呢日放工後, 就匆匆飛車直入西貢, 準六時去到碼頭登船 ~ 在夕陽之下, 我們向火石出發 ~ 登 … 登 … 登 … 登 … 本年度的新版數魚書登場 ~~~ 呢版新書真靚到爆呢 ~ 第一潛係晚上 8 點,估唔到有成 27 度水, 一嘢落到 16.8m 再慢慢上番 7 – 8m 搵嘢影, 全潛玩左 61 mins ! 全潛見得最多的…
HK : 超級血月下的 Night Dive @ 火石
HK : 成地兔兔的東果。再影癩痢名物
上星期又潛左轉, 今回去左較冷門的東果洲, 不能常去下潛的地點, 自然係有原因架啦, 呢日雖然風和日麗, 但實際上都算有風也有浪的 ~ 果洲真係幾靚架,水下固然有好多水中生物可拍照, 其實水面六角柱石隨處可見, 我倒期待有日可以潛完後, 仲上埋北果行番轉, 以近距離咁去影下石頭與風景 ! 第一潛跳入水, 就在東果洲那小島旁, 最深下潛至 11 米, 主力在 8.2m 搵嘢影, 水溫大約 24 度 … 呢潛太多兔兔可以影, 我完全將原定的目標忘記得乾乾淨淨, 影下影下就玩左 68 mins 才上水回船 !! 剛入水冇耐, 就見到呢隻餃子咁樣既兔兔了 ! 呢隻好靚呀…
HK : Hea 潛兩支於甕缸
天氣咁鬼熱, 上山開始變得辛苦, 那本月開始勤力地出潛吧 !! 今回我地黎到船 P 熱門地 : 甕缸 ~~ 今年開季時來過甕缸, 水質好似都係咁上下, 淺水區尚可以影到日光照, 深水點就會係一片迷濛 ! 第一潛直落 10m, 但水太濁, 唯有向岸慢慢游去, 留喺大約 5m 水玩, 都玩足左 64 mins ~ 今回又係落濁水位就見到佢, 但好快佢就閃番入洞了 … … 本日唯一的兔兔哦 … 八間蝶 ! …
HK : 影唔停的兩潛半 @ 癩痢
嘩 ! 收到風癞痢有好嘢睇, 我地架船一出海就直駛去目的地 ~ 第一潛 25 度水, 最深 11.5m, 平均係 7.6m 玩左足足 74 mins ! 今回 part 到個新 buddy, 果然係幸運星來的, 睇魚唔洗搵, 自己會游埋黎架, 呢個磁場果然係勁, 兩條吊都俾佢引埋過黎呀 !! 咬手仔 … 就係面前游過 … 再番黎 … 黃尾石剎的卵卵 ~ 佢係咪年青版三點白呀 ?!…
2021 HK100 FLEX The Half : 玩長線必然的日出到天黑
2021 第一個線上山賽 : HK100 FLEX The Half, 今次係正式 56 公里作賽 !! 天都未光我地就要出門口, 於日出之中自北潭涌起步, 經上窰郊遊徑去到西壩 ! 自西壩開始, 我地沿著麥 1 半跑著前進, 走完了東西兩壩 ! 早上的湖水特別平靜, 出現了如鏡一般的倒影 ! 接著而上係麥 2 前往浪茄, 登上無論順逆走都咁唔想面對的西灣山, 再落番西灣 ! 西灣係我地第一個補給點, 有餐蛋米仲有豆花, 講真行長線我真係唔可以食得太多嘢, 下次半碗同人 share 就好了, 否則會消化唔到,…
2021 HK100 FLEX The Half : 試路的好風景
2021 第一個線上山賽, 2 月時我地玩左呢一個 : HK100 FLEX The Half ! 不過呢次只係試路黎咋, 由北潭坳起步去嶂上, 落大灘 & 海下, 經白沙澳去深涌, 再落埋榕樹澳, 最後先經榕北走廊回北潭涌, 呢圈靚景遊要走 28 K 左右啦 ! 麥徑 3 上的好風景 … 轉落大灘郊遊徑 , 沿海而行, 特別醒神 ! 一路殺到落海下, 士多補給一下不可少 ! 熱維他奶…
HK : 2021 開季 @ 甕缸 & 滘西
上星期, 我地開季了 ! 明明咁多日 PH 都暖笠笠, 硬係人地出海先黎起風轉冷, 擺明玩嘢喎 ! 今回跟住朋友上靚船, 人少少真係好爽, 第一潛我地黎到 甕缸 ! 呢個潛係 23 度水, 最深去到 9.7m, 明明鬼咁凍都硬係玩左 56 mins ! 我地一落水, 就見到條芝麻斑啦 ~~ 呢條呢 … 根據朋友們的講述, 呢幾條貌似赤刀, 但唔係紅色, 所以就係藍刀啦 … 哈 ! 呢條望落以為係咩 Common 嘢,…
HK : 2020 疫情下的郊遊樂 II
總覺得兩日一夜來去匆匆, 今回來一趟四日三夜的旅程 ! 我時常慨嘆著人上山我上山, 我哋上得咁密都冇機會遇見過發哥, 没想到這回幸運大爆發, 於不能出遊的生日期間, 在西貢遇上了發哥, 還成功自拍到了, 超開心哦 ~~~ 成功來到目的地, 卻又開始天黑了, 快快 set 好我個廚房, 就可以準備開餐了 ! 相二係呢年朋友送的生日禮物, 呢件小工具非常適合用於野外烹飪, 至今已陪我走過幾趟本地旅程的 ~ 我的戶外廚房很不錯吧 !? Day 1 Dinner : 牛扒盛宴 斧頭豬扒 自家 Pesto 意粉 Baked Camembert Cheese Dip…
HK : 2020 疫情下的郊遊樂 I
其實呢幾年都間中有去下 Camping, 不過疫情期間 Camping 風氣過盛, 好多地方都被玩爛了, 行山途經唔少的地方, 垃圾堆積如山, 搞到我地都唔敢再去了 … 2020 疫情期間, 可以露營的地方不多, 地點就唔講了, 反而郊遊點滴的分享, 以及郊遊食物的介紹, 我卻想作個小紀綠 ! 誰說 Camping 只有公仔麵及午餐肉 ! 若要遠離人群, 那就只有辛苦一點, 搬埋行李走遠一點了 … … 帶著行李走山路, 其實並不容易, 日常練過山的, 便知道平衡有那重要了 ! 若不仔細觀察, 還真看不到這兩條肥蟲蟲哦 ~ 剛到埗,…
HK : 兩日一夜中秋潛
唔好意思, 呢一篇遊記, 我足足拖左幾個月, 到而家先有心機去寫番. 2020 年間, 我仲諗住冇得出門外遊, 咁總有時間去補番之前的遊記, 點知我連一個外遊的相片都冇處理到, 反而仲積多左本地的山系遊, 希望 2021 年我可以逐步整理, 遊記再次上載啦 ! 話說嗰期疫情稍為平伏, 我地成功可以出海, 玩了人生第一次的本地兩日一夜 Liveaboard, 重點係除左有得潛水, 仲有得玩海上 BBQ 添呀 ~ 呢日大海一點都唔風平浪靜, 第一潛我地先去遠遠地的火石 ! 差唔多 3 點多下潛, 28 度水潛左大約 71 分鐘, 最深去到 16.1m, 都叫見到唔少魚架 ~…
HK : 風和日麗下潛癩痢背。火石夜潛後的狂風雷暴
是日出潛, 係出海前吃了一頓悠閒午餐 …… 呢間 #2084 主打素食，我地一口氣點左幾款菜式齊齊 share，呢度個 Peking Tacos 好有驚喜，估唔到菇都可以煮得咁有趣 ! 主菜嘅 Burger 都幾唔錯的，但相中的 Rajasthani Sausage Curry 的味道更為出色呀 ! 真心推介 !! 2084 Openrice Review : https://www.openrice.com/en/hongkong/r-twenty-eighty-four-sai-kung-international-meatless-menu-r661968 我們的第一潛, 又一個很不一樣的潛點 : 癩痢背 ! 呢個潛點未落唔知有幾好, 落左就發現這個水下世界很有特色, 地勢高低起伏又多峽縫, 是個很有趣味的潛點 ! 這個潛玩了 57 mins, 最深也只到達 10.3 m, 平均係…
HK : 迷亂閃潛一尺石。翻潛火石
去到一尺石的現場, 海面釣船很多, 仲有正在拖膠魚的, 但最熱鬧的是在海面已可見的沙甸魚群, 魚兒們間中飛躍出水面, 我還是第一次兜口兜面俾沙甸魚摑的 ! 一尺石呢一潛其實係唔成功的, 玩左半支樽都冇就上番水, 水中迷濛一片, 亂流在發功中, 最多只係在落錨嗰舊石上繞了一圈, 就決定捉住錨繩做埋個 3 分鐘 5 米停留, 打個象拔順勢上番水面了 ! 呢一潛最深係 12m, 連埋嗰 3 分鐘都係潛左 23 mins, 水溫倒是和暖, 有 26 度水, 能見度嘛 ….. 3m 都叫俾多你呀 !! 一海半水都係沙甸魚 ! …