早排復活節同朋友去左轉泰國吃喝玩樂團, IG 都有即時分享過其中某些美食, 今回一次過記錄我們郅訪過的餐廳, 還有就是如何完成一日一芒果糯米飯 (Mango Sticky Rice) 之創舉 !
Day 1 到埗曼谷去埋酒店 check in, 都已經是半夜時份, 我地仍然出門找吃的, 為的就是第一餐芒果糯米飯, 老實講這家位於酒店附近的小店, 其他食品不值一提, 不過其芒果糯米飯確實有番咁上下水準, 朋友說那個糯米飯的香糯, 是咁多餐芒果糯米飯之冠喎 !
Day 2 朝早, 我們晨運般在 30 多度太熱天下, 由酒店步行到位於 Thonglor 的 Crepes & Co., 只不過 10 分鐘左右的路程, 我們就已經汗流浹背了 ...
踏進 Crepes & Co 的 Thonglor 分店, 竟然發現餐廳的冷氣壞了一半, 還好餐廳後半部尚有少量冷氣及多部風扇, 但我們這回就未能在前半落地玻璃旁用餐了.
這餐廳主打吃 crepes, 咸甜皆有多種款式, 我們先點的兩款較似早餐的款式, 味道確實唔錯, 結果之後再加點了一款 Lemon curd & lime zest 當甜品 ... 呢個 Brunch 還真不錯 !
Crepes & Co. FB page : https://www.facebook.com/crepesnco/
Crepes & Co Webpage : https://crepesand.co/
這區附近的環境不錯, 近近地都有個小小的community mall - The Commons !
The Commons 地下是個有幾家食店的小 food court (其中一家是得奬咖啡店, 其咖啡豆產自泰國不同地域), 樓上則是數家獨立小店, 頂樓則種植了一片小草地, 大樓四周都設有些座位, 目的是讓社區內的人可以在這裡 hea 一下, 齊齊享受這片可共享的空 間 !
The Commons Webpage : https://thecommonsbkk.com/
這家 After You Dessert Cafe 已經唔係咩新鮮野, 但我每次仲係好鍾意去食那個外型都很吸引的 Mango Sticky Rice Kakigori, 今回黎到仲有個 BB 版添呀, 兩個人食就最好啦 !
是日晚飯, 亂打亂撞下訂左呢間米子蓮都推介的本地餐廳 : Supanniga Eating Room, 記得有心去食就最好預先網上訂枱, 我地去嗰日睇住店員們推左好多班客, 食客們也只好失望離去 ...
我們點了餐廳的名菜, 那個一份四件的蒸蟹餅好香又好味, 咖喱大蝦超好送飯, 牛展沙律則帶點酸, 正好開胃, 再加上那大大杯的自家創作飲品, 這餐保證喝飽又可以食醉架 !
Supanniga Eating Room Webpage : http://www.supannigaeatingroom.com
Supanniga Eating Room Facebook Page : https://www.facebook.com/SupannigaEatingRoom/
是日宵夜, 就係酒店門口看到了榴櫣雪條, 外型成粒榴櫣肉咁, 吃進口中頗 creamy, 真係唔錯架喎 !
Day 3 一整天跑了出去玩, 那旅程就留待後篇來介紹, 這晚來到酒店附近的晚間臨時攤檔, 炒了個 Pad Thai 來吃, 勝在平靚正呀 !
大家係咪以為 Day 3 冇機會吃到芒果糯米飯呢 ?!
梗係有啦, BTS 站旁有間芒果專門店, 同時有售芒果糯米飯, 只限外賣不設堂食, 正好將之帶回酒店再享用
來到 Day 4, 我實在受不了只在大吃大喝, 早上先去跑了個 10 公里, 才洗澡換衫再出門吃 Brunch !不過跑左步都冇用啦, 呢個 Brunch 一次過就將 kcal 全補回去了 ...
這家原籍澳洲的 Patissez, 感覺上甜品要比咸點出色一點, 不過相中那份 toasty 熱辣辣的很有水準, 食材味道很配合, 再配番份 Toast 就真係滿足架啦 ! 但最邪惡則要數其smoothies, 勁多款又勁多 cream & sauce, 都可以飲左預頂大半餐架啦 !
Patissez Bangkok FB Page : https://www.facebook.com/patissezbangkok/
Up & Above Restaurant And Bar 出名食 Afternoon tea, 一年有四季主題, 今回剛好是粉紅粉紅的 Sakura 系列, 點心甜品係意料之外的精緻及美味, 不會只是一味死甜, 唔錯唔錯.
這餐廳位處酒店 24 樓, 環境舒適, 可以高角度欣賞到曼谷市區的街角與大樹, 我們在這裡足足 hea 了一個下午哦 !
Up & Above Restaurant And Bar FB Page : https://www.facebook.com/UpAboveRestaurantandBar/
Up & Above Restaurant And Bar Webpage : https://www.okurabangkok.com/en/offers/dining/up-above-bar-sakura-afternoon-tea.html
本旅程最後之晚飯, 來到朋友介紹的 Sit and Wonder !
呢間 Sit and Wonder 值得強力推介, 因為食物質素非常高, 價格卻非常相宜, 只是 Day 2 那家 Supanniga Eating Room 之價格一半 !
食品由冬蔭公, 炸全條鱸魚, 再到 Pad Thai & 炸雞翼, 都好吃到令人停不了口, 因此最後離座之前, 我仲要打包左那個芒果糯米飯回酒店, 好勁 ~
Sit and Wonder FB Page : https://www.facebook.com/SitandWonderBangkok/
Day 5 之早餐就在 Coffee Club !
這個 Salmon + Poached Egg + Smashed Avocado on toast 真係冇得輸架 !
來到泰國, 其中一樣必買之手信 - 水果 !
我特別愛係泰國買紅毛丹, 係 HK 真係好少買到好吃又新鮮的, 所以來到曼谷就要好好咁入貨了 !
睇下, 真係 pack 到一箱都水果呀 ~
Day 5 最後一擊, 在機場的 Dean & Deluca 可以買到的 Mango Sticky Rice Smoothies !
咁就真係成功完成了Day Day 芒果糯米飯行動了 !
