自從上次去完 Pick your own (PYO) farm 之後, 就對即摘即食的 Strawberries 念念不忘, 見到 Supermarket 所賣的都完全失去興趣, 本星期天又再一次放晴, 即使要抵住猛烈的太陽, 我都係要衝去 Farm 度摘 Strawberries !!!
不過今次之行並唔算順利, 最初之時我已經係網上搵到 Malt Kiln Farm Shop, 不過經 Office 的 receptionists 推介下, 改為去另一個比較近屋企的 Hilliers Farm, 我仲特地先打電話去 confirm 佢地有 PYO Strawberries, 結果去到 …… 竟然話我知呢度係冇 PYO 架 !! 雖然係咁, 我地都入左去佢個 Display Garden 度走走, 呢個時候的英國, 到處都開滿花, 確實比冬天時吸引多了! 之後跟著 Staff 的指示, 開車到附近小路的一個 PYO Farm, 打算至少都可以滿足一下啦?!
去到真係撞鬼呀 ! o係停車場確實見到一片果林及蘋果樹 (with 紅紅的小蘋果), 不過佢的檔口真係非常隨意, 一個帳篷 + 一架 Caravany 就算, 但我地都冇在意, 照樣跟著人群入去 Farm, 嘩…. o個片係荒地黎架嘛 ?! 邊有野草仲多過 Strawberries "樹"架 !! 我地只見係一堆堆野草中, 間唔中會有細細粒的 Strawberries, 而行進之中, 時不時俾野草針到彈起, 嬲到我死 !
見形勢唔掂, 我地決定要轉陣地啦, 離開時先見到一個爛的指示牌, 寫著 " Pick Your Own Farm – FOR SALE !!", 唔怪得啦 ~
(P.S. 相中的唔係o個片野草地, 呢片只係 Beetroot, 當時我地仲未知個 Farm 咁衰 !)
無啦啦要開多個鐘車去 Malt Kiln Farm Shop, 不過咁的天氣之下開車, 我都唔係太介意的, 仲於中途見到一片片金黃色的麥田 & 一大片不知名的野花田添 ~
終於到了 Farm Shop, 我同朋友一到閘口, 不約而同一齊話" 咁先似樣架嘛 !?" !! 泊好車就要行動啦, 一手拿著環保袋, 一手 3 個 Bucket, 睇清楚地點指示 (價錢可以唔洗點理, 因為多數平過 Supermarket !), 我地就開始進行搜集, 今次的 Target 只係 : Strawberries, Raspberries 同 Blackberries, 經過 1 個多小時努力, 我得到 1 kg Strawberries 同 500g berries !
呢個 Farm 的規模比上一次去o個間細, 所提供的品種亦冇咁多 (基本上係冇 veggie 可以 pick ! ) , 但比較近我家, 如果只係講 Strawberries 的 quality, 一樣係又大粒又 Juicy, 非常咁好食, 但 berries 就冇咁好啦, 我揀左好耐先有一堆比較甜的 Raspberries …
Pick 完晒我地的 Fruits, 我地再係 Farm 內走走, 見到另一片麥田 (留意係唔同品種架 !), 順便去 Shop 度飲杯野, 順手買下 local products, 有我最愛買的 : apple juice, ginger beer (買的原因係佢寫的吸引 "Crushed root ginger with a squeeze of lemon sweetened with delious apple juice with definitely no sugar !"), 仲有好抵的 free range eggs (又平, quality 又好, 打旦時個旦殼實淨到呢 ….), 今日總算滿載而歸呀 !
下集預告 : 四葉妹妹登場, 佢又對呢個 Farm 點睇呢 ?!
