我都知己經好耐冇出 PO, 但由於太多朋友問我台灣行程, 因此決定將所有台灣行程盡量補回, 請大家得閒就鞭策下我啦 ~
呢個 2023 年 11 月的台灣行程, 其實源自 9 月打咗個 10 號波, 結果當然就冇得出發因而改期啦 ~
記得當時長榮主動打來的電話, 我都真係好意外有咁好服務, 好順利咁就將機票同酒店預約更改, 成就左呢個 11 月台北之旅了 !
===
去台北我通常都愛住 中山區, 因為方便又多嘢食, 宵夜如果唔去夜市, 有時就會去幫襯小店 !
呢間高家莊米苔目就喺酒店後街, 雖然有說米苔目類似係香港的銀針粉, 但我覺得食落滑身煙韌, 口感彈牙, 都係幾鍾意呢個麵質架.
而呢間小店另一賣點就係各式小菜, 豆腐 & 大腸算係我常點菜式 ~
呢間 世界豆漿大王 (中山店) 係隨意用 Google Map 上找的, 實質真的不怎麼樣, 就是一間遊客早餐店 ~
早餐食品非常普通, 咸豆漿很令人失望, 因此我們完全不明白為何那麼多遊客到訪 !
愛去興波天空有 2 個原因 : 1) 可以預約不用排隊 ; 2) 就是去買限定版的 "天空綜合" 咖啡豆 !
其實還有一個原因, 但呢日體會得唔係咁清楚, 就係可以俯瞰台北市風景 !
(我上回到訪天氣好點, 視野比較清晰 : https://traveling-fish.tixmart.org/2023/10/18/taiwan-2023-08/ )
當年的金馬奬展覽 …
回到華山1914文創園區, 呢度的展覽總係有點睇頭, 先來一個 "旅行者朗讀" : 能夠出走, 是我最美好的事 !
剛好遇上這個 "愛手創" @ishands.asia 的 國際手作設計節, 當中有泰國, 韓國, 日本, 台灣本地 以及 香港 的創作單位擺檔, 非常值得一遊 ~
今回喺展覽認識了來自日本的 @icelolly.zakka, 相中那張 Poster 如今已掛於房間的牆壁上 …
剛好最近見到 "愛手創" IG 提到會來香港搞手作展, 真係啱晒叫埋朋友一齊去呀 ~
逛完市集, 最好就係去飲下茶啦 ~
喺 HK 去慣左飲下茶, 去到台北都想搵番間茶舍嘆下, 無意中搵到 小隱茶痷 @xiaoyinteahouse 呢間小店 !
小店隱藏係民居中的一角, 環境很不錯, 內裡係古典裝潢, 坐低咗就唔想離開 ~
呢度除左品茶之外, 仲可以點下麵食同小吃, 水準亦很不錯 !
是日晚飯係我覺得性價比很高的 初魚 鉄板料理 @chuyuteppanyaki !
菜色真係豐富而且好食, 家下諗番都想食多次 !
是晚菜單 :
吞拿魚山藥流蘇 / 牛肉他他
廣島蠔 / 鰆魚 配 海苔腐竹汁
乾貝烏魚子 配 紫菜 / 南非鮑魚 配 昆布漬 ; 海鹽麻油
呢個超美味 : 白磨菇龍蝦 配 白味噌山椒葉
呢道係以肉取勝的 : A5 & Filet ~
另一道出色的出品 : 櫸林煙燻漢堡加蛋, 又一美味 ～
看似平凡的龍蝦櫻花蝦炒飯 配味噌湯, 都係好食架 !
最後係甜品 : 靜岡熱抺茶 栗子煎茶蛋糕, 完美結束呀 !
是日的戰利品, 好似有點過份左喎 ~~
