隔左個星期再去潛水, 剛好遇上了下大雨之日 …
其實去潛水呢, 落唔落雨都唔太大關係, 反正都係會全身濕晒架啦.
但係 … 回程羅車時, 都令到我全身濕透, 我真係覺得自己係水面仲濕過係水底囉 !!
是日我們出了白腊仔, 不過成程又係好大湧, 結果潛了一個連飯都唔開, 上水即閃 !
就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下).
不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了.
是日能見度有多好 ?! 看看相片就知道, typical HK 水質哦 ~
水質麻麻, 但都搵到野影下丫 ~
其實 HK 水域都多野影架, 不過要考下眼力, 又考下膽量咁啦 …
忍得到濁水, 自然樂趣無窮, 而且是日濁處未算濁喎 !!
呢隻蟹我叫佢做肥仔蟹 !
肥嘟嘟咁都硬要往凹處塞, 但又生著對邪啤眼, 樣子實在非常滑稽 !
佢實在太得意, 令我係度同佢玩左好耐 … …
第二潛, 係我地停留吃午飯的地方 – 甕缸 !
落去除左好多垃圾, 真係咩都有, 有鞋有拖鞋, 仲有勁多膠袋 !!
來這裡船 P 的朋友, 唔該有點公德心, 唔好再亂掉垃圾落海啦, 呢度係有珊瑚保育區架 ~~
我地搵唔到咩, 就係得阿咬手仔同我玩 …
細心一點看, 咬手仔個口入邊, 係有一隻寄生蟲架 (睇唔到冇計, Blog 相解像度降左嘛 !)
最後一潛係牛尾 , 當堂風平浪靜左 ~
一落去就見到呢條魚 … 我都唔知佢叫咩名, 好似話佢係特別版黎架喎 …
哈 … 本人還是得努力認下魚, 睇完仲要努力記得, 我真係潛完轉過頭就唔記得佢地的特點 ~
口中有蛋的 Goby 仔, 佢真係好過癮架 …
以為細鱗的小童版已經夠細條, 原來 BB 仲要再細條 D !!
真係影到眼都矇 … …
玩多左陣, 我地都上番水, 結果 … 大雨由中午就冇停過, 直到夜晚都仲係咁落 …
有冇咁多雨落呀 ?! 度度都水浸咁囉 ~
