難得又可以閒日去潛水啦 ~ 最近天氣總是不錯, 不過水下溫度卻越來越凍, 真係好古怪呀 ! 呢日我地可以出遠一點, 去到尖洲, 下潛點就在爛頭排 ~ 第一潛最深可以落到 13.4m, 24 度水下玩左 54 分鐘, Avg 係 9.5m, 能見度都有 5 – 6m 的 !! 落水冇耐就見到呢條 Cockerel Wrasse, 明明游得好地地, 點知係某平石位上, 竟然見到佢係度瞓覺, 仲瞓到成身魚鯺張開晒, 好似死左咁近一近都冇反應, 搞到我真係以為佢就黎死架 … 點知影影下佢, 佢就突然驚醒左咁, 閃個身就游走左…
我剛剛係生病前, 趕得及先去潛了兩支, 仲要可以出到去宋崗添呀 ! 明明開車前去西貢時, 下著滂沱大雨, 差點連前車都看不到, 誰知道吃過早餐後, 天氣竟然變得如此風和日麗 ~ 好耐冇去宋崗, 都唔係好記得呢舊石就係潛點添 … 第一潛落到 19 米左右, 24 度水, 我都覺得係有點凍, 水質方便都算唔錯架啦, 都叫睇到下前方 Buddies 的身影丫 ~ 影Nudi 仍然係我的主要目標 … !! 芝士兔總係細細粒咁, 但 Zoom 埋去呢, 真係好鬼似泥膠公仔 !! 仔細咁睇, 才發現芝士兔都係有一對觸鬚同屁屁朵花哦 ~…
今年我終於開季了 … 但明明前一天行山時仲熱辣辣架, 到是日出潛就來翻風, 未出到去我都已經要著番件衛衣啦 ~ 天氣不佳, 出潛的人也不多, 我們十多人便已經包左船咁啦, 正 ! 是日第一潛 – 燕子岩 ! 原本應該去英泥沉船, 點知落左水, 個水流就將我地送左去第二度, 好在呢度都有唔少野影下 … 是日水質不錯, 能見度算好, 水溫亦不算很凍, 22 度水左右, 最深落到 11.3 米, 一共玩左 65 分鐘 ~ 這一潛, 我地搵到 4 款海蛞蝓 (我知我知佢地有…