自從天氣變得越縐酷熱, 上山的日子都得改為晚上, 似乎很久没看到山野上的藍天白雲 …
追回之前的山遊, 今次講番 5 月時份的 老虎頭, 呢個山景又真係堅靚架喎 !
坐船入到愉景灣, 未上山先覺熱, 到埗第一件事 … 就係去醫肚囉, 又估唔到呢間 Zak’s 都幾多選擇, 份量仲幾大堆頭添 ~
享受完早餐, 就係運動時間,沿寶峰徑行上去, 接上山徑, 直抵愉景灣眺望台 !
過了石屎平台, 穿過草叢小徑, 望著老虎頭上山吧 !
越往上爬, 景觀越變開揚, 整個愉景灣就在腳下 !
如果前半段上山路的難度不算高, 那麼真正的戲肉卻在後半段, 在烈日當空下走完陡肖登山路, 還真是一項挑戰哦 !
海拔 465m 的老虎頭, 果然不可以被小看 ~
在山頂看到這麼一片美景, 我都會覺值得一遊 !!
老虎頭的標高柱 (Lo Fu Tau, 465m), 也是觀景的好位置, 就連遠處的機場, 也可以看得到 !
黎度呢個位, 才是老虎頭郊遊徑的起步點, 呢條郊遊徑又真係古怪左少少 …
繼續沿山脊而行, 沿途風景都不錯, 還會遇上不少形狀奇怪的大石 !
再過多個山頭, 開始可以遠遠眺望到 梅窩 了 !
知道好耐但唔肯定小時有冇去過的銀礦洞, 又一個被政府封了的石洞 !
其實還去了銀礦瀑布, 可惜當時人太多加上没什縻流水, 我連拍照的意慾都沒有 …
落到村經埋文武廟, 就慢慢行番出銀礦灣泳灘 …
整個路程只不過 10km, 慢慢行都只要 5 小時左右 !
去埋細佬介紹的茶記食個麵, 咁先齊齊坐番船出中環 ~
回到中環, 仲有時間去 Fuel 飲番杯咖啡.
呢間 Cafe 不單咖啡很對我口味, 佢地的蛋糕都係實在而味道不錯, 就係好似在英國 cafe 吃到的感覺, 特別有親切感 ~
