2017 回歸第一篇之 HK : 夜潛獨牛

大家好嗎 !? 我番黎啦 !

算一算, 呢個 Blog 都被荒廢左接近 5 月個月了, 時間還過得真快哦 !!

對於回歸第一篇文, 我一直決定不到該由那裡開始, 但昨晚剛去了一回夜潛, 就已經得到一個最好的開始.

回來才一個星期, 我已完全回到以往的日常之中, 除了已經開始去上班, 還有遠足, 潛水, 看演唱會 及 在家搞 party, 通通在剛剛的一星期內做過了.

是哦, 早說過我是非常貪玩的啦 ~~

=================================================

昨天, 是我半年假後的第一個工作天.

剛開始的那幾小時, 我都處於迷惘狀態之中 ...

不知是幸還是不幸, 昨天實在是有點忙, case 接 case 之下, 就不得不趕快進入狀態, 順利完成第一個工作天 !

下班後, 愛玩的我就開車入西頁, 跟 Buddies 們會合, 齊齊食過晚飯就準備出動 ... (呢個雞飯真係幾好味, 唔怪得咁多人黎都係點呢樣 !)

夜麻麻入黃石碼頭真係要打醒 12 分精神, 勁多牛牛係出現, 仲有小牛安坐於馬路上, 回程仲有野豬衝出黎, 都真係嚇左我一跳 !

2017 年我未落過水, 所以今回夜潛算係我本年的開季之潛 !

今回的基地, 我地又係選了漁排 !

漁排去過好幾次, 每次没特定潛點, 全由大伙兒話事的, 每回都有驚喜 !

(原來不經不覺, 本人都寫了 50 篇本地潛的遊記囉 ... http://traveling-fish.tixmart.org/category/hong-kong/hk-underwater/)

一如以往, 砌好 gear, 羅齊架生, 齊齊上快艇去 ~~

今回又來一個未去過的潛點  - 獨牛 (洲) ; 又名石牛洲, 也有人稱之 燕鷗島 !

今回一共兩潛, 水溫大約 22 - 23 度, 我著住那件殘破的 3mm + 打底背心頭套, 還是覺得很冷 ...

第一潛水深大約 11 米, 下水後就没有怎走開過, 因為實在太多野影, 尤其係我最鍾意的兔兔 (Nudibrunch)

第二潛水深不多於 14 米, 對比起第一潛, 相對没那麼精彩, 而且感覺上比第一潛再冷點 ... 我只有不停游來游去, 一遇上冷流就退, 好搞笑 ...

(怎麼每次見到牠們, 都覺得像紅蔑蔔的 !!)

今回真的找到了很多兔兔 (其實 Buddies 總叫牠為 牛, 但呢個名一點都唔襯 !).

呢隻係第三款 !

仲有佢 ... 唔講唔知, 原來佢叫火龍果呀 ...

咁呢張咪叫海刺想拮火龍果 ?!

又一種, 仲係藍色架添 ...

呢種好得意, 背脊好似左菁苔咁, 但同周圍的背景很相襯 !

如果真係要叫佢地為牛, 就一定係佢  !!

佢好鬼大隻, 成個手掌心咁大隻, 除了那花花屁股之外, 我也不一定找到牠的觸鬚 ...

大隻的好醜樣, 唔鍾意, 但這晚周街都係 !!!

仲有呢隻係第二潛唯一找到又不同品種的兔兔  !

好多小丑魚, 仲有好多出左眼仔的旦旦 ....

(做咩啫, 怕醜咩你 ?!)

蝦 ... 見到都幾多, 仲要都幾大隻 !

不同品種的蟹, 相四那一對, 我研究左好耐, 才發現是兩隻來的 !

本來, 佢地係平平無奇的海蔘, 但係 ... 佢竟然係我影相時噴便便, 就不得不要 PO 出黎 !!

魚 ... 順道放埋上黎啦 ~

完成兩潛也差不多半夜一時了, 回航時突然發現海面現出藍光, 一直在船兩側波浪中 !

Buddies 說是夜光藻來的, 情景就尤如大家聽說過的藍眼淚吧 ?!

回到漁排, 今回不打邊爐了, 各人來個杯麵, 整理好就要回程, 這夜實在玩得太晚了 ... Zzzzzzzzz

我的潛水裝備於去年出門前, 爛得的爛, 壞得的壞, 可唔見的也唔見了, 連可以下水的相機, 亦只剩下那部 Nikon 機仔.

今年若要潛個好水, 看來得乖乖入貨了 ... ...