我想這篇 ... 我是不用去怎麼介紹, 也不用寫太多的文字了 ?! 就只讓大家好好的去感受吧 ~
當日影到北極光的過程 :
吃完晚飯, 回房坐了一下, 望見那又圓又大的月亮剛升起, 既然没事可做, 那不如出去拍下月亮吧 !?
走出酒店不遠, 我就在湖邊碼頭上, 單用肉眼看到天邊一道灰白色的雲帶, 一線橫越整片天空, 尤如一道没色的彩虹, 我當時尚未意識到驚喜快要出現了.
Set 好腳架, 調較好相機, 試對著月亮來曝光. 原本只用來試機的一張, 出來卻是以下這景況 ...
原來 ... 那道灰白色的雲帶, 已經是北極光來的了 !!!
那一刻的感受, 我就是驚喜加興奮, 開心得已經講不出什麼, 就想再多看一下.
怎料, 更精彩的就在眼前出現 !!
那道雲帶的顏色開始變深色, 綠色漸顯現, 還開始在天空中舞動著 ... ...
這幕精彩的演出, 大約歷時 10 多分鐘左右, 當時全湖邊只有我一個, 我忍不住放聲興奮大叫 ~~~
這一幕至今還在我的腦海中定時重播, 超級震撼.
試想像一下, 在漫天星光的天空中 (這片天空的星星, 多得數不完) , 一絲絲綠光在當中舞動著, 變幻著, 有點神秘莫測, 卻又美麗而虛幻 !
北極光出現之時間不長, 於結束的那一瞬, 整個空間尤如回歸平淡.
經過了我數日的觀察, 應該没有一個網頁可以準確預測得到北極光會何時出現, 也没有人保證來這可以定必看到, 更不會知道將之何種姿態出現於人前.
北極光所以吸引, 應該是那種即興發現的驚喜, 以及那變化多端之舞動 !
我參考了好些極光預測網頁, 不過勸大家參考一下就好了, 基本上没太大的用處.
Geophysical Institute Aurora Forecast : http://www.gi.alaska.edu/AuroraForecast
Auroras Now ! : http://aurora.fmi.fi/public_service/
反而, 這個最有用 - Inari 的每小時天氣預告. 因為只要一多雲, 就多數看不到北極光, 而這天氣預告對未來幾小時的預報確實頗準確 !
http://www.yr.no/place/Finland/Laponia/Inari~656659/
很多人說, 有月亮便看不到北極光, 事實上是不相關的.
北極光多於北方天空出現, 弱一點會近地平線, 強一點則甚至於頭頂上出現.
相反, 月亮在另一方, 所以兩者是可以並存的.
如果我的鏡頭再濶點, 以下這相應該會更美吧 ?!
P.S. 以上相片看到那一點點的, 不是 Noise 來的呀 ! 那全都是星星的光芒 ~~
留言 (26)
來自舊 WordPress 網誌的留言存檔，唯讀，不接受新留言。
Jackie ·
我上次見到時 都係興奮到不得之了 對於追光人士來講 真正見到那一刻 心裡那種震憾 真係......
~ 魚 ~ · · 回覆 Jackie
一句就係 - 開心死了 ~~~
ohtria ·
咁即係唔使等已經睇到
~ 魚 ~ · · 回覆 ohtria
係呀 ! 唔洗等呀 ~
janejane ·
湖面結哂冰？都幾反光喎！你影得好好啦！夢想成真，你想來多次嗎？
~ 魚 ~ · · 回覆 janejane
想呀! 下回想去 Alaska ~
Kei ·
很漂亮啊！真係給你捕捉得很好呢！
~ 魚 ~ · · 回覆 Kei
謝謝, 期後下回再看到 !
Gael ·
嘩~~~~~~wonderful~~~~~~~ 睇住啲相我都隱約聽到你在湖邊的叫聲有多震撼^0^
~ 魚 ~ · · 回覆 Gael
哈哈 ! 我都冇叫得好大聲O者 ...
yuxiao ·
你好，我想明年去芬兰伊纳里看极光，想请教些事情 如果可以请加我QQ：334516850
~ 魚 ~ · · 回覆 yuxiao
對不起, 我没有 QQ 的, 你將問題寫下, 我盡量在此回覆你吧 !
Mavis ·
多謝你回覆呀^_^ 仲想問要著幾件衫先夠？ 我第一次去咁凍嘅地方～～～
~ 魚 ~ · · 回覆 Mavis
我就著了打底, 一件普通衫, 一件毛衣外套 再加羽絨, 衫反而唔係問題, 因為可以加加減減, 腳先係問題, 我著左一對羊毛襪 再 加 fleece 襪 再著雪 boots. 記得要有帽 (蓋耳仔) 同手套, 最好有埋頸套 (or 頸巾).
Mavis ·
^^謝謝你! 我琴晚明明打咗仲想問用單反影北極光有咩技巧不過出唔到。唔知可唔可以教我呢?
~ 魚 ~ · · 回覆 Mavis
其實我都唔識用咩技巧, 你最好有腳架, 推大 ISO 及光圈, 曝光時間要自己試. 我部機好舊, ISO 只到 3200, 而家 D 新機可以高好多.
Mavis ·
謝謝~魚~ 你上次有無帶手機, ipad之類去? 會唔會凍到開唔到機或凍完之後入室內有水氣?
~ 魚 ~ · · 回覆 Mavis
有帶手機, 但冇問題喎, 我放內袋. 相機都冇問題, 但小心拍北極光時電會較快用光, 因為係咁曝光 ~
Mavis ·
~魚~ 我在Inari now, 琴晚六點睇到勁微弱嘅極光! 訓前無就無再捕! 點知今日老板話零晨一兩點有喎！仲好大條添! 激氣! 明早要離開喇!
~ 魚 ~ · · 回覆 Mavis
加油呀 ! 如果聽日就要走, 那今晚捕長一點時間吧 ! 北極光就是如此可遇不可求, 我祝你可以見到精彩的一幕 !
Mavis ·
~魚~ 落咗2日2夜雪喇!><
~ 魚 ~ · · 回覆 Mavis
哎呀 ! 咁點算呀 ? 你幾時回程呀 ?! 唔好唔開心, 有時候反而給你多一個出走的理由 !
Mavis ·
~魚~ 已經走咗喇! 最後尾果晚去咗冰酒店食飯同睇極光! 但又係多雲落雪! 仲要比較大雪添! 諗住無希望
Mavis ·
我打咗好多字, 好似出唔晒! 續: 點知過咗一陣出去望, 雲與雲之間又滲咗幾秒極光喎！真係好驚喜, 都好滿足喇! 希望十年後再去啦！到時又要重溫你的blog了^^
~ 魚 ~ · · 回覆 Mavis
恭喜晒你呀 !! 睇到那刻一定很開心興奮吧! 十年後再去, 那時候希望我還在繼續寫這個旅遊 Blog 吧 ! 你有空記得來探下我呀 !
Mavis ·
係呀！真係跳咗一下雪地^o^ 一定要繼續寫呀！可以幫到好多人^^ 多謝您~魚~ 我現在喺瑞士繼續旅程呀！再見^^