HK : 兩潛於 打浪排 & 獨牛

 

這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !

我地本來仲擔心要取消本星期的 Fun Dive, 結果 … 個日曬到傻哦 ~~

今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.

唯獨黃石出船, 開車入去就要有俾人炒牌的心理準備囉 !

是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信  ?!  陣間睇埋個 Video 啦, 兔兔在玩大風吹 ~

 

第一潛水溫很好, 27 度水, 一點不會覺得凍 !

最深去到 15 米, 玩了 50 分鐘, 左搵右搵找兔兔 …

係呀 … 我其實齋對兔兔有興趣架咋, 結果只找到 2 款 ~

 

 

 

今回打浪排都算幾清, 而且仲幾多魚下.

相二的唔係微粒黎架, 全部都係躲在海刺附近的魚毛仔 …

 

. . .

→ Read More: HK : 兩潛於 打浪排 & 獨牛

HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

 

這個端午節的天氣比預期的好, 那就跟同事們去行下我最喜愛的山徑 – 麥理浩徑第二短 (短線版)  ~

這條路線以往也曾走過, 今回的行程基本上跟上回是完全一樣, 就連行完山後的下午茶, 我們也去了同一家餐廳 ~

HK : 再來 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

起點於西灣亭, 下車後慢步前往西灣村 ~

最近發現不少山徑附近的茶水亭遭人投訴, 一向售賣的熱食全没了, 我有點擔心這條路線上的食店也中招.

還好, 我一向最喜歡幫襯的那家海邊茶座仍在, 那碗薑汁豆花依然好味 !

 

走過了西灣, 這裡似乎比以往熱鬧.

以往那不定時開出來往西貢的快艇, 如今越來越多人乘坐, 價格比以往似乎便宜了, 有興趣可以致電查詢.

 

翻過了山頭, 望見了蚺蛇尖, 其下方就是鹹田灣.

遙望大海, 竟然讓我發現了前一晚才登上過的潛船, 看來是日潛友們去尖洲玩喎 ~

去年大雨沖毁了的獨木橋, 如今已經復修了, 依然是那麼有特色 !

 

午飯, 我比較喜歡到大浪村的興記, 反而鹹田灣那海景士多, 我相對較少幫襯.

下回我倒想一試離興記不遠, 好像名為文苑的那家, 每一回都因為先經興記, 而忘了尚有一家士多在村中.

興記的出品普通, 但勝在有人情味, 跟老闆及老闆娘聊聊天, 也是一種享受.

 

在蚺蛇尖山腳下, 我跟這隻蟬相遇了.

為怕牠成為其他山友的腳下忘魂, 唯有幫牠移動一下.

 

去年山泥傾瀉地點, 山徑已經被清理出來, 但山坡還是有點破爛, 看來今年雨季一到, 路徑很有可能再次被覆蓋.

大家行山前要留意告示了 . . .

→ Read More: HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

HK : 黑雨後的夜潛 @ 孖排 & 威士忌

 

本星期放工, 我快快手開車入白沙灣, 跟朋友們齊齊來個夜潛 !

這晚 7:30 開船, 四級風下, 出到海都真係幾大湧下, 快快手 set 架生跳落水好了 ~

第一潛, 係去左孖排 ! 我真係未去過呢度, 仲有個咁得意的名, 我開頭以為呢度有 2 個孖住的漁排添 … 呵呵 ~

是日水溫 25 度, 淺水頗清, 但一過了 10 米以上就開始混濁.

 

冇諗到, 只用三防機都可以影中呢隻蝦仔喎 ~

睇下淺水區都真係幾清 ~

 

有唔潛水的朋友, 成日問我夜潛究竟係點架 ?! 係咪好恐怖架 ?!

今回就影下係黑麻麻的環境下, 就靠一人一電筒去四圍搵野影.

其實我地潛慣左, 反而會鍾意夜潛多點, 環境平靜點, 人又少一點, 動物又 calm 一點, 唔錯架 ~

 

. . .

→ Read More: HK : 黑雨後的夜潛 @ 孖排 & 威士忌

HK : 閒 Hea 於上環小店群中 ~

 

難得的一個星期天, 没有上山, 也沒有下海, 就是約了朋友們去吃一頓, 閒聊半天, 再隨意逛逛.

我一向愛於 weekend 出動到中上環區, 貪這區人流相對較少, 亦較多特色小店.

是日很高興, 我們在没有計劃之下, 一連走訪了四個地方, 竟然得到了意外的驚喜, 四家小店的店東 / 店員, 皆是非常有熱誠的人.

人們常說 HK 這個地方越來越冷漠, 我這天卻幸運地遇上了很可以交流的人們, 感謝你們為我帶來愉快的一天 ~~

**********************

相約了朋友們去吃午飯, 不料預定想去的餐廳關了門, 再找來的一家則要限時入座 !

我途經了歌賦街, 發現這地帶相對人流較少, 就想到不如在附近找家 Cafe 吧 ~

剛好走到 Fast Gourmet 的店前, 正在迷惑著是否以往曾幫襯過的, 原來前身為 The Mixing Bowl 的 Cafe, 現已轉手成為慢煮食店 Fast Gourmet.

在猶豫間我得到店員的熱情講解與招待, 就決定跟朋友在這裡落坐, 而這一坐就是 3 個多小時 … …

 

這店主打慢煮食品, 由肉食到雞蛋再到甜品也有.

這店的 Cappuccino, 我忘了拍照, 但非常深得我心 ! . . .

→ Read More: HK : 閒 Hea 於上環小店群中 ~

HK : 好行好食的半天 – 烏蛟騰 – 三椏村 – 荔枝窩 – 鹿頸

 

是日天氣預告不怎麼好, 加上是母親節, 看來應該很多人都不會去行山.

我們反其道而行, 一早出發到大埔墟集合, 吃過早餐後再打的去烏蛟騰 ~

今回這個行山團隊, 上山下海組的核心成員没有參與, 我今回係跟上山下海組核心外圍的成員出發 … 哈哈 ~

我們由烏蛟騰起步, 先繞往三椏村那邊, 這部份的路段頗為有特色, 不過路經不少工程進行中的地帶.

我實在忍不住要問, 真正喜愛行山的人, 那個會需要舖好的路面架 ?!

舖了石頭或木板的山徑, 遇上雨天便又濕又滑, 咪仲危險, 這個政府唔好成日無野搵野整好冇呀 ?!

 

三椏村這邊, 我是第一回到訪, 估唔到都真係一個唔錯的地方.

在海邊, 可以看到紅石頭, 風景不錯 ~

 

來到三椏村, 我們會經過合益蜂場, 有時間不妨坐低飲杯野丫 ~

朋友們點了蜂蜜涼粉, 我則喝了杯咸柑桔峰蜜, 凍冰冰不錯哦 ~

這食店還有售熱食小菜, 不過由於時間尚早, 我們就未能品嚐了.

今回還學到了蜂蜜也有分春冬之分, 春蜜水份含量較高, 質地較稀, 冬蜜要濃多了, 會凝固成漿, 因此售價也較高 ~

合益峰場 Openrice Review : https://www.openrice.com/zh/hongkong/r-%E5%90%88%E7%9B%8A%E8%9C%82%E5%A0%B4-%E7%B2%89%E5%B6%BA-%E5%AE%A2%E5%AE%B6%E8%8F%9C-r31755

 

 

由三椏村沿海邊而行, 就可以連貫到荔枝窩.

途中經過某條客家村, 可以見到大量風水樹林, 如果唔係又俾政府圍左板, 風景應該更美 ~

 

我好耐都冇去過荔枝窩啦, 原來而家係咁樣架 ?!

呢度係行山小休的好地方, 大量本地小食有售, 今回有飲品又有特色饀料的稯, 仲有那未食到的茶粿 !

原來荔枝窩都有農墟, . . .

→ Read More: HK : 好行好食的半天 – 烏蛟騰 – 三椏村 – 荔枝窩 – 鹿頸

HK : 咖啡拉花班 @ Kafeien Coffee & Kitchen

 

呢一篇的內容, 有部份其實都已經係半年前的了.

跟這家 Cafe 的店主 Tommy 認識, 緣於當年從東帝汶帶回來的一包咖啡豆, 經過朋友介紹之下, 咁又認識左一位朋友 !

自始 … 一想到咖啡, 我們就會想到這個好地方 Kafeien Coffee & Kitchen !

Kafeien Coffee & Kitchen

地址 : 觀塘開源道駱駝漆大廈三期五樓S室

FB Page : https://www.facebook.com/KafeienCoffee/

 

 

跟朋友們相約了好幾回, 來到 Tommy 的店中學咖啡拉花 … …

說是學藝, 倒不如說我們是去搗亂好了 !

上一部份的相片是在沖咖啡底, 而這部份則是打奶泡 ~

 

最重要的一部份, 就是將奶泡沖進咖啡底中 !

老實說, 我如今都是掌握不到那手勢 …

沒法子, 沒練習, 還掉低了半年, 找天再重新學過吧 ~

以下是店主的作品 … …

 

 

而我們的作品嘛  …

一睇就知道非常的不專業啦 ! 哈哈 !!

不過沖出來的咖啡, 味道倒不錯, 不要浪費, 大口大口的喝掉吧 ~

. . .

→ Read More: HK : 咖啡拉花班 @ Kafeien Coffee & Kitchen

HK : 彩虹札山道 – 沙田坳道 – 沙田水泉奧村

 

上星期明明話去行山, 點知就係茶記食完早餐出門之制, 天下起大雨來 … …

結果這個早上, 我們全體一身行山裝束, 卻跑進了戲院, 看了那套很寫實的 “一念無名”.

不得不承認, HK 的醫療體際實在非常的落後, 可悲的是這個城市空有資源搞基建, 民生卻不太關注 … …

 

我們睇完戲步出室外, 發現天氣好轉, 某人從百寶袋中立即拿出地圖, 快速選定行山路線, 我們直接坐車前往出發點 !

今回差不多下午二時才出發, 就選了條難度不高, 路程不太遠的行山徑 !

起點位於彩暉村的札山道, 我們沿著車路上山, 這條路可以直通飛鵝山的.

 

這條上山路不難走, 加上下午天氣稍涼有風, 我們倒覺得走得很舒服.

唯獨要小心車輛, 下山車輛不太顧及行人, 下山車速頗快, 加上山道有時收窄, 其實頗為危險的 ~

 

 

差不多來到沙田坳道涼亭位置, 我們没有上飛鵝山, 反正是日霧氣很重, 上了山也看不了風景.

 

沿著沙田坳道而行, 直走到獅子亭那邊.

很可惜呀 … 一別半年, 位於獅子亭那間小食亭, 竟然已經没再賣自家制豆腐花, 而只賣盒裝豆花咋 … 點解會咁架 ?! . . .

→ Read More: HK : 彩虹札山道 – 沙田坳道 – 沙田水泉奧村

HK : 速遊塔門

 

 

塔門, 一個我一直都很喜愛的地方.

剛回港的我, 跟剛好由台灣來的朋友, 以及上山下海組, 本年第一回出巡, 就是去塔門.

可惜 … … 去過以後, 有點好風景不再之感 … …

以往到塔門的遊記 :

2015 HK : 為了美食而再遊塔門
2013 HK : 再遊塔門
2012 HK : 塔門半天遊

朝早如常到馬料水碼頭登船, 轉眼間 1 船已滿, 2 船已在上客中, 天曉得究竟有多少人跑到這小島去 ?!

 

來到塔門, 經過了村中, 人潮還不算多, 我們尚有片刻安靜 … …

 

但隨著沿海邊而行, 往呂字叠石方向而去, 我們遇到越來越多不同的旅行團.

最令人不耐煩的是那些國內親子 / 體驗團, 要玩露營倒也沒所謂, 但導師帶活動時可否不要佔著走道, 也應教會學生們不要隨意大叫大嚷 !?

畢竟營地上還有其他露營人仕, 而來這裡遠足的, 其實都是想享受一下這地的風景.

坦白說, 這回我一點也不享受, 我只想盡快走完這條人來人往又嘈吵旳走道, 盡快回到村中, 吃過午飯就離開 !!

 

來到大草地, 看到相中那有點光禿禿的”大草地” 嘛  ?!

我們來時人山人海, 牛牛們也没處可逃, 唯有躲在涼亭之中.

這回遇到的牛牛, 大多是牛 BB 來的, . . .

→ Read More: HK : 速遊塔門

2017 回歸第一篇之 HK : 夜潛獨牛

 

 

大家好嗎 !? 我番黎啦 !

算一算, 呢個 Blog 都被荒廢左接近 5 月個月了, 時間還過得真快哦 !!

對於回歸第一篇文, 我一直決定不到該由那裡開始, 但昨晚剛去了一回夜潛, 就已經得到一個最好的開始.

回來才一個星期, 我已完全回到以往的日常之中, 除了已經開始去上班, 還有遠足, 潛水, 看演唱會 及 在家搞 party, 通通在剛剛的一星期內做過了.

是哦, 早說過我是非常貪玩的啦 ~~

=================================================

 

昨天, 是我半年假後的第一個工作天.

剛開始的那幾小時, 我都處於迷惘狀態之中 …

不知是幸還是不幸, 昨天實在是有點忙, case 接 case 之下, 就不得不趕快進入狀態, 順利完成第一個工作天 !

下班後, 愛玩的我就開車入西頁, 跟 Buddies 們會合, 齊齊食過晚飯就準備出動 … (呢個雞飯真係幾好味, 唔怪得咁多人黎都係點呢樣 !)

夜麻麻入黃石碼頭真係要打醒 12 分精神, 勁多牛牛係出現, 仲有小牛安坐於馬路上, 回程仲有野豬衝出黎, 都真係嚇左我一跳 !

. . .

→ Read More: 2017 回歸第一篇之 HK : 夜潛獨牛

HK : 馬鞍山 – 大金鐘 – 昂平 – 西貢

 

本來說好了要齊齊上青山, 無奈天氣預告又一次整蠱我們, 結果臨時縮短兼更改行程.

轉一轉, 我們來個短行馬鞍山 !

話說懶開有條路, 平時我都會行上去馬鞍山 BBQ 場, 今回我地乾脆坐埋車上去 … …

每一次去馬鞍山村, 似乎都有新發現, 第一回是鞍山探索館, 第二回是礦洞的入口, 今回由團友帶領下, 我們去到了那個開放式磁鐵礦 !

唔係呃你架, 咁橋我地有團友真係有磁石係身, 咁我地就梗係玩即場試驗 !!

有圖有真相, 舊石真係可以被吸住架 ~

 

 

自礦場原路折返, 我地繼續上山去, 直到去到分差十字路口, 我地走回馬鞍山方向, 咁先可以去到大金鐘的上山入口.

呢邊風景唔錯架, 不過好以自毅行之後, 我都冇走過呢條路線啦 ?!

由呢邊上大金鐘, 相對冇咁斜, 易行一點.

大金鐘唔算難行, 快上快落咁的形式, 就係上下山都較斜, 但路程並唔長, 好快行完啦 ~

 

話咁快上到山頂 !

大金鐘高 536 米, 在這裡剛好可以望埋昂平, 同埋西貢市, 遠少少仲可以見到沙田同科學園 ~

 

大金鐘山頂上的 Panorama !

 

上完山, 就梗係要落山, . . .

→ Read More: HK : 馬鞍山 – 大金鐘 – 昂平 – 西貢