我已經係第四次介紹呢條行山路徑, 上兩回我地都會去谷埔搵食, 今回由朋友推介下, 我地就改變一下, 去三椏村搵好野食 ! 16 公里的路線没有不同, 依舊由烏蛟騰起步, 每次走過都覺得風景很不一樣, 卻也同樣的令人心曠神怡 ! 由烏蛟騰到三椏村的路程, 大約要花個多小時左右, 不過值得的, 這裡真有好吃的 !! 合益蜂場在此屹立已久, 以往我地經過都只幫襯了凍飲, 但原來呢度專售美味客家菜及小炒, 今回朋友幫我們擬定好菜單, 到埗坐低就可以開餐了, 正呀 ! 我們的八餸一湯, 要推介的一定是那湯頭鮮甜的木瓜魚湯, 而餸菜則以家釀黃酒煮的客家黃酒雞最有驚喜, 其他小菜也真美味到冇得頂, 那道入味脆嫩的客家炆豬肉也令人不想放過 … … 食物美味, 環境清靜, 而且價錢相宜, 真係行多幾個鐘都值回票價啦 ~ 合益蜂場 Openrice…
山竹呢個十號風球過後, 先後到訪過 2 處郊區地方, 第一個在海下灣 ! 這裡路徑清理得不錯, 海灘上也不算多雜物垃圾, 據聞短短數天內已有義工到場幫忙清理, 必需讚賞一下各位很有效率的有心人 ~ 今回又係一年一度義工日, 我們來到海下灣海洋生物中心 ~ 這天天氣好得完全不似剛打完風球哦 ! 下水浮潛前, 我們先坐上玻璃船, 看一下海下灣的海底世界 ~ 接著, 先到附近沙灘練習一下, 就可以到珊瑚公園那邊浮潛了 ! 是日水質不太差, 面水清澈, 再深一點到 1 米多則開始混濁, 水溫也尚算合適, 偶爾間有冷流飄過, 我就覺得浸在水中晒著太陽剛剛好, 完全不願意上水回船 … 不幸的是, 我的水底相機仔忘了關好上鎖, 結果…
這條不是新的行山路徑, 事實上我今年 5 月才介紹過一回. HK : 好行好食的半天 – 烏蛟騰 – 三椏村 – 荔枝窩 – 鹿頸 由於這條路線實在好食又好行, 我又剛好正在儲里數中, 因此相約了朋友們來重遊一次. 早上先到大埔墟吃早餐, 本想到新明發吃盅頭飯, 怎料東主有喜, 那就改道回大埔墟街市二樓的 林記點心, 出發前來個一盅兩件啦 ~ 真係好鬼抵食, 四人份量才不過 HK$ 130, 夠晒燃料去上山啦 ! 我們仍然是由烏蛟騰出發, 由於該地正在進行工程, 有改道設施, 大家請留意 ~ …
是日天氣預告不怎麼好, 加上是母親節, 看來應該很多人都不會去行山. 我們反其道而行, 一早出發到大埔墟集合, 吃過早餐後再打的去烏蛟騰 ~ 今回這個行山團隊, 上山下海組的核心成員没有參與, 我今回係跟上山下海組核心外圍的成員出發 … 哈哈 ~ 我們由烏蛟騰起步, 先繞往三椏村那邊, 這部份的路段頗為有特色, 不過路經不少工程進行中的地帶. 我實在忍不住要問, 真正喜愛行山的人, 那個會需要舖好的路面架 ?! 舖了石頭或木板的山徑, 遇上雨天便又濕又滑, 咪仲危險, 這個政府唔好成日無野搵野整好冇呀 ?! 三椏村這邊, 我是第一回到訪, 估唔到都真係一個唔錯的地方. 在海邊, 可以看到紅石頭, 風景不錯 ~ 來到三椏村, 我們會經過合益蜂場, 有時間不妨坐低飲杯野丫 ~…