喺沙田附近, 近近地都有山行, 又有古跡睇下, 其實仲有個礦場添架 !
話說某日, 朋友說馬鞍山上有一小小水塘, 最近成為打卡熱點, 但聽佢講路線不明, 亦可能不容易行到去, 咁我同朋友咪諗住預成日去搵下啦, 點知 … …
撞鬼丫, 去牛烏水塘嗰條路線, 清晰簡單到冇得再簡單, 輕鬆易行唔洗 1 個鐘就已經到了 … …
唔知點解呢 … 我地好快就找到的 牛烏水塘 了 !
不得不說, 呢個水塘都幾精緻的架, 小小的一個在山谷之中, 水色看上也很不錯 ~
走到水塘的一角, 你會發現呢度俾人改到成個更衣室咁, 有衣架又有毛巾, 仲有好多裝左嘢的膠袋 !
呢個位其實係水塘的去水位, 應該係排洪用的, 但我見有人喺呢邊下山架喎 … 大雨天過後會唔會太危險左 d !
往山上走, 小水池中發現了很多大大粒的蝌蚪, 朋友們在研究蛙的品種, 我聽完轉個頭已唔記得晒嗰堆蛙名 !
由於牛烏水塘的行程比預期中短太多, 我地決定去附近的馬鞍山礦場, 尋找昔日的礦場建築物 !
馬鞍山礦場自 1930 年開始運作, 主要為開採磁鐵礦, 捱得過日治時期, 到 50 – 60 年代的發展最為盛極一時, 直到 70 年代由於礦石質量下降, 加上市場需求亦相應減少, 最終礦場於 1976 年停產 !
馬鞍山礦場的面積都相當大, 有露天的採礦區, 同時也有礦洞區, 相中的正是礦場 110ML 礦洞外 … 過去這坑道建有電動車路軌, 可以將礦材由礦洞內直送到選礦廠再到碼頭, 非常有效率 !
如果想知多點馬鞍山礦場的詳細介紹, 可以參考以下網址 : 鞍山探索館 gyc.elchk.org.hk
110ML 礦洞外的工作室 !
礦洞外的車軌 …
礦場建築的遺跡 ….
選礦廠的遺址
另一間礦場建築物, 如今似乎有人用作室外儲物室 !
回望山下的屋苑 …
礦場的儲水池 !
馬鞍山礦洞 240ML 的入口 …
入去唔入去, 大家係知清地圖先好 …
之前提到的露天採礦區, 如今另有一名 : 武林聖地, 據說是某大台拍攝武俠劇的主場景地點 !
呢隻似唔似烏龜石呢 !?
我地繼續沿山路上山, 剛好可以遠眺吊手岩 !
下山路程中, 找到了一塊跳板石, 是個觀賞日落的好地方 !
喺馬鞍山礦場之內兜兜轉轉下, 砌出了一個有趣行程 !
