2017 速遊首爾 - Part II 玩樂在 Kakao Freinds & Team Lab

今回來韓國, 認識了一班新朋友 : Kakao Friends !

我很少用 Line, 因此根本不知曉這個系列的出現, 直至來到韓國, 在超市偶爾間見到 Ryan, 才知道這班騎呢怪的存在 ...

就係因為咁, 朋友就帶了我去位於弘大的 Kakao Friends Shop ...

我們走進店中以後, 真的快要失控了 !

Kakao Friends Webpage : www.kakaofriends.com

Kakao Friends 的店舖樓高 3 層, 大家可以在店中各個角落, 尋找到這 7 隻騎呢怪.

無論是自拍或合照, 都真係好搞鬼 ...

在店中一角, 找到了 BB 版的他們, 有點呆, 但也很可愛 ~

隻隻都咁鬼得意, 只要一個不小心, 就會失守的了 ... ...

好在 ... 本人能夠保持到只拍不買咋 ~~

毛公仔太大隻咩 ?! 仲有 Mini 版本的讓大家帶走 ~

Concept Museum 的期間限定產品 ~

Ryan Cafe 在三樓, 一場來到, 又怎可以不去幫襯一下.

不過買野食之前, 不妨四處參觀一下, 枱頭那盞燈真係好可愛哦 ~

鍾意小獅子的, 記得要點 Mango Frappes, 那就會得到 Ryan 頭沙冰架啦, 超過癮架 !

在雪櫃中看到造型可愛的 Macaroon, 最後還是選了 Ryan 造型, 結果一枱都係 Ryan 囉 ~

就說我是在超市見到 Ryan the Lion, 才起了條購買癮, 結果一口氣買左一大堆手信 ...

有太陽油, 搞鬼膠布, 仲有潤唇膏, 差點紙巾都買埋走 ~

老實講, Team Lab 的設立模式, 似乎是以小孩們為 Target Audience, 不過當我倆身在其中. 倒玩得很投入 ~

入場費不高, 跟以往到訪過的 "Theme park" 很不一樣, 總會找到很美很美的活動插畫 !!

Team Lab, Seoul Webpage :　http://seoul.teamlabworld.com

第一個展館是我最愛的水底世界, 最最最開心是見到有鯨鯊 & Manta ray 的出現.

呢一部份要參與的, 是選取一種海咩生物的畫紙, 再為其著色, 完成後再交給職員.

當職員為畫作做了 Scan, 隔一會就會發現自己條魚出現在水底世界之中.

不知是否物似主人, 我的那條魚游得特別的快, 匆匆忙忙的由左游到右, 再游回左, 似乎有點過度活躍一般 ~

我超愛這 2 條穿梭各展館的鯨魚, 我可以安坐在坐椅上, 一直盯著牠們自由自在地潛游, 幻想我在大海中與牠們相會.

這 2 條鯨魚真的很吸引人哦  ~

這個也蠻好玩的, 用雙手抬高小人們, 好讓他們去拿取碟上的食物 或 杯中飲品 ...

其實 ... 我想到的是以往一個簡單的電腦遊戲 Lemmings !

另一個展館是未來城市, 玩法跟海底世界類同.

大家可以選出一種交通工具之畫紙, 先為其著色, 再交由職員去 scan.

轉眼間, 我的飛機就在 screen 中出現了 !

真係幾好玩, 仲有令人有放空的時機添 ~

呢個就係自由拼砌的湖上踏腳石, 完成後可以自己親自橫越一回.

哈哈 ~ 小朋友如我們, 真係玩得幾 hyper 架 ~

這個是海浪中的小休站, 地上設有大型 cushion, 讓我們趟著去享受海浪聲.

我趟著一會, 差點睡著了 ... ...

最後, 我們在會令人產生眩暈感的燈影間, 離開了會場.

呢度真係幾好玩, 有時間不妨來一趟, 大小朋友都會幾開心.

據聞今年暑假, Team Lab 會於 HK 開設 Workshop, 有興趣不妨上網找找資料吧 !