2015 川藏 318 國道之旅 Day 5 – Part 1 喘著氣於高地上登頂 @ 業拉山

Day 5 , 走出左貢賓館, 我們去找地方吃早餐.

在國內很奇怪, 不知為何早上有些人總愛走到大街上, 蹲在一角刷牙, 但明明個邊冇水源架喎  ?!  咁即係點呢 ?!

就說左貢較為鄉村, 隨意找了家小店, 點了包子及餃子作早餐, 吃飽就要上路了 ... ...

剛離開城鎮, 就遇上了一大隊軍車車隊, 後果如何 ?!

其實慢車呢就唔係軍車的問題, 主要係前路又有工程, 只有駛過一處爛路, 軍車重身自然要慢駛架啦 ~

我地就梗係唔會係呢種路面過大車, 咁咪開住車係後邊慢慢行囉.

慢車就慢車啦, 反而睇到各式本地民房.

(相一) 真係估你唔到, 竟然係窗口求其放塊木塊, 就當係多條橋咁上路面, 有冇咁求其架 ?!

山區的好風景 ... ...

話咁快, 又到左要過關卡檢查站的地方 !

過左檢查站, 有個很古怪的場景, 一河之隔, 竟然出現兩式樓房, 一邊新一邊舊, 很古怪 ... ...

話左呢一程由川入藏的車程, 一點都不會悶, 一來天氣實在太好 (特別係早上), 二來路上風景真係目不暇及 ~~

呢一座於旅程上經過的轉經塔, 顏色真係好靚 !

由左貢到邦達之間的道路, 風景很不錯.

望到這幾座山山頂的顏色, 估計以往應該是舖滿了雪, 這個季節來到就未必睇到了 ... ...

於邦達廣場小休一會, 下車鬆一鬆根骨, 接著又要上山了.

間中看到了那些大大隻字的標語, 真讓人 -_-" !

來啦, 來啦, 我們要上業拉山了 !

上山頂之前, 記得在這個佔置拍一下山谷景色, 大地在腳下的感覺, 非常廣濶 !

本來黎到業拉山也没麼特別, 不過是 4658 米高的一個山, 並不是旅程中最高處.

風景也美, 可以看到一字排開的雪山群, 是一道很壯麗的風景.

(這篇的封面照, 就是在這裡拍的 !)

我之所以難忘, 係因為阿貴即興話要登上山頂那個小小窗口, 而我又傻傻地跟著話去.

結果大家看到相中的距離, 看似不遠, 最多幾百米左右, 結果我們花了一個小時才登頂, 邊走邊喘著大口氣 (外加小小頭痛) ... ...

我竟然忘了自己在 4600 幾米的地方, 還傻傻的學人去登頂, 一定是高山反應的影响, 都是高山反應的錯 !!

話雖如此, 真不枉此行, 一來景觀超讚, 二來見識一下生於高海拔的植物 ... ...

終點在望, 請努力吧 !

然而花了那麼多氣力才登頂, 冇理由唔影多幾張相.

係囉 ... 影得咁開心, 完全冇理會其他事情, 下山後就知出事囉 ...

說話 ... 同行朋友初期的高山反應特別厲害, 簡直就是海拔指示器, 逢過 3000 米定必不適, 一過 4000 米則要昏睡過去.

我們在 4000 幾米的地方停車, 留下她在車廂中睡覺, 結果爬山用了個多小時, 她就一直被獨留車廂之中 ... ...

結果當然是她在高地上感到不適, 嘗試打電話聯絡我們, 我們卻接收不到.

直到下山會合之時, 我們差點被罵個狗血淋頭, 不過我估朋友當時真的很想罵, 但她應該没有這個能力 / 氣力去罵 ...  XP ~

在山上的風景 ... ...

看相片是領略不到的現場的震撼, 大家有機會請親自來登一登頂.

正如我平時行山一樣, 看到山下的風景, 感受著周遭的氣息, 登山過程就算有幾辛苦, 也是值回票價的 !

由車路路邊的指示板, 回望去山頂上的小天窗, 原來真係有番咁上下距離架喎 !

過了業拉山行車最高點, 我們又再次下山, 原來呢邊都有個 viewing platform, 但就梗係冇我地嗰個咁堅啦 ~

下山自有山下的風景, 仲會撞到網絡紅人添, 想知詳情就下篇再繼啦 !!