HK : 連潛兩天 – Fun Dive @ 果洲 & 2017 Reef Check @ 海下

 

我已經整整一個月没有機會下潛, 趁著這個 weekend 就來個連日潛吧 !

Day 1 由西貢出發, 直達果洲群島.

第一潛, 我們下水於北果洲 !

 

事過一星期, 外潛式大藍水境況不再, 只得到是 1 – 2 米 visibility, 不禁大呼錯過了 !!

水質不佳, 也無謂深潛, 維持在大約 8 – 10m 左右, 欣賞一下水中小花園吧 ~

 (找到一堆卵, 但未知是何生物的, 看樣子似乎已經孵化 ?!)

 

冇咩影, 又學下人影魚魚囉  ~

Goby 真係好難等 … 又好難影, 好在相四中那條 Goby 見光都唔走, 任我影 ~

 

 

 

蟹仔我都唔放過 …

我笑說這個 dive, 我們 70 鐘都徘徊於 2 條 Goby 之間 …

 

放飯, . . .

→ Read More: HK : 連潛兩天 – Fun Dive @ 果洲 & 2017 Reef Check @ 海下

HK : WWF 浮潛日 @ 海下灣 ; 介紹一下藝術團體 &Dear

 

事隔 2 年, 今年終於又有機會去 WWF 海下灣的活動中心, 跟 Buddies 們齊齊去幫忙帶活動 !

經過了 2 個颱風的洗禮, 而我也整個 8 月没有下過水, 是日水質似乎非常不錯, 單在岸邊也可以看到清澈見底的海邊 ~

早上到達中心時, 天色明明是很好的, 藍天白雲, 似乎是下水的好天氣 !

WWF 所舉辦的浮潛活動, 希望經過活動提高參加者們對海洋的認識, 從而令參加者更注意海洋保育的重要 …

舊日網誌 : 2015 HK : WWF 浮潛日 @ 海下灣 

 

經過好一陣子的準備 及 解說, 大家真係可以落海玩浮潛了 !

浮潛對大家來說, 可能並不陌生, 但在 HK 水域內玩浮潛, 應該没有太多人留意.

正如我最常被人問到, HK 潛水有野睇到架咩 ?!

係呀 ! 其實 HK 水底不比外國差, 就是水質難以預計一點, 水清對我們來說, 真的是 Bonus 來的哦 ~

 

. . .

→ Read More: HK : WWF 浮潛日 @ 海下灣 ; 介紹一下藝術團體 &Dear

HK : 晴雨交加的兩潛於 海下沉船 & 赤洲

 

一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 …

雖說潛水不介意下雨天, 但總是期待著出海會有好天氣的嘛 ~

没關係啦, 是日我們又跑到漁排去 … …

每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 !

 

是日第一潛, 竟然是出名水濁的海下沉船哦 !!

剛下水那一刻, 水真非常的濁, 很多漂浮物, 心想下潛到底都應該要摸著來潛 …

怎料下潛到 12 – 14 米左右, 能見度竟然有 2 米, 不過水溫則降至 23 度, 潛下潛下都真係有點冷, 還好這潛真係好多兔兔影咋 !!

呢度真係好鬼多魚, 大大小小都有, 總是圍在我們身邊團團轉 …

呢一潛玩左 60 分鐘, 凍到震住上番船 … … 好凍哦 !!

 

 

 

 

. . .

→ Read More: HK : 晴雨交加的兩潛於 海下沉船 & 赤洲

HK : 兩支三地 – 白腊仔、甕缸 & 牛尾

 

隔左個星期再去潛水, 剛好遇上了下大雨之日 …

其實去潛水呢, 落唔落雨都唔太大關係, 反正都係會全身濕晒架啦.

但係 … 回程羅車時, 都令到我全身濕透, 我真係覺得自己係水面仲濕過係水底囉 !!

 

是日我們出了白腊仔, 不過成程又係好大湧, 結果潛了一個連飯都唔開, 上水即閃 !

就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下).

不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了.

是日能見度有多好 ?! 看看相片就知道,  typical HK 水質哦 ~

 

 

水質麻麻, 但都搵到野影下丫 ~

其實 HK 水域都多野影架, 不過要考下眼力, 又考下膽量咁啦 …

忍得到濁水, 自然樂趣無窮, 而且是日濁處未算濁喎 !!

 

 

呢隻蟹我叫佢做肥仔蟹 !

肥嘟嘟咁都硬要往凹處塞, 但又生著對邪啤眼, 樣子實在非常滑稽 !

佢實在太得意, 令我係度同佢玩左好耐 … …

 

第二潛, 係我地停留吃午飯的地方 - 甕缸 !

落去除左好多垃圾, 真係咩都有, . . .

→ Read More: HK : 兩支三地 – 白腊仔、甕缸 & 牛尾

HK : 兩潛於 打浪排 & 獨牛

 

這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !

我地本來仲擔心要取消本星期的 Fun Dive, 結果 … 個日曬到傻哦 ~~

今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.

唯獨黃石出船, 開車入去就要有俾人炒牌的心理準備囉 !

是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信  ?!  陣間睇埋個 Video 啦, 兔兔在玩大風吹 ~

 

第一潛水溫很好, 27 度水, 一點不會覺得凍 !

最深去到 15 米, 玩了 50 分鐘, 左搵右搵找兔兔 …

係呀 … 我其實齋對兔兔有興趣架咋, 結果只找到 2 款 ~

 

 

 

今回打浪排都算幾清, 而且仲幾多魚下.

相二的唔係微粒黎架, 全部都係躲在海刺附近的魚毛仔 …

 

. . .

→ Read More: HK : 兩潛於 打浪排 & 獨牛

HK : 黑雨後的夜潛 @ 孖排 & 威士忌

 

本星期放工, 我快快手開車入白沙灣, 跟朋友們齊齊來個夜潛 !

這晚 7:30 開船, 四級風下, 出到海都真係幾大湧下, 快快手 set 架生跳落水好了 ~

第一潛, 係去左孖排 ! 我真係未去過呢度, 仲有個咁得意的名, 我開頭以為呢度有 2 個孖住的漁排添 … 呵呵 ~

是日水溫 25 度, 淺水頗清, 但一過了 10 米以上就開始混濁.

 

冇諗到, 只用三防機都可以影中呢隻蝦仔喎 ~

睇下淺水區都真係幾清 ~

 

有唔潛水的朋友, 成日問我夜潛究竟係點架 ?! 係咪好恐怖架 ?!

今回就影下係黑麻麻的環境下, 就靠一人一電筒去四圍搵野影.

其實我地潛慣左, 反而會鍾意夜潛多點, 環境平靜點, 人又少一點, 動物又 calm 一點, 唔錯架 ~

 

. . .

→ Read More: HK : 黑雨後的夜潛 @ 孖排 & 威士忌

2017 回歸第一篇之 HK : 夜潛獨牛

 

 

大家好嗎 !? 我番黎啦 !

算一算, 呢個 Blog 都被荒廢左接近 5 月個月了, 時間還過得真快哦 !!

對於回歸第一篇文, 我一直決定不到該由那裡開始, 但昨晚剛去了一回夜潛, 就已經得到一個最好的開始.

回來才一個星期, 我已完全回到以往的日常之中, 除了已經開始去上班, 還有遠足, 潛水, 看演唱會 及 在家搞 party, 通通在剛剛的一星期內做過了.

是哦, 早說過我是非常貪玩的啦 ~~

=================================================

 

昨天, 是我半年假後的第一個工作天.

剛開始的那幾小時, 我都處於迷惘狀態之中 …

不知是幸還是不幸, 昨天實在是有點忙, case 接 case 之下, 就不得不趕快進入狀態, 順利完成第一個工作天 !

下班後, 愛玩的我就開車入西頁, 跟 Buddies 們會合, 齊齊食過晚飯就準備出動 … (呢個雞飯真係幾好味, 唔怪得咁多人黎都係點呢樣 !)

夜麻麻入黃石碼頭真係要打醒 12 分精神, 勁多牛牛係出現, 仲有小牛安坐於馬路上, 回程仲有野豬衝出黎, 都真係嚇左我一跳 !

. . .

→ Read More: 2017 回歸第一篇之 HK : 夜潛獨牛

HK : 2016 的年度 WWF Reef Check @ 海下灣

 

一年一度都會同潛友們去幫手做 Reef Check, 今年都唔例外 !

今回黃石出發, 目的地都係 WWF 的海下灣海洋生物中心附近.

是日天氣晴, 可惜網上流傳的大藍天已經不服存在, 全因星期六那場紅色暴雨, 已將海水搞濁了.

 

Reef Check 都做左幾年, 每年都會想去幫下手, 睇下我地的海底係一年間變化有多大.

老實講, 隨著越來越多人會出海, 學潛水, 玩浮潛, 划獨木舟, 某些熱門地點的海底, 也慢僈的起了變化, 是好是差我想大家都估得到.

反而希望各位玩時玩, 基本保護海洋的意識, 還是得實行的.

今回 Reef check 得到數款實用紀念品, 剛好可以於下個旅程使用 ~

 

今回的水質真係麻麻, 落到去差點看到到底, 沿著 Transect 游上一段, 竟然會突然濁到乜都睇唔到, 差點連條尺都搵唔番呀 !

 

小休一會, 午飯後去左對面的 Coral Beach 潛潛, 潛點有點遠, 要出動快艇 back roll 下水 !

 

 

落到水本來冇咩野玩, 點知俾 buddy 搵到佢 …

呆頭呆腦咁, 原來口中含蛋 …

 

呢度, 原來仲有好多好多八爪魚 . . .

→ Read More: HK : 2016 的年度 WWF Reef Check @ 海下灣

HK : 支半日潛白腊仔

 

根據過去幾年的經驗, 時近中秋, HK 水質總會變得較好, 難得有機會, 當然跟朋友們出海潛下水 ~

是日天氣好得不得了, 唔太熱又唔太凍, 有太陽再加海風, 唔潛齋出海都爽呀 !

今回出潛白腊仔, 都好耐冇黎呢邊潛, 又睇下有咩搵到先 ~

 

第一潛, 水溫真係好暖, 有成 28 度.

下潛最深 9.8 米, 無目的隨意找, 隨意拍, 都玩左 51 分鐘.

今回試下減鉛, 日常裝備, 用左 6 lb 下水, 成功落到水底, 不過潛到半支左右, 就要控制住黎潛, 唔係都幾易升水 …

水中很多魚, 真係超多, 加上水質算清, 未及去年外潛般的質素, 卻也很滿意了 ~

 

 

 

 

魚, 一海都係魚 !

在珊瑚礁上找到了小小的一隻 Blenny, 好鬼蠱惑, 有流先伸個頭出黎, 結果我真係等左好耐, 先影到 2 張似樣的 !

 

呢條 . . .

→ Read More: HK : 支半日潛白腊仔

HK : 日潛平面洲 ; 夜潛火石洲

 

唔經唔覺, 我已經 2 個月冇係本地潛水了, 本年的潛水興致似乎減退了一點添 … ..

這星期終於跟朋友們出潛, 下午出船, 一個日潛接兩個夜潛, 好充實哦 !

出船於西貢, 人齊就出動, 潛水仲有小布袋送, 隻水母仲要好得意添架 ~

 

第一站係連名都未聽過的 – 平面洲 !

下午四時多落水, 這個潛點唔深架, 最深都係 9 米左右, 潛左 40 分鐘左右, 水溫 26 度剛剛好, 好舒服.

最初落到去都唔算多野睇, 四圍八下都只係搵到 2 隻橙兔兔 … …

 

潛多陣, 無意中來到小丑魚區, 嘩 … 佢地唔惡架, 又唔追人, 又唔咬人.

仲有一堆蛋蛋任我地影, 蛋蛋們都有眼仔架啦 !

成百對眼仔齊齊望住你, 都咪話唔驚呀 ~~

 

 

呢度仲有堆係冇眼仔既, 不過就冇咁好影囉 ~

係小洞穴中找來怕羞仔, 影左幾張先放過佢, 真係好耐冇遇過唔惡的小丑魚啦 ~~

我諗呢個位, 平常應該好少人黎潛囉 !

 

第二潛轉位去火石, 而日落也上場了 ~

咸蛋黃在天上掛, 畫面幾咁舒服 !

 

第二潛, . . .

→ Read More: HK : 日潛平面洲 ; 夜潛火石洲