本星期運動量十足, 早兩日上了大東山, 尋日就潛了一整天水 (由於回家太晚, 未有時間整理水底相, 之後再寫網誌), 今朝我係訓左不足 6 小時的狀態下, 跟朋友們齊齊去跑香港街馬 ! 賽事之前, 我們已先取選手包, 今回的大會 Tee 很可愛的, 而且還有動物耳朵, 因為今次的主題係 Jungle Run 嘛 ! Hong Kong Streetathon Webpage : http://cstreetathon.runourcity.org/zh/ 今回香港街馬於中環舉行, 知道會有封路措施, 我就去左 elements 坐車過香港站. 我們一行四人由於報名時填寫了不同資料, 結果出現了不同起步時間呢個問題, 結果我是最後一批跑的, 卻又得早點到場, 咁唯有四處逛逛又拍拍照 ~…
原來我好耐冇去果洲潛水啦, 睇番網誌, 對上個次原來係 2013 年喎 !! 咁耐冇去, 果洲依然是個下潛好地方, 不過都依然係咁鬼凍, 全日三潛都係 23 / 24 度以下, 尤其深潛 16 米後, 真係凍到傻呢 !! 第一潛選了個深水位, 可惜是日 Buddies 有點新, 在水中等了較長時間才齊人, 我們有點邊等邊凍. 直到等齊人, 打算可以一齊潛, 結果不夠 5 mins 全體失散了 … … 潛水失散的規則 – 水中找尋一分鐘, 不見人, 即上水…
於啟德郵輪碼頭一連三日舉行的 Slide The City Hong Kong, 星期六正式開幕, 我與一班最愛趁熱鬧的朋友當然一早買左飛啦 ! 我地好似由佢地宣傳之時,已經登記左 newsletter, 仲成功買到 early bird 門票. 作為第一次係 HK 搞的大型有水活動, 我們早已預料會出現安排上的問題, 不知為何這些活動的搞手總會對 “人流控制” 及 “場地設計” 的方面了解不足. 早於領取選手包之時, 便已出現過領取時段 及 地點 不方便之問題, 還好大會很快就將問題解決了. 以下是我們的物資, 都算幾精美的 ! Slide The City Hong Kong Website…
今年真係潛少左水, 間唔中先出一次, 以日潛來計, 都只係第三回咋 ! 唔通 … … 我真係對潛水的興趣越黎越低 ?! 唔緊要, 潛水都要講求時機, 本星期時機有了, 咪出海囉 ~~ 第一潛, 就在伙頭墳洲的東灣 ! 這一潛 hea 了62 分鐘, 最深都只係去到 8.5 m, 水溫明明指示為 25 度, 但都陣陣寒流, 暑假都就黎完, 但係的水似乎冇暖過咁 !!! 今回找到了很多墨魚蛋, 唔知係咪真係會孵化出黎架呢 ?! Allien 來襲 !…
由 Penang Hill 回到 George Town, 閒來無事的我們, 繼續遊走在舊城中 ! 要數於喬治城中, 最出名的一樣名勝, 應該就是那些散佈於大小街頭的藝術壁畫了. 據說這些壁畫始於 2012 的 George Town Festival, 慢慢這個壁畫藝術演變成為一個熱潮, 也越來越多藝術家參與其中, 令檳城街頭出演了很多遊人追踪尋找的景點. 在這幾天的旅程中, 我們開始時都没有刻意地尋找, 結果已成功遇到不少作品. 以下的幾幅是跟貓貓有關的 ~ 以下這兩張算是較出名的作品, 很多網上遊記也有分享, 要找到這兩張壁畫也不難, 就在 Lebuh Armenian 那邊 ! Lebuh Armenian 就是相中這一條街,…
話說對上一篇已是兩年前, 實情是越來越多餐廳選在佐敦開店, 而且大多是小店, 是我較喜歡幫襯的類型 ! 今回又等我分享下, 過去年幾食左邊幾間先 ! 言居酒屋, 是我們非常間唔中會去吃午飯的食店, 這裡的定食頗不錯, 由拉麵到烏冬以及魚生飯, 都可以吃得到 ! 我其實幾鍾意食呢度的烏冬架 ~ 言居酒屋 Openrice Review : http://www.openrice.com/zh/hongkong/restaurant/%E4%BD%90%E6%95%A6-%E8%A8%80%E5%B1%85%E9%85%92%E5%B1%8B/46018 離言居酒屋不遠, 就是某藝員開的拉麵店 – 巨一麵堂, 我們也非常間中會到這裡開餐 ~ 拉麵底還不錯, 就是湯底有點過咸, 吃過後會有口渴的感覺, 因此不宜常吃 ! 反而呢度的小食 – 芝士餃子 – 不怎麼樣,…
未等到天氣轉涼, 我們已急不及待想去行山 ! 為免在烈日當空下中暑, 我們都選了下午 / 黃昏時間來行動. 撞正這天是 36 度高溫下的立秋, 我們照樣的出發, 不過 … … 得先去吃個下午茶 ~ 彩虹的金華茶餐廳, 懷舊的陣設, 份量十足的沙嗲牛肉包, 下次一定再去幫襯 ! 金華茶餐廳 Openrice Review : http://www.openrice.com/zh/hongkong/restaurant/%E5%BD%A9%E8%99%B9-%E9%87%91%E8%8F%AF%E8%8C%B6%E9%A4%90%E5%BB%B3%E9%BA%B5%E9%A3%BD%E9%A4%85%E5%BA%97/1588 好了 ! 我們要出發了 ! 起點於井欄樹村, 走過田園農莊, 樹林山道 及 無盡的樓梯, 換來我們陣陣的氣喘 及…
有時候餓起水黎, 真係好鬼爛潛 ~ 話說上星期病左, weekend 都冇得落水, 結果閒日都唔放過 ! 是日水溫唔錯, 隻錶話有 29 度喎, 總之我好耐未試過落左水唔覺凍啦. 一潛就潛左 1 個鐘, 最深去到 14.5 m 左右, 水質普通, 剛下水有點混濁, 到水底則還可以 … … 夜潛有時候頗有趣, 比白天安靜, 也比白天刺激, 因為只有一邊用電筒查探, 才可以看得清前路. 其實, 夜潛會比白天 / 外潛專心, 但也很享受. 今回見到的不算多, 沙鯭卻又見到好幾條 !…
Day 2 上午吃得實在太多, 中午又熱得走不動, 我們就跳上了本地巴士, 打算去看一下檳城的郊區. 坐上了 101 號巴士, 差不多坐了一個小時後, 在總站前一站下車 … … 冇錯, 係前一站 !! 我地都想坐到去總站, 不過巴士司機好明顯趕時間收工, 所以尾二個站就趕晒我地落車, 咁冇辦法啦, 用 11 號去行埋那 2 公里的路囉 … … 還好的是, 這 2 公里都算是易走, 又有本地風景可以看到的 … … 無意中經過這座大樓 ……
Day 2, 我們先於酒店內吃早餐. 這頓早餐不算很豐富, 卻很地道, 印度薄餅 配 咖喱, 還有 cereal, 飲品 及 生果供應. 若問我們這餐吃得夠飽嘛 ?! 唔洗啦, 因為我地本來就係打算出去食野 ~ 用 11 號巴士去搵食的好處, 就係可以邊行邊搵期間, 順道幫助一下消化, 如果唔係真係食唔到咁多餐囉 !! 既然會用 11 號巴士, 當然順道找找那些散佈街頭各處的鋼線壁畫 ~ 這個早上, 我們走到 Lebuh Campbell 那邊搵食. 呢條大街呢, 好有一種時光倒流的感覺,…
我地似乎太耐冇行山了, 有點癮起, 相約一齊去行夜山 ! 估唔到呢排咁熱, 夜晚卻出奇的清涼, 隨行有藍月亮相伴, 再加上是夜天空很清, 一切都是最適合夜行的條件. 我們今回走的路線, 正是上年練習毅行的第一課 : HK : 夜行麥理浩徑第五段 (沙田坳 – 筆架山 – 大埔公路) 起點 : 沙田坳道, 那最令人氣喘的斜路 !! (這晚的月亮又圓又大, 真的很明亮的, 某些路段真係頭燈都唔洗呀 !) 初上山頭, 視野還未開揚, 但隨著上到山上, 可以清楚看到九龍的夜景 ~ (手機出品, 夜景質素一般咋 ~) …
早排跟朋友們去了個短 Trip, 三日三夜檳城速遊之旅, 除了滿足朋友的榴槤癮, 我們没有計劃行程, 也没有去安排什麼活動, 一切就隨意吧 ! 我們一大早便從家出發 (八點的早機), 中午時份到達檳城, 過程當算順利, 半睡半醒中渡過了那差不多 4 小時的航程 ~ 到達檳城機場, 一蚊馬幣都冇的三個人, 自然要先去換錢啦 ! 機場內的找換店於出閘前後也可以找到, 我們其中一人換暫時換了一千蚊港幣, 以應付由機場去酒店的的士車資. 另一人打算去提款機提取現金, 卻原來沒有預先設定海外提款生效日期 ; 最後一人再去試提款機, 結果怎按都被告知所取現金超過設定限額. 結果三人搞左一大輪, 都只能拿著換來的 500 多元馬幣離開, 場面超級搞笑 ! 慶幸的是我們合資後是夠現金去過這三天的, 事實是還好檳城生活水平不高, 不然 ……