難得身處 England 北部, 呢日跟著朋友去到 Southport, 一個位於 Livepool 附近的海邊 Town. 記得某年 weekend, 於去 Livepool 的中途旅遊巴死火, 我地一行幾人被迫留在 Motorway 的草地上等待救援, 自從那次以後, 我再提不起興趣到 Livepool 以及其附近的地方.
今次之所以被例, 係因為舊同事多次推薦呢個地方, 另外我朋友又要帶我去睇英國原產, 最後卻被迫要受保護的紅松鼠 ! 開車駛到 Southport 時, 中間經過一片小小的 Sunflower Field, 可惜當時没有停低, 到回程時卻回不到那條小路, 因此而錯失一個影相的機會, 而今年亦買不到 Fresh Cut Sunflowers 啦 ~
Southport 的 Town Centre 很不錯, 一條大馬路的雨旁滿是店舖, 跟英國傳統的 High Street 有點不一樣, 可能是統一地保留舊式建築物, 亦可能是所有商店門前都建有一個簷蓬, 感覺有點似身處巴黎 ! 來到海邊, 今次一樣有 pier, 但卻不再是那種木建 fun park. 這裡反而有一個 Retail Park, 感覺怪怪, 而且通往 pier 的木橋上, 竟然可以有 Tram 行走 ....
呢個 Town 似乎亦是 Holiday Break 的地點之一, 星期六的早上見到的遊人亦不少, 隨便閒逛了個多小時, 走到一所餐廳吃了個午餐, 才向下一個地點出發 ~
Formby 離 Southport 才 15 mins 車程, 亦是位處海邊 ! 跑到這裡來, 為了要入到 National Trust 保護區, 見一見紅松鼠 (Red Squirrel) !! 紅松鼠真係多災多難呀, 自從灰松鼠由美國來到英國, 就將紅松鼠趕絕到要受國家保護, 而呢一日當我去探佢地, 告示寫著佢地竟然患病 (Squirrel Pox Virus), 搞到數量大減, 加上佢地非常膽小, 見到人亦跟本唔敢走近, 令到我地更加難見到 ...
剛走入森林, 已經好幸運地見到一隻小小的紅松鼠快速閃過, 本以為之後未必有機會再見到另一隻, 多得一位小妹妹沿途怖置食物, 竟然被我地遇上一隻貪吃的, 我地站定不動, 紅松鼠就當我地隱形般大吃特吃, 還慢慢越走越近, 最後甚至停於我跟前 !! 紅松鼠比灰色的體形還要細小, 又膽小怕人, 行動速度非常快速, 要影相真有點難, 我開了連環, 影了20 多張相才得以下 3 張 ~
Formby 除左可以入森林睇紅松鼠, 仲有一個很長很靚的沙灘, 睇到沙灘上的貝類, 估計呢度應該盛產蟶子, 唔知遲下有冇機會去 catch 番 d 呢 ?!
