HK : 晴雨交加的兩潛於 海下沉船 & 赤洲

 

一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 …

雖說潛水不介意下雨天, 但總是期待著出海會有好天氣的嘛 ~

没關係啦, 是日我們又跑到漁排去 … …

每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 !

 

是日第一潛, 竟然是出名水濁的海下沉船哦 !!

剛下水那一刻, 水真非常的濁, 很多漂浮物, 心想下潛到底都應該要摸著來潛 …

怎料下潛到 12 – 14 米左右, 能見度竟然有 2 米, 不過水溫則降至 23 度, 潛下潛下都真係有點冷, 還好這潛真係好多兔兔影咋 !!

呢度真係好鬼多魚, 大大小小都有, 總是圍在我們身邊團團轉 …

呢一潛玩左 60 分鐘, 凍到震住上番船 … … 好凍哦 !!

 

 

 

 

 

剛下去就發現了這小傢伙, 小小的顏色非常鮮艷, 而且屁屁的那朵小花很搶眼哦 ~

見到一回後, 接著再找到另外兩隻, 有一點較巨型, 終於可以影得清楚一點 !

 

呢種兔兔係沉船可以輕易找到, 周圍都可以看到其身影, 我可以慢慢選某隻 position 好的, 才慢慢拍照 !

我自己很喜歡第三張, 兔兔看上去尤如一朵小花 ~

 

黑兔 (黑牛) 最近常常遇到, 因此 … … 隨意拍一下算了 !

 

呢隻小豆丁, 很小的一隻躲在珊瑚內, 我拍了很久都不知是否中 focus.

第一回遇上這種兔兔, 求 ID ~

 

 

 

第五款出現, 今個潛很幸運, 大部份的兔兔都可以遇見多過一次, 因此可以從不同角度去拍.

 

HK 地方擠迫, 没想到連魚魚住屋都要 share !

兩條魚共住一貝殼, 而且齊齊呆望著我, 好過癮 !!

 

 

第二潛轉道赤洲, 來到這裡天氣開始又反常, 前後來了兩回雷雨, 還好下水時天氣尚可 !

這一潛只跑到 11 – 12 米去, 24 度都覺得凍, 加上冇咩特別野, 就玩左半支收工算了 !

這潛 highlight, 分別在 3 棵柳珊瑚上, 找到 3 隻肥嘟嘟的 Xeno crab ~

 

呢隻 Xeno Crab 的顏色有點不同 !

 

找出一堆墨魚蛋, 但冇乜心機去找墨魚仔, 隨意拍了拍, 就拉隊上水了 !

 

漁排伙食唔錯, 今回又有好野食.

吃飽就想如貓貓一樣, 來一個午睡, 結果就是回家以後, 我就不願再出門, 而晚飯只好在家中解決了 !!!

6 comments to HK : 晴雨交加的兩潛於 海下沉船 & 赤洲

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

*