HK : 我的第一個 32.195 @ 香港街馬

 

話說當初聽到可以首次跑東隧, 我就諗都唔諗下報左呢個 32.195 的街馬, 結果就係要夜半起身, 坐上凌晨 4 時的接駁巴士, 踏著月色的來到東區走廊的起步點 …

忘了預先買早餐, 我只好站在清冷的街頭, 吃著冰冰的飯團及乾乾的小牛蛋, 除了要補能量以外, 我得不到任何值得享受的感覺 ; 而當我走上了東廊, 立時風一起, 除了冷, 還是冷哦 …

 

0545 燈光一亮, 準時起步, 首先係東廊上徘徊了一個來回 …

 

接著由東廊接上了東隧, 入東隧之時, 跑手們勁有士氣, 齊齊在大叫口號, 還有人在高歌 !

個人覺得一入一出東隧好有結界之感,入隧道前明明天還黑,出左隧道個天光晒,再加上隧道內外係有溫差的,感覺實在好古怪哦 …

 

接著就轉上觀塘繞道, 我們就在繞道之上繞來繞去, 繞極都係兒童醫院個門口咁囉 … …

呢度有個大站, 有燒肉 & 飽魚食, 可惜我一概吃不下去, 只好食左隻蕉就走人 ~

 

落番觀塘, 先落番去海濱道走個來回,回轉入偉業街又黎個來回,再轉埋去觀塘道一個來回,咁先輪到去啓褔道落啟德隧道 !

 

啟德隧道還真年代久遠, 跑在其中都覺得又窄又黑又污糟, 還好路程不遠, 話咁快就去到隧道出啦 ~

 

當大家出左啟德隨道, 以為就完啦咩,未住 ! 上埋東九龍走廊跑夠條數,先好回頭去土瓜灣衝終點呀 !

 

就係咁樣, 我用了4 小時 4 分鐘將 32.195 公里完成了 !

個人感覺, 耐力很充足, 跑足 42 公里也還是可以的, 但對腳仔練習不夠, 力量不足, 就未能夠再加快步束, 看來之後要再多加練習了 !

Leave a Reply

%d bloggers like this: