HK : 真係好甘的船灣淡水湖郊遊徑

繼上回挑戰了蓮麻坑, 今回我地玩長線 - 船灣淡水湖郊遊徑.

郊遊徑呢個名字聽落去冇咩, 路徑也不算特別長, 由烏蛟騰出發, 以大尾督作結, 全長也不過 18 公里.

不過, 呢 18 公里原來好鬼甘, 唔計我地中間休息的時間, 由早上 10 時起步到下午 7 時, 期間足足馬不停蹄地行左 8 小時有多 !

完成整個路徑的後果, 除了累, 就係渴 !!!

http://hiking.gov.hk/chi/trail_list/country_trail/Plover_Cove_Reservoir_Country_Trail/introduction.htm

早上直接坐車前往烏蛟騰, 起步不久就是上山路段, 路面不平而且斜度高, 未熱身都真係行得有點辛苦 ... ...

還好上到山頭都有唔錯的風景 !

來到第一峰 - 295 米的馬頭峰 !

呢個山頭只係頭盤, 山頭陸續有黎喎 ... ... (因此警告牌也出現於眼前 !)

經過連續的上下山, 我們來到了橫嶺坳, 點知 ... ...

原以為走了很遠, 到了才發現用左個半小時, 都只係行左 1.75 公里, 我地有冇行得咁慢呀 !?

來到大峒, 點解個預計時間冇進步架 ?!

要去到鹿湖峒都仲有 1.25 小時喎 ?!

是日天氣還好, 没有太多的曝晒, 也没有下雨, 不過間中會較為悶熱, 還好大家都有帶充足食水 ... ...

這路線之內, 是完全冇補給的, 各位遊人來此行山, 記得要帶夠水及物資 ~

前後真係要花了六小時左右, 才成功登上鹿湖峒 (280米).

呢度的風景真係非常美, 體力足夠的話, 都值得一遊架 !

不過下回真係要選秋冬季節, 夏天實在係太悶熱了 ~

在山頭之上, 再走進叢林一點, 剛好有一個小平台位置, 可以欣賞到更開濶的風景, 也就是船灣淡水湖之風景 !

我們在這裡落腳, 作小休兼午飯地點, 當然不少得要拍下個人照 ... (profile pic 時間 !)

來到這裡, 算是正式走了路程之一半, 還有大約 4 小時, 才可以走回大尾督哦 !

以為登頂後, 就是一路下山咩 !?

錯了, 準備再次上下山頭之行吧 ~~

來到可以眺望吐露港的地點, 真係我在山水之中, 中間是山, 兩側是水 ... ...

繼續專心努力, 而帶了 2 公升水的我, 來到這裡開始没水了 ... ...

冇法, 估唔到是日會咁熱, 同埋實在太多上山路了 ~

來到這裡, 開始可以埋尾了 ...

只要上下多一個山頭, 我們便會到達副壩, 那後續的平垣路段快要到來 !!

到了 ! 到了 !

船灣淡水湖副壩就在眼前 !

由於眾人行得身人皆疲, 人人也躺到壩上休息.

在微風吹送下, 吹吹下咁, 真係非常有睡意的 ~~

可惜, 天快要黑了 ~

為免大家要開頭燈, 還是繼續上路吧 ~

副壩那邊有一個洩洪壩, 我都真係第一回來到這裡, 景色有點 ... 新奇 !!

快要回到主壩, 不過要走完全程, 還有那很筆直的 2 - 3 公里哦 ~

由於身體有點疲累, 加上主壩人來人往, 風景也有點千篇一律, 我只想快快手手專心走完 !

最後我們大約 7 點左右到達大美督燒烤場, 全程 18 公里之船灣淡水湖郊遊徑正式完成 ~

全員剛完成之時, 是沒有餓意的, 反而人人也非常口渴 !

不過當大家都洗換過來, 餓意來襲, 我們到泰太開餐吧 ~~

Weekend 7 點多來到泰太, 剛好拿到最後一張 6 人枱, 狂風掃落葉式的灌水 及 點菜, 我們終於可以放鬆一下了 !!

在這裡再次提醒大家, 這條路線真係幾辛苦下, 主要上下山太多太密, 還要天氣較為悶熱, 因此建議要行都最好秋冬時份先去, 唔係慢會中暑呀 ~