漂泊中的魚

若問我究竟係咩原因要 24 小時內跑左兩場比賽 ?!

老實講, 除左自虐之外, 都真係諗唔到點解我要咁做 !!!

唔講咁多, 等我分享下呢 2 場 events 的苦與樂 ~

當日我地報 2018 Kuma Fun Run, 主要都係禮物幾吸引, 有衫, 毛巾仲有 early bird 公仔一隻 !
比賽路程除左有 10 公里, 仲有 5 公里 又或 親子 1.5 公里選擇, 真係大人小朋友都咁啱玩 ~

10 公里開跑時間為早上 9 點, 預早到達順道逛逛拍拍照 …

現場都設有不少攤位, 有影相的, 也有玩遊戲的, 還現場有售入口水果, 日本梅酒, 熊本熊相關商品 … etc

開跑前, 我與朋友們走了一圈, 跟現場大小熊本熊合照 ~

起步前, 熊本熊在台上搞氣氛中 …

以我們 10 公里組來說, 除了起步時頭那半分鐘有點阻塞, 去到半路折返位來回線打了交叉以外, 整個路程尚算順利, 就是天氣熱了一點, 高達 30 多度, 真係邊跑邊爆汗 !

完成賽事後, 我們得到了完賽奬牌, 而在會場內再逛一下的結果, 就是不健康的跑手們, 一人買了一套水果酒回家 …

完成 10 公里的下午, 我立即回家補眠, 以準備當晚的賽事 !

由於山竹的吹襲, 這晚的 45 km 路線已作修改, 先環城門水塘一圈, 再接上麥徑 5 & 6 段來回, 全程大約 42 公里, 但由於石屎路段比例增多, 難度相應亦減低 !

比賽頭 20 公里倒也相安無事, 直到來到沙田坳獅子亭, 要上山往基維爾營的路上, 望著前方那無盡的長命斜, 我開始有想死的感覺 !

不過最大的打擊, 在於我們死捱難捱來到基維爾營, 一心打算可以補水的時候, 大會補給站竟然同大家講冇水 !! 冇汽水又或冇運動飲品都算, 連水都冇真係說不過去 !

要知道上一個 CP 位於大埔道, 來回基維爾營全程 22 公里, 中間冇補給都算了, 但竟然這個最重要的回程站, 竟然會預唔夠水 ?! 要知我地其實都唔係太慢, 身後仲有一大堆參加者上緊山, 如果咁快已經冇水, 咁只表示大會預計的食水份量非常不足 !

而在凌晨 5 時, 竟然還有朋友回覆我們的求救, 即時買了食物及飲品來支援我地, 非常感謝 !!
老實講, 如果呢刻真係冇朋友來支援, 我地係打算剪帶退賽的了 !! (幸好回程時, 獅子亭的恒益已經亮燈營業, 這晚它救了很多山友哦 ~)

得到了補給, 也小休了 10 分鐘, 我們於天亮起來前再上路 !

一路拼到畢架山, 再回到大埔道, 我趕得及在金山被馬騮攻擊前, 吃掉賽事中的第三隻香蕉, 也就是朋友帶來的補給品之一 …

馬騮看到了不少, 估唔到野豬也來了 2 隻 !

如果要說, 走到最麻木的一段, 就是回到城門水塘穿回主壩的一段山路 …
明明以為快要完結, 卻還是有走不完的上山石級, 我整個人完全機械化模式的了 …

好不容易, 我地終於 9 小時內完成了 !!
可惜 … 說好了的完賽衞衣卻不見踪影, 唉 … 今回賽事很大一個 伏 字哦 !!

雖然大會安排欠佳, 但還是得感謝義工們徹夜辛勞的去招呼我們, 還有就是眾多在路上遇到的山友們, 路上互相鼓勵, 大多也很禮讓, 正如朋友們所言, 有品很重要 !