一路南下, 天色慢慢由灰轉藍, 傍晚時份, 終於到達 Queenstown.
Queenstown 呢個小鎮, 位於風平浪靜的 Lake Wakatipu 旁, 被四周一排排的山脈包圍著, 開著車沿湖邊公路駛入 Town, 已經被沿途風景吸引著, 怪不得那麼多名人選呢度作為渡假地點, 紛紛在此建立 Resort, 連我都忍唔住要游說一下我旳朋友們, 參與我的投資計劃, 將來在此開一家 BnB & Cafe !! (都係o個句, 到時打番折俾你地啦 ~)
小鎮地方小小, 卻擠滿了遊客, 所謂的 Shopping Area 都不過由幾條小街組成, 想來遊客都志不在此, 倒是酒店, 餐廳數目卻多得嚇人, 果然是出名的旅遊勝地 !! Queenstown 確實是一個非常好的 base, 要直接到南島的南部, 基本上必要飛到 Queenstown Airport, 由此地到南邊的 Milford Sounds & Doubtful Sounds 才不過 2 個多小時, 加上特別的地理環境, 多種刺激的 Outdoor Activities 都可以係呢度玩到, 夏天玩激流, 冬天玩滑雪, 嘩 ... 住呢度真係開心死 !!
我地襯著天黑前, 先到 Queenstown 內四處閒逛一下, 走到湖邊, 雖然見唔到一個大大的日落, 卻見到有夕陽餘暉下的 Lake Wakatiu, 碼頭上泊了多架遊艇, 就如人人都有一架咁, 真想知道於 NZ 擁有一架遊艇係咪真係咁平 ?! 湖邊散步道上, 除了遊人, 還有不少賣藝者在表演, 即使長期身處外國, 早已見怪不怪的我, 都忍不住停低湊熱鬧.
離開湖邊, 轉入內街, 經過 Queenstown 的 main street, 不少商舖都關門, 只餘下餐廳酒吧尚在營業, 遊人們 (包括我地) 還樂此不疲地作 window shopping, 走著走著經過大街的 TIC, 再穿過横街, 便到處我地入住的 YHA Queenstown Central, Queenstown 有 2 家 YHA, 我地呢一家位處 town centre, 找地方泊車卻一點不難, 只要於 YHA 門前 drop off 行李, 走過幾條街便找到全日免費的 parking. 而另一家 YHA 則要沿湖邊走遠點, 但好像觀景比較開揚 ... 不過看看照片, 我們房間的景觀也不錯 ...
晚飯時間, 我地打算好好投資一下, 準備享用一頓大餐, 今次選了碼頭旁的餐廳 !! 以過往的旅遊經驗, 這種餐廳的價位, 多數係俾風景多過俾食物質數, 咁耐以黎, 只於 Adelaide (仲要係自己地頭) & Tasmania 吃過風景 + 食物質數皆一流的餐廳, 今次確實是隨意選取, 價錢亦唔便宜, 不過食物亦算不俗, 試了幾種 NZ 本地出產的海鮮 e.g. local produced oyster & green lip mussels 都非常唔錯, 本地野果然夠新鮮就好得架啦 ~
食飽仲慢慢散步回 YHA, 湖邊的夜景都唔錯架 .....
