Day 2 大年初一, 估唔到喺 #台北 都有唔少店舖照常營業, 其中最估唔到係 #華山1914文創園區 都有開, 咁我就有地方可以去玩下睇下啦 ~
從朋友家中出門, 走到捷運站其實並不遠, 仲人少少咁可以站近車頭影下相 …
三年没有, 華山1914文創園區熱牓依然喎 !
華山1914文創園區一向多動漫展覽區, 2 月份舉辦的節目也不少, 先來是近年都幾受歡迎的 Spy x Family, 展館不算很大, 參觀不用收費, 入內逛逛影下相都幾唔錯丫 ~
第二站是鯊魚先生的快閃店, 此行的主要目的就是來這裡買手信哦 ~~
這個快閃店目的性很強, 一入內就全是鯊魚先生的商品, 如果真的樣樣都買, 怕要破產都唔掂呀 !
Kakao Friends 台北的旗艦店我還未有機會到訪, 就已經遷移到高雄, 幸好還有華山文創園區的小展館可以逛逛 …
是日重點, 朋友介紹我去睇的收費展覽 : 鬼大郎妖怪100物語 ~
原本我冇打算大年初一入去睇妖怪的, 不過朋友話展覽做得好認真仔細, 唔洗排隊而且入場費才不過 NT $390, 那就本著入去行下又無妨的心態進場, 點知都真係幾有驚喜架喎 !
話時話, 如今究竟仲有幾多人知道鬼太郎呢套動漫畫呢 ?!
不過當年我都真係鍾意睇架, 貪佢鬼鬼怪怪但又唔會太恐, 仲要鬼太郎同眼仔爸爸的互動都幾過癮架 ~~
展覽除左有鬼太郎故事內的幾個主厘人物出現外, 主要係介紹左作者曾經創作的 100 隻妖怪, 而且唔係只得畫, 仲有唔少立體藝術裝置, 而且部份仲要係會郁動架, 製作非常認真架 ~
傘妖呢個係過癮的, 少點心理準備都會嚇親, 但真係整得幾靚架 ~
會動的藝術裝置還有呢度,,,
呢隻妖怪就要敲鼓先會出現的 …
係火妖喎 ~~
還有雪妖添 ….. 
鬼太郎之介紹 及 其愛驅 … 非常有型的一部模型 !
展覽完結後, 就是鬼太郎紀念品發售店, 原本對我來說都唔算好大吸引力, 點知佢竟然部份貨品係日本設計直運過來的, 咁就不得不重新衡量一下啦 ~~~
究竟最後我又買左咩紀念品呢 ?!
那就請恕我不便透露了, 反正 …. 這個展覽如今應該已經完結了吧 ~~~
下次再有機會來台北, 大家記得可以參考下 華山1914文創園區 的展覽項目表囉 ~
