大年初二, 得到朋友晨咁早帶我衝落台中, 仲搵左當地山友齊齊行大運 !
這個早餐店不一定營業的早上, 朋友繞了區內兩圏, 終於買了蛋餅作我們的早餐 ~
那就接著衝上非常擠塞的 Highway, 擠著擠著南下去 …
是日目標 : 苗栗的火炎山, 山徑全長大約 6.6km, 最高點為海拔 602m, 是大概 3 – 4 小時可以完成的路線, 唔睇都唔知, 原來火炎山也屬於小百岳之一來的 ~
要登山, 一開始全屬上山路段都合理, 呢度上山之斜度其實不大, 可以慢慢順著而行, 沿途大都是大大小小的鵝卵石頭路 ~
來到第一個觀景平台 !
由呢度開始, 可以欣賞到火炎山的真實地貌, 屬獨特的惡地地形, 望落去都真係有大峽谷的感覺 …
如果要比較, 呢度其實同 HK 的良田坳峽谷非常相似 :
HK : 甘甘地的靚景行 [青山 – 良田坳峽谷(大峽谷) – 白泥]
越走就越靠近大峽谷了 …
呢個角度睇大峽谷都真係幾靚, 幾有氣勢的 ~
登一登山就可以見到咁靚的風景, 係好值得啦 !
過咗大峽谷, 就係繼續登頂的路程, 此段景觀較為開揚, 可以欣賞到山下的風景 !
走在山脊之道 …
好嘢 ! 我地登頂了 !
火炎山 602m 到達, 講真登完呢個, 令我好想再去台灣登山呀 … 係過 3000m 嗰 d 山呀 ~
登完山, 咁就梗係要落番山啦 ~
下山走後山路, 沿途盡是走在樹林中 …
來到這裡, 我們已經完成全長 6.4 公里的火炎山山徑了 !
跟著朋友來到台中, 以往都冇認真的遊走過台中, 今回就自己用 11 號巴士出去逛逛吧 ~
臺中國家歌劇院 (National Taichung Theater) 都係一個出名景點, 入到去都幾人山人海的, 不過都可以係 Cafe 搵到個位食個下午茶先 ~
無意中來到中庭的光之曲幕, 遇上一個投射式的光影秀, 真係勁好睇架喎 ~
來到頂層則有三隻聖誕兔子, 如今則變成了新春兔 !
閒來逛逛, 拍拍照倒也自得其樂 ~
行下行下竟然行到劇院關門, 估唔到門口都仲有倒影玩 ~
光與影交錯的倒影照, 效果不錯 !
當地朋友帶我地去醉鴛鴦食晚飯, 其實我勁鍾意食地道的台式熱炒 !
呢度的小炒都真係幾好食, 而且熱鬧非常, 好鬼似去左大排檔咁架 ~~
回程, 又是一個飛馳公路的晚上 …
