某日受到朋友啟發, 突然就搞個上山影星兼睇日出團, 隨手召來幾個朋友, 選取了吊燈籠作為我們的目的地 ~
晚上來到烏胶騰, 都未上山就已經見到蛇踪, 隨後還有各式小昆蟲, 夜行其實好多嘢睇架喎 !!
上山前的這個警告板, 看著竟然有點令人不安的感覺, 呵呵 …
上吊燈籠的山路算係清晰, 但就越走越陡峭, 間中得要手腳並用, 若要帶上重裝備就得留意重心, 上山時保持好平衡啦 ~
見到標高柱 (吊燈籠, 416m), 就知我地成功登頂了 !
山頂上看到的夜景 … …
今回登山冇帶 Tent 亦冇帶天幕, 帶左張枱同露營櫈上山, 咁可以放下嘢又可以坐下, 帶埋爐頭 & gas 就可以煲下熱飲, 仲可以烤埋魷魚添 ~~
吊燈籠上的星空 …没想過 HK 都可以看到這麼多星架喎 …
仰望那遙不可及的繁星, 一同欣賞這片璀燦星空 … …
如果唔係間中多雲, 相信我地可以見得到更多 !
在山頂上並不能熟睡, 間中下過微雨, 又有小動物小昆蟲的騷擾, 但間歇性的小睡還是可以的 !
早上 5 時多, 曙光被現 …
好一個平靜的早上 …
學會享受大自然環境, 才會懂得如何放鬆自己 !
日出了 !
没錯是雲多了點, 不算完美的日出, 卻仍然是美麗的風景 !
平靜的印洲塘, 倒影出那道日出晨光 ~~
日出之時, 可以坐在山頂, 喝著熱咖啡, 非常享受 ~~
這片風景算是很獨一無二, 即使下回再來, 也不一定得到同一風景 !
請好好學會享受當下吧 ~
尚未到 8 時已感受到熱力迫人, 為怕氣溫之後再度攀升, 我們決定下山了 ~
下山時, 眼前這片山脈, 絕對係世上少有好風景 !
不用半小時, 就已經回到山腰平路, 再接回九担租 ~
