HK : 沙灘浮潛秋日露營 @ 東平洲

呢排成日出左門, 都冇乜時間整理自已個 Blog, 趕緊係新一年來臨前, 將我的精選倉底貨先送上來 ~

============================================

十月時份, 天氣略為轉涼, 已經可以開始去 Camping, 但水溫仍然很適合下海浮潛, 我地就係咁坐上了前往東平洲的渡輪上 ... ...

東平洲都唔係第一次去, 我每年都至少會去一次, 但黎呢度 Camping 都真係第一次咋 !

我地一行 6 人, 開了 3 個營, 就去番東平洲的指定營地紮營 !

原來呢度環境都唔錯, 在營地內有一旱廁, 不過我地較喜歡去番碼頭附近嗰個公廁, 就係要行遠一點啦 ~

東平洲真係每次去, 都會覺得好靚好舒服架喎 ~

呢一日的沙灘, 似唔似去左馬爾代夫呀 ?!

望落去真係水清沙幼喎 !

新昌士多係東平洲名物, 姐姐們親切友善, 而且野食真係有一手, 凍飲材料足, 小炒堅好味 !

推介佢個椒鹽鮮魷 同 腐皮卷, 真係會令人搶住食 !

士多可以提供淡水沖身, 最適合游完水浮完潛洗一洗, 尤其我地仲會係島上住多一晚 ~

食完野休息左一陣, 我地就去沙灘準備浮潛了 ~

東平洲的水下世界, 跟陸上的風景, 一樣咁吸引 !

我砌左條片, 大家可以欣賞一下架喎 ~

黃昏時間, 我們回到營地整理一下, 準備定架生去煮我們的晚餐.

Camping 的廚房好重要架, 我所有的出品都係出自呢度 ~

黃昏下的奇岩怪石 @ 更石樓 !

重頭戲來了, 我們的大餐來了 !

龍蝦湯 - Sorry, 懶躱只係帶左罐頭湯去咋 ~

辣肉腸煎薯仔 - 用左 Chorizo 黎煮韓國薯仔, 呢食薯仔特別粉嫩, 較合我胃口 !

炒磨菇 - 就係簡單的蒜蓉炒磨菇囉 !

西蘭花 - 都係簡單的煮西蘭花 ~

煎雞翼 - 自家醃製的 ~

重點來了 - 很惹火的香煎斧頭扒呀 !

同幾個喜歡夜行的朋友去 Camping, 又點會唔出去搵生物睇丫 !

今晚收穫豐富, 連青竹蛇都遇到 2 次, 有次仲係近距離接觸添呀 ... 就係我地營地上出現 ....

東平洲唯一唔好處, 就係營地呢邊向住大陸, 光害非常厲害, 想影星就唔係太好了 ...

Day 2 於日出前, 是日日出並不算完美, 但足以拍下美麗的風景 !

完全的意外驚喜呀 !  傳聞中的海龜真的現身了 ~

早晨呀, 龜龜 ~

這個朝早在平靜及興奮中渡過 ~

Hea 在東平洲 ... ...

早餐來了, 簡單的滑蛋 Omelette + Hot Chocolate !

這個早上行程豐富, 再來一回浮潛吧 ~

呢邊的石灘, 落左水先發現呢度的珊瑚群更壯麗, 魚類品種再更加豐富 !

中午時份, 我們收拾好了, 就回到士多那邊, 可以寄存一下行李, 順道吃個午飯 !

士多姐姐們用自家種的木瓜煲左湯, 我們前一天預留了一窩, 太正啦, 我地唔客氣啦 ~

係東平洲露營的好處, 係有士多食好野, 我可以煮少 2 餐 ~

事不宜遲, 離開前再浮潛多回吧 ~

在日落黃昏下, 我們滿足地坐上渡輪, 齊齊回程去 !