7 月尾, 就喺第三波武肺到來而重展限聚令之前一日, 我同朋友們去左坪洲行下 !
我們選了一個閒日出發, 果然可以避開了迫爆離島的人潮 … …
已被改造成藝術空間的坪洲牛皮廠, 其中一個入口就在永安街, 是個很有特色的景點, 值得一遊, 本文稍後會再作詳細介紹 ~
來到坪洲, 很多遊記都會介紹祺森冰室的蝦多士, 不過事實上呢度的炒物及炸雞翼更出色呀 ! 當日, 我們半開玩笑說, 要趁著禁堂食前, 將所有要堂食少好吃的菜式都點上, 結果這一封就是接近兩個月了 !
祺森冰室 Openrice Review : https://www.openrice.com/zh/hongkong/r-%E7%A5%BA%E6%A3%AE%E5%86%B0%E5%AE%A4-%E5%9D%AA%E6%B4%B2-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r11123
坪洲街頭之風景, 有著南洋小島之風情 ~~
坪洲的海傍大道, 休憇公園內的漂亮老榕樹及傳統仙姐廟 !
是日天氣不錯, 行過大利島影下相, 黎呢度要找找心型石堆及烏龜石架 !
不過先唔好講所謂景點, 單以海邊黎講都已經好舒服, 我地花左好長時間喺呢個島度 hea 呀 !
呢度嗰隻烏龜石呢, 望見實物覺得仲似 Iguana 又或 噴火龍囉, 只要就一就角度去影, 就有著好多古怪照片 ~~
黎到呢個位呢, 記得影埋個海景, 真係超靚架 !!!
人放鬆的躺 浮泊於這深深的藍光 … …
回走往本島, 轉上坪洲家樂徑 / 坪愉徑, 可將這北邊的半個坪洲繞著走上一圈 !
沿路盡是海邊及沙灘, 應該也是坪洲人的後花園, 很吸引人的風景 ~
坪洲寶翠海灘上, 也有一對心形石堆, 但視覺上更為凸出的, 卻是坐在半島之上的釣魚翁石. 這舊釣魚翁石的外表, 竟有如日本那隻外表 Cute Cute 的達摩, 在網上找尋下, 還有人名之為史洛比石 !
沿家樂徑走至坪洲東灣, 會看到那有如酒杯似的港灣, 必須說這邊風景真不錯, 唔知住到黎呢邊會唔會好嘈架呢 !!??
呢度就係之前提及過的坪洲牛皮廠, 於2010年被評定為三級歷史建築, 現正被一班藝術工作者保護及活化著, 設置了大量藝術展品, 免費開放給公眾去參觀，順道推廣一下坪洲之歷史 ~
牛皮廠的另一入口, 仲設置左一個非常好的打卡位 !
來到坪洲, 時間許可還可以看完日落才離開, 不過地點上未能看到夕陽溶入大海的美景, 但日落西山卻還是可看到的 !
回到中環碼頭時的 Magic Hours, 風景非常的不錯 !
朋友的朋友之食店 HK Kale, 以素食作為主打, 份量大大件咁, 味道非常的不錯, 我們剛剛好去買外賣當晚飯吃 !
HK Kale Openrice Review : https://www.openrice.com/en/hongkong/r-kale-central-western-salad-r549827
