呢幾日大病一場, 請左 2 日 Sick Leave ! 第一次睇呢度的 GP, 好在冇其他 infection, 只要食感冒藥, 訓多d 就應該冇事 !! 不過我依然堅持 d 菌係由鴨鴨傳俾我架, 明明星期六我打左俾病中的你, 星期日我就開始病, 真係越洋你都唔放過我 !!
因為病, 所以冇乜心機黎 Update, 今日講下係 Unst 的住宿啦 ~
Saxa Vord 前身係 Royal Air Force (RAF) 雷達站的員工宿舍, 以前打仗時期, 管理呢個雷達站的人就住係呢度. 但係個雷達站已經冇人用架啦, 咁 Saxa Vord 就被人收購左, 將會改建成為 Holiday Resort !
我揀呢度的原因只有一個, 平 !! 15 pounds 有一間房, 雖然係 share house, 但由於得我一個住, 即係我一個人霸晒成間屋 ~ 佢冇人住的原因唔係唔受歡迎 or 太偏僻, 係因為我去住o個日係星期日, 佢之前一日先正式開門, 就好似為我而開咁, haha ~ 同埋佢好多野都係改建中, 就連我住o個間屋, 都係o岩o岩執好, 而佢地的員工就住隔離屋, 所以有咩要到, 行去敲門問就有啦 ~
回程時拍到的, 咪睇木頭人咁 Nice, 佢之後會做衰野架 !!
Saxa Vord 正式入口, 嘩… 舊的程度同 HK 舊軍營有得揮呀 (果然係英國野, 樣都咁鬼似 !!)
我住的小屋, 呢 3 日都係屬於我的 !! 
我間房: 屋入面好大部份裝修都翻新過 ~
大廳 : 個電視好舊架啦, 但仲睇到架 !!
由大廳的落地玻璃望出去, 個 View 都唔錯架 !!
新的 Kitchen, 有足夠的用具俾我煮 3 餐, 我慳唔少錢架 ~
呢個就係 RAF Radar Station, 可惜到走, 我都唔知可以點 Drive 到上去 !!