今年我終於開季了 ...
但明明前一天行山時仲熱辣辣架, 到是日出潛就來翻風, 未出到去我都已經要著番件衛衣啦 ~
天氣不佳, 出潛的人也不多, 我們十多人便已經包左船咁啦, 正 !
是日第一潛 - 燕子岩 !
原本應該去英泥沉船, 點知落左水, 個水流就將我地送左去第二度, 好在呢度都有唔少野影下 ...
是日水質不錯, 能見度算好, 水溫亦不算很凍, 22 度水左右, 最深落到 11.3 米, 一共玩左 65 分鐘 ~
這一潛, 我地搵到 4 款海蛞蝓 (我知我知佢地有 D 係海牛, 但我就係鍾意晒佢地做海兔囉) !
尤其白色黑點黃邊那隻, 我總係覺得佢好可愛 ~~
其餘時間, 我們都在左找找右看看, 試著找出不同的海洋生物, 特別是藏在珊瑚殼內小傢伙 ...
水清呢, 就連 blenny 都可以影到有藍底呀 !
小傢伙件頭很足, 比起平時遇到的要大隻點, 仲時常將頭伸出洞外張望, 樣子嘛 ... 還是笨笨的 ~
Zoom 近一點, 發現珊瑚殼內佈滿了銀色點點, 再仔細點看, 發現全是眼仔來的 !
對哦, 原來小傢伙是在守護著牠的小生命呢 ~
牠是這天的主角, 即使拍牠時總給水流推得拋來拋去, 我也忍了 ...
第二潛, 轉到尖洲 ... ... 旁的爛頭排 !
上一潛完成後, 我冷得在船上不停在抖, 尤如患了柏金遜般手震不停, 幸好有暖水沖身, 體溫才能稍為回復.
我決定了那件香蕉潛衣要退役了, 可以破損的地方都爛了, 又被摧殘到薄如蟬翼, 根本未能幫助我保暖 ...
唔知會唔會有機會搵番件同樣是螢光黃的潛衣呢 ?!
第二潛又是 22 度水, 最深去了 12.2 米, 玩了 57 mins ...
這潛又找來 4 款海兔哦, 今回仲有這隻粉紅色的芝士兔 , 佢真係細細隻架喎, 丁點咁大粒, 要搵番佢對耳仔都真係有點難 ...
真係咪話, 果然 4 月係可以見到多 D 海兔架喎 !
隊長找來排骨蝦 !
估唔到我部爛鬼 Nikon 機仔, 都俾我對得中佢呀下 ~
留意下丫, 佢真係有對好滑稽的眼仔 ...
潛潛下, 突然見到佢, 真係嚇左一跳 !!
唔知佢俾咩咬爛左條尾, 但佢似乎已到瀕死邊緣, 本來在一旁倒也相安無事 ...
我再潛多一會兒, 佢竟然突然向我游來, 真係嚇一嚇, 點知佢會唔會想死前發難, 咬我一口架 ?!
兩潛完成, 凍到半死的我完全無意再下水, 第三潛放棄, 快速去沖熱水涼再換衫 ...
我得到的是可以不用顧忌, 放心去吃燒雞翼去 !!
(因為若我要再下潛, 是不敢吃太飽的, 不然下水後會有想吐的感覺 ...)
是日潛旅完成, 分享完畢, 朋友們今年有機會齊齊係潛船上見 ~
