引人之處, 應該是這個天台吧 ?!

在這裡, 我們真的逗留了個多小時, 就為了走多幾圈, 用不同的角度去拍這些外貌尤如黑武士的柱群 ~

某程度阿高生都真係幾有幽默感 … …

. . .

→ Read More: Spain : 2017 短遊 Barcelona – Day 3 It’s Gaudi, again !

HK : 兩支三地 – 白腊仔、甕缸 & 牛尾

 

隔左個星期再去潛水, 剛好遇上了下大雨之日 …

其實去潛水呢, 落唔落雨都唔太大關係, 反正都係會全身濕晒架啦.

但係 … 回程羅車時, 都令到我全身濕透, 我真係覺得自己係水面仲濕過係水底囉 !!

 

是日我們出了白腊仔, 不過成程又係好大湧, 結果潛了一個連飯都唔開, 上水即閃 !

就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下).

不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了.

是日能見度有多好 ?! 看看相片就知道,  typical HK 水質哦 ~

 

 

水質麻麻, 但都搵到野影下丫 ~

其實 HK 水域都多野影架, 不過要考下眼力, 又考下膽量咁啦 …

忍得到濁水, 自然樂趣無窮, 而且是日濁處未算濁喎 !!

 

 

呢隻蟹我叫佢做肥仔蟹 !

肥嘟嘟咁都硬要往凹處塞, 但又生著對邪啤眼, 樣子實在非常滑稽 !

佢實在太得意, 令我係度同佢玩左好耐 … …

 

第二潛, 係我地停留吃午飯的地方 - 甕缸 !

落去除左好多垃圾, 真係咩都有, . . .

→ Read More: HK : 兩支三地 – 白腊仔、甕缸 & 牛尾

Spain : 2017 短遊 Barcelona – Day 2 It’s all about Gaudí

 

大家來到 Barcelona, 那定必離不開建築師 Antoni Gaudí 這個名字, 其名字中文譯作高第, 我就鍾意稱他作高生 !

高生的多件作品, 散落於 Barcelona 市內的不同角落, 有大宅、有教堂、也有公園, 形式之廣泛, 没去過 Barcelona 的人或許未必了解到其影响力 …

我不是高生的 Fans, 即使以往聽說過其作品有多精彩, 於未去 Barcelona 之前, 我對高生的出品是没太大興趣.

但當大家到訪過這地方, 就會知道如今 Barcelona 的旅遊業, 跟高生的作品已是密不可分 !

因此即使高生當年是如何地敗家 (其作品的建築成本跟他所追求之完美度, 是純對成正比的 ~), 現在已經顯示出當年投資的有效回報.

而當我一次又一次於網上訂購高生作品的入場門票時, 我實在忍不住笑稱高生實在是一位很會生金蛋的敗家子.

提提大家打算到訪 Barcelona 又想去參觀高生作品的朋友, 定必要預早數天於網上購買門票, 基本上在當日是没可能買到同日門票的, 有些熱門景點甚至要買 Fast Pass, 以免訂了門票還得在門外排隊等候.

 

話說當日一早來到 Park Güell, 打算排隊購買即日門票, 才發現當日只剩下晚上 7 時的入場時段.

原來 Park Güell . . .

→ Read More: Spain : 2017 短遊 Barcelona – Day 2 It’s all about Gaudí

Spain : 2017 短遊 Barcelona – Day 1 食不停的 Barcelona

 

南美大部份的國家, 曾經都是西班牙的殖民地, 因此西班牙文成為當地主要語言.

而我地係南美遊歷接近尾聲之時, 就下了決定, 要回程時到其宗主國 – 西班牙走一趟.

最後, 我們選了 Barcelona 作為我們的朝拜之地 !

匆匆的四天速遊, 在 Barcelona 就是不停的吃、吃、吃, 有幸得到朋友的當地朋友作導遊, 我們每一餐吃到的全都是美食哦  !!

 

最初本打算入住上回給我非常好印象的 Room Mate, 不過自從找到了 Hotel Praktik Bakery 後, 我們就毫不猶豫地訂房了.

呢間酒店的最大賣點, 已經完全顯示在其酒店名字之中 — Bakery !!

當然我也不會傻得只為一間 Bakery 而決定入住, 事實上這家酒店的房間非常精緻實用, 面積不大, 設施卻一應俱全. 每戶皆有落地玻璃窗, 令房間特別明亮.

唔知係咪錯覺, 又或我們在南美生活久了, 回歸文明令我地覺得呢張床真係好舒服, 笑說瞓左上去就唔想起身;

酒店本身位置亦很不錯, 大部份景點皆可用走的去到, 三天以來都冇坐過 Metro !

Hotel Praktik Bakery Webpage : http://www.hotelpraktikbakery.com/

Hotel Praktik Bakery TripAdvisor Review : https://en.tripadvisor.com.hk/Hotel_Review-g187497-d5790522-Reviews-Hotel_Praktik_Bakery-Barcelona_Catalonia.html

 

講到間 Bakery, 呢個真係 Bonus 黎架 . . .

→ Read More: Spain : 2017 短遊 Barcelona – Day 1 食不停的 Barcelona

HK : 由火炭華翠園走到城門水塘

 

 

最近不停在上山下海中, 似乎南美之旅後, 我定期就要去放電 … …

有見是日天氣有點不穩定, 我們就選了我家後山的路徑作起點, 貪呢條路線較多 exit points 嘛 ~

由華翠園路口進入, 沿著石屎路就會來到相中的配水庫, 再往前走是那專為老人家們而搭建的簡單涼亭, 全條路線都是舖設好的石板路, 非常容易行走, 怪不得這裡也是居民晨運熱點.

 

來到第一個分叉路, 會見到右邊是往火炭黃竹洋村的下山路, 而左邊前方則可以找到前往草山 / 麥理浩徑的指示牌 !

這段是一道連續上山的石梯路, 不會太難走, 只要自行調節好節奏便成.

 

上到山脊, 只要再向前走 700 米平坦路段, 自會到達城門水塘內的範圍.

 

平常我們都會往草山進發, 今回卻選擇了另一條路, 往城門水塘方向而行 …

全程石屎路, 很平坦, 也非常易走 ~

來到分岔路口, 看到相中的指示柱, 可以先去城門水塘觀景台看看, 才再繼續前進 ~

 

重回分岔路口, 走的是畔塘徑, 轉左或轉右皆可, 最後我們選了前往主壩方向.

夏天來城門水煻, 就得要有跟馬騮打交道的心理準備, 最好就連架生都要帶備, 亦即是我們的行山仗了 ~

可惜 … 我們今回並没有帶備行山仗, 幸運是我們只遇上了一群馬騮, 之後就没有再見到; 不幸的我們還是被牠兇了, 同行朋友還感覺牠好像有摸到她的小腿 …

牠們真係越黎越惡架喎 ~~~

 

 

這個城門水塘的畔塘徑非常好行, 常在樹蔭中, 間中又有水塘景, . . .

→ Read More: HK : 由火炭華翠園走到城門水塘

HK : 兩潛於 打浪排 & 獨牛

 

這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !

我地本來仲擔心要取消本星期的 Fun Dive, 結果 … 個日曬到傻哦 ~~

今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.

唯獨黃石出船, 開車入去就要有俾人炒牌的心理準備囉 !

是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信  ?!  陣間睇埋個 Video 啦, 兔兔在玩大風吹 ~

 

第一潛水溫很好, 27 度水, 一點不會覺得凍 !

最深去到 15 米, 玩了 50 分鐘, 左搵右搵找兔兔 …

係呀 … 我其實齋對兔兔有興趣架咋, 結果只找到 2 款 ~

 

 

 

今回打浪排都算幾清, 而且仲幾多魚下.

相二的唔係微粒黎架, 全部都係躲在海刺附近的魚毛仔 …

 

. . .

→ Read More: HK : 兩潛於 打浪排 & 獨牛

HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

 

這個端午節的天氣比預期的好, 那就跟同事們去行下我最喜愛的山徑 – 麥理浩徑第二短 (短線版)  ~

這條路線以往也曾走過, 今回的行程基本上跟上回是完全一樣, 就連行完山後的下午茶, 我們也去了同一家餐廳 ~

HK : 再來 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

起點於西灣亭, 下車後慢步前往西灣村 ~

最近發現不少山徑附近的茶水亭遭人投訴, 一向售賣的熱食全没了, 我有點擔心這條路線上的食店也中招.

還好, 我一向最喜歡幫襯的那家海邊茶座仍在, 那碗薑汁豆花依然好味 !

 

走過了西灣, 這裡似乎比以往熱鬧.

以往那不定時開出來往西貢的快艇, 如今越來越多人乘坐, 價格比以往似乎便宜了, 有興趣可以致電查詢.

 

翻過了山頭, 望見了蚺蛇尖, 其下方就是鹹田灣.

遙望大海, 竟然讓我發現了前一晚才登上過的潛船, 看來是日潛友們去尖洲玩喎 ~

去年大雨沖毁了的獨木橋, 如今已經復修了, 依然是那麼有特色 !

 

午飯, 我比較喜歡到大浪村的興記, 反而鹹田灣那海景士多, 我相對較少幫襯.

下回我倒想一試離興記不遠, 好像名為文苑的那家, 每一回都因為先經興記, 而忘了尚有一家士多在村中.

興記的出品普通, 但勝在有人情味, 跟老闆及老闆娘聊聊天, 也是一種享受.

 

在蚺蛇尖山腳下, 我跟這隻蟬相遇了.

為怕牠成為其他山友的腳下忘魂, 唯有幫牠移動一下.

 

去年山泥傾瀉地點, 山徑已經被清理出來, 但山坡還是有點破爛, 看來今年雨季一到, 路徑很有可能再次被覆蓋.

大家行山前要留意告示了 . . .

→ Read More: HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)