奇怪了, Yahoo ! BLOG 又在 update 了嗎 ?! 次次總是問題多多, 由尋日 load 左好耐都 load 唔齊自己個 Blog 的版面, 到今日我又用不了發表網誌內的編輯器, 要特地改用舊版才可以寫 Blog, 真係有夠麻煩架啦 ~
==============================================
來到 Day 7, 亦是團友的最後一天, 我呢個導遊繼續努力 hard sell London, 務求要團友俾小費俾得心安理得兼要"寫好個評語"呀!! 識做啦, 阿團友 !
朝早先讓團友好好收拾行李 (以免要我空郵寄番 HK 俾佢 ! ) 及準時 check out 我的 BnB, 一切就緒便順道到家附近入油. 果然, 特地去找未必搵到, 無心者卻隨便經過就會見到, 就係咁的情況下, 俾我地遇到前一天無緣一見的大片油菜花田呀 !!
這個月份, 真的於英國隨處可見這樣一片片鮮黃色的花田, 但要走入 field 內拍照, 卻得要遇上機會, 剛好尋到一個無人看管 or 没上閘的入口, 才可以拍到人在花中的相片 ...
一路由 M40 開到 Heathrow Airport, 原本打算將車泊到機場內的 Carpark, 但其收費極不合理 (short stay 6 -9 hrs 要 30 pounds) or 唔方便 (long stay 收 14 pounds per day, 但要坐接駁巴士), 最後決定將車泊到 heathrow airport 前一個 tube station - Hatton Cross, 這兒日泊才收 4 pounds, 同場還定期附送"飛機降落" view 一個, 好鬼抵玩架 ! (其實唔怕再遠點, Hounslow Central 及 Hounslow East 這 2 個 tube station 亦有 carpark, 仲平 d 添架 ~)
雖說是團友的最後一天, 但離上機實際還有 9 小時 (2230 機), 就帶團友回到 zone 1, 睇一睇這個聞名海外的賊竇 - The British Museum. 未去過的人都可能知道, 這兒最出名的並唔係英國本土的文物, 而係英國人由各地掠奪回來的贓物, 主要遇害的國家有 Egypt & Greece, 當然亦唔少得中國啦 !
這部份是 Egypt, 佢所收藏的文物 及 Mummies 分分鐘仲齊過開羅o個邊 (其實我仲未去, 有機會去開潛水, 順便要見識一下啦 !!)
Greece 亦係重災區, 直頭成個 The Parthenon 搬左過黎呀 !!
中國都有好幾個 section, 就連我最想去的 Easter Island 上的石頭人像都被偷到黎呢度呀 !!!
其實 British Museum 之行, 我地係分開了 2 parts, 由於行到中途到了另一個出口, 為免繼續於館內迷路, 我地決定出左出口, 行番去正門再入一次, 而途中遇上這間 Turkish restaurant - TAS, 就試了一下這店的 vegetarian dishes !!
果然曾是 TimeOut Magazine 推薦的餐廳, 我地點了 2 道不同煮法的"茄子姑姑" (cous cous), 味道都相當不錯, 連"開枱"的面包 + 醬都幾有水準架, 值得試下 !!
走完 British Museum, 尚有 2 小時, 不知何處好去, 就到 Carnaby 逛逛, 當然不少得到 Cafe 食最後的一個 tea 啦 ~
當時間夠了, 便回到 Hatton Cross 取車, 再開往 Heathrow Airport. 團友由於要退稅, 早已預留了時間來排隊, 怎料最後還是有點趕, 是日退稅 counter 已經唔算多人 (只有 3 行), 但都排了差不多 45 mins, 真係難以想像旅遊旺季時的景象會如何, 怪不得有人寫要排 2 小時了, 不得不感歎一下, 幸好我唔會有這煩惱 !!
