漂泊中的魚

    經過了業拉山, 我們開始下山了, 而下山路段竟然也是有名堂的, 被稱之為 九十九道拐 ! 能有這麼一個稱號, 也可以想像這條山路有十分多彎位, 個個都要 U Turn 咁滯架, 山上設有一個 view point , 可以望一望那全景, 如果唔夠, 咁就要影埋個 GPS 啦 ~ 下山時雖然要轉黎轉去, 但沿途風景都唔錯架 ~   山腳的梯田 ! 没有想過, 由四川往西藏的路上, 偶爾會來到土壤較肥沃的地方, 而這個地方較常種植的, 是青棵 及 油菜花 ~ 一格格的又黃又綠, 很搶眼…

  Day 5 , 走出左貢賓館, 我們去找地方吃早餐. 在國內很奇怪, 不知為何早上有些人總愛走到大街上, 蹲在一角刷牙, 但明明個邊冇水源架喎  ?!  咁即係點呢 ?! 就說左貢較為鄉村, 隨意找了家小店, 點了包子及餃子作早餐, 吃飽就要上路了 … …   剛離開城鎮, 就遇上了一大隊軍車車隊, 後果如何 ?! 其實慢車呢就唔係軍車的問題, 主要係前路又有工程, 只有駛過一處爛路, 軍車重身自然要慢駛架啦 ~ 我地就梗係唔會係呢種路面過大車, 咁咪開住車係後邊慢慢行囉.     慢車就慢車啦, 反而睇到各式本地民房. (相一) 真係估你唔到, 竟然係窗口求其放塊木塊, 就當係多條橋咁上路面, 有冇咁求其架…