HK : 再戰食唔停的山徑 ~ 烏蛟騰 – 三椏村 – 荔枝窩 – 鹿頸

 

 

這條不是新的行山路徑, 事實上我今年 5 月才介紹過一回.

HK : 好行好食的半天 – 烏蛟騰 – 三椏村 – 荔枝窩 – 鹿頸

由於這條路線實在好食又好行, 我又剛好正在儲里數中, 因此相約了朋友們來重遊一次.

早上先到大埔墟吃早餐, 本想到新明發吃盅頭飯, 怎料東主有喜, 那就改道回大埔墟街市二樓的 林記點心, 出發前來個一盅兩件啦 ~

真係好鬼抵食, 四人份量才不過 HK$ 130, 夠晒燃料去上山啦 !

 

我們仍然是由烏蛟騰出發, 由於該地正在進行工程, 有改道設施, 大家請留意 ~

 

出門前的一天, 剛好下過大雨, 路程中的低窪地帶, 原來早已儲滿了積水, 令此路線的難度增加了 …

建議没行山經驗者, 不宜在大雨後去走這條路徑 !

順帶一提, 上回還在興建中的小橋, 今回終於完工了 …

 

三椏涌, 我們闖進了紅石地帶 ~

 

三椏村中的合益蜂園, 今回有點失望, 原來炎夏令山客人數減少, 蜂園都不賣涼粉了, 唯有喝杯檸檬蜂蜜解解渴吧 ~

不打緊, 下回再來吧 !

合益峰場 Openrice Review : https://www.openrice.com/zh/hongkong/r-%E5%90%88%E7%9B%8A%E8%9C%82%E5%A0%B4-%E7%B2%89%E5%B6%BA-%E5%AE%A2%E5%AE%B6%E8%8F%9C-r31755

 

我們轉眼來到荔枝窩, 本打算入村吃豆花, . . .

→ Read More: HK : 再戰食唔停的山徑 ~ 烏蛟騰 – 三椏村 – 荔枝窩 – 鹿頸

HK : WWF 浮潛日 @ 海下灣 ; 介紹一下藝術團體 &Dear

 

事隔 2 年, 今年終於又有機會去 WWF 海下灣的活動中心, 跟 Buddies 們齊齊去幫忙帶活動 !

經過了 2 個颱風的洗禮, 而我也整個 8 月没有下過水, 是日水質似乎非常不錯, 單在岸邊也可以看到清澈見底的海邊 ~

早上到達中心時, 天色明明是很好的, 藍天白雲, 似乎是下水的好天氣 !

WWF 所舉辦的浮潛活動, 希望經過活動提高參加者們對海洋的認識, 從而令參加者更注意海洋保育的重要 …

舊日網誌 : 2015 HK : WWF 浮潛日 @ 海下灣 

 

經過好一陣子的準備 及 解說, 大家真係可以落海玩浮潛了 !

浮潛對大家來說, 可能並不陌生, 但在 HK 水域內玩浮潛, 應該没有太多人留意.

正如我最常被人問到, HK 潛水有野睇到架咩 ?!

係呀 ! 其實 HK 水底不比外國差, 就是水質難以預計一點, 水清對我們來說, 真的是 Bonus 來的哦 ~

 

. . .

→ Read More: HK : WWF 浮潛日 @ 海下灣 ; 介紹一下藝術團體 &Dear

2017 南丫島海灘油污清潔行動

 

 

本星期終於可以去幫手啦 !

自從知道棕櫚硬脂污染事件, 又知道呢個政府唔打算做 D 咩, 我就一直想去幫下手, 希望盡一分力去清理下 !

是日得到朋友安排, 我地齊齊入南丫島幫手 ~

 

出發前, 梗係要食番個早餐先啦, 話晒都要體力勞動架喎 !

我間中就鍾意去下 The Cupping Room 飲下咖啡, 今回 Brunch 那份 open sandwiches 其實也不俗, 但份量可能略為不夠, 以 $100 一份來說, 我覺得有進步的空間.

The Cupping Room 有數間分店, 中環 & 上環都係我會不時去的 ~

 

今回又係朋友經南丫部落 (Lamma Corner) 找到清理棕櫚硬脂的地點 – 南丫島的洪聖爺灣.

由於未來幾天, 天氣會漸漸變得不穩定, 有興趣去幫忙清理油污的朋友, 可以留意南丫部落的 Facebook Page 的安排 : https://www.facebook.com/LammaCorner/

小小題外話, Lamma Corner 有好多野賣架, 得閒就去參觀一下啦 ~~ 但小心荷包出血哦 …

 

來到洪聖爺灣, . . .

→ Read More: 2017 南丫島海灘油污清潔行動

HK : 又黎收米囉 ! @ 上水塱原

 

 

一年一度的收米季節又到了 !!

大家有冇睇過我去年的介紹呢 ?!

冇錯 ! 本星期我們再次出動到上水塱原, 齊齊去稻田上開工 ~

嘩 ! 今回天氣 180 度轉變喎 ! 去年我們太陽高掛, 熱得人人差點中暑, 今回嘛 … … 我們得到雷暴警告及間中的大雨囉 ~

不過即使天氣不怎麼樣, 塱原的風景依然很美, 很不一樣的 HK 吧 ?!

去年的遊記 : HK : 收米囉 ! @ 上水塱原

 

 

去年來時荷花正盛, 今回蓮蓬已採 ~

不過原來被取走了蓮子的蓮蓬, 還可以晒亁來用, 聞說用來煲水可以清熱的哦 ~

 

好啦 ! 整理好一身裝束, 我們下田開工啦 ~

今回有經驗, 唔想赤腳下田 (其實也没什麼, 就是較易弄捐腳板), . . .

→ Read More: HK : 又黎收米囉 ! @ 上水塱原

HK : 日頭行鯉魚門 ; 黃昏落住雨 BBQ

 

 

7 月 1  號 – 對大家來說, 有什麼意義呢 ?!

對我嘛 … 就是一個普通的 weekend, 不會想去看那些虛幻的煙花, 也不覺得有什麼值得好去慶祝 !

HK 自譽為國際大都會, 本人看到的是醫療、福利及基層民生, 實際情況連第三世界都不如 ; 好高騖遠的工程一個接一個, 卻連基本房屋政策也做不好.

真想問一句, 請問要去慶祝些什麼 ?!

 

既然不打算慶祝, 卻也無阻我進行日常活動 : 遊山玩水 ~

是日相約了朋友到鯉魚門逛逛, 經過了早前一些大雨天, 近日天氣又變回炎熱, 艷陽高照, 天色同時也清明起來.

走在鯉魚門的海邊, 欣賞著那片海天一色, 真有一種放鬆的感覺.

我很喜歡看著廣濶的風景, 望著眼前的這片海景, 一呼一吸之間, 就似乎能將心中的負能量排走.

 

是日天氣非常好, 有點炎熱, 幸好不停地有涼風吹送, 因此走起來還是頗輕鬆的.

這裡的天后宮很有特色, 依石而建, 我每一回都會特地來走一趟.

這種還靠在海邊的天后廟買少見少, 卻是每一個漁村的標記, HK 傳統村落的特色 ~

 

於鯉魚門的銀龍吃了份早餐, 感受下街坊街里間的和睦氣氛, 我們才開始出發上山.

沿樓梯慢慢拾級而上, 有點熱, 有點啱, 卻還是有種舒爽感.

沿道尋尋找找, 終於找到了我期待重遇的 怕醜草 (含羞草).

真心希望它們捱得過今年, 不會再被人無理移除 !

 

登上魔鬼山, . . .

→ Read More: HK : 日頭行鯉魚門 ; 黃昏落住雨 BBQ

HK : 晴雨交加的兩潛於 海下沉船 & 赤洲

 

一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 …

雖說潛水不介意下雨天, 但總是期待著出海會有好天氣的嘛 ~

没關係啦, 是日我們又跑到漁排去 … …

每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 !

 

是日第一潛, 竟然是出名水濁的海下沉船哦 !!

剛下水那一刻, 水真非常的濁, 很多漂浮物, 心想下潛到底都應該要摸著來潛 …

怎料下潛到 12 – 14 米左右, 能見度竟然有 2 米, 不過水溫則降至 23 度, 潛下潛下都真係有點冷, 還好這潛真係好多兔兔影咋 !!

呢度真係好鬼多魚, 大大小小都有, 總是圍在我們身邊團團轉 …

呢一潛玩左 60 分鐘, 凍到震住上番船 … … 好凍哦 !!

 

 

 

 

. . .

→ Read More: HK : 晴雨交加的兩潛於 海下沉船 & 赤洲

HK : 兩支三地 – 白腊仔、甕缸 & 牛尾

 

隔左個星期再去潛水, 剛好遇上了下大雨之日 …

其實去潛水呢, 落唔落雨都唔太大關係, 反正都係會全身濕晒架啦.

但係 … 回程羅車時, 都令到我全身濕透, 我真係覺得自己係水面仲濕過係水底囉 !!

 

是日我們出了白腊仔, 不過成程又係好大湧, 結果潛了一個連飯都唔開, 上水即閃 !

就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下).

不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了.

是日能見度有多好 ?! 看看相片就知道,  typical HK 水質哦 ~

 

 

水質麻麻, 但都搵到野影下丫 ~

其實 HK 水域都多野影架, 不過要考下眼力, 又考下膽量咁啦 …

忍得到濁水, 自然樂趣無窮, 而且是日濁處未算濁喎 !!

 

 

呢隻蟹我叫佢做肥仔蟹 !

肥嘟嘟咁都硬要往凹處塞, 但又生著對邪啤眼, 樣子實在非常滑稽 !

佢實在太得意, 令我係度同佢玩左好耐 … …

 

第二潛, 係我地停留吃午飯的地方 - 甕缸 !

落去除左好多垃圾, 真係咩都有, . . .

→ Read More: HK : 兩支三地 – 白腊仔、甕缸 & 牛尾

HK : 由火炭華翠園走到城門水塘

 

 

最近不停在上山下海中, 似乎南美之旅後, 我定期就要去放電 … …

有見是日天氣有點不穩定, 我們就選了我家後山的路徑作起點, 貪呢條路線較多 exit points 嘛 ~

由華翠園路口進入, 沿著石屎路就會來到相中的配水庫, 再往前走是那專為老人家們而搭建的簡單涼亭, 全條路線都是舖設好的石板路, 非常容易行走, 怪不得這裡也是居民晨運熱點.

 

來到第一個分叉路, 會見到右邊是往火炭黃竹洋村的下山路, 而左邊前方則可以找到前往草山 / 麥理浩徑的指示牌 !

這段是一道連續上山的石梯路, 不會太難走, 只要自行調節好節奏便成.

 

上到山脊, 只要再向前走 700 米平坦路段, 自會到達城門水塘內的範圍.

 

平常我們都會往草山進發, 今回卻選擇了另一條路, 往城門水塘方向而行 …

全程石屎路, 很平坦, 也非常易走 ~

來到分岔路口, 看到相中的指示柱, 可以先去城門水塘觀景台看看, 才再繼續前進 ~

 

重回分岔路口, 走的是畔塘徑, 轉左或轉右皆可, 最後我們選了前往主壩方向.

夏天來城門水煻, 就得要有跟馬騮打交道的心理準備, 最好就連架生都要帶備, 亦即是我們的行山仗了 ~

可惜 … 我們今回並没有帶備行山仗, 幸運是我們只遇上了一群馬騮, 之後就没有再見到; 不幸的我們還是被牠兇了, 同行朋友還感覺牠好像有摸到她的小腿 …

牠們真係越黎越惡架喎 ~~~

 

 

這個城門水塘的畔塘徑非常好行, 常在樹蔭中, 間中又有水塘景, . . .

→ Read More: HK : 由火炭華翠園走到城門水塘

HK : 兩潛於 打浪排 & 獨牛

 

這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !

我地本來仲擔心要取消本星期的 Fun Dive, 結果 … 個日曬到傻哦 ~~

今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.

唯獨黃石出船, 開車入去就要有俾人炒牌的心理準備囉 !

是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信  ?!  陣間睇埋個 Video 啦, 兔兔在玩大風吹 ~

 

第一潛水溫很好, 27 度水, 一點不會覺得凍 !

最深去到 15 米, 玩了 50 分鐘, 左搵右搵找兔兔 …

係呀 … 我其實齋對兔兔有興趣架咋, 結果只找到 2 款 ~

 

 

 

今回打浪排都算幾清, 而且仲幾多魚下.

相二的唔係微粒黎架, 全部都係躲在海刺附近的魚毛仔 …

 

. . .

→ Read More: HK : 兩潛於 打浪排 & 獨牛

HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

 

這個端午節的天氣比預期的好, 那就跟同事們去行下我最喜愛的山徑 – 麥理浩徑第二短 (短線版)  ~

這條路線以往也曾走過, 今回的行程基本上跟上回是完全一樣, 就連行完山後的下午茶, 我們也去了同一家餐廳 ~

HK : 再來 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

起點於西灣亭, 下車後慢步前往西灣村 ~

最近發現不少山徑附近的茶水亭遭人投訴, 一向售賣的熱食全没了, 我有點擔心這條路線上的食店也中招.

還好, 我一向最喜歡幫襯的那家海邊茶座仍在, 那碗薑汁豆花依然好味 !

 

走過了西灣, 這裡似乎比以往熱鬧.

以往那不定時開出來往西貢的快艇, 如今越來越多人乘坐, 價格比以往似乎便宜了, 有興趣可以致電查詢.

 

翻過了山頭, 望見了蚺蛇尖, 其下方就是鹹田灣.

遙望大海, 竟然讓我發現了前一晚才登上過的潛船, 看來是日潛友們去尖洲玩喎 ~

去年大雨沖毁了的獨木橋, 如今已經復修了, 依然是那麼有特色 !

 

午飯, 我比較喜歡到大浪村的興記, 反而鹹田灣那海景士多, 我相對較少幫襯.

下回我倒想一試離興記不遠, 好像名為文苑的那家, 每一回都因為先經興記, 而忘了尚有一家士多在村中.

興記的出品普通, 但勝在有人情味, 跟老闆及老闆娘聊聊天, 也是一種享受.

 

在蚺蛇尖山腳下, 我跟這隻蟬相遇了.

為怕牠成為其他山友的腳下忘魂, 唯有幫牠移動一下.

 

去年山泥傾瀉地點, 山徑已經被清理出來, 但山坡還是有點破爛, 看來今年雨季一到, 路徑很有可能再次被覆蓋.

大家行山前要留意告示了 . . .

→ Read More: HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)