尋日去 Birmingham 睇樓, 結果火都黎埋 !!!
2 日前已經事先聲明話我要 Drive 2 hrs 上黎, 叫佢 Organize 好俾我睇晒 3 個樓盤 !! 約左 12:30 meet, 我 12 點到左咪打去 agent 話佢知我到左啦, 可以的話可唔可以早少少到, 結果佢仲要遲到 !!
一到左, 佢竟然乜都唔講, 只係望住我地, 我心諗"你係咪架 ?!", 我咪問佢係咪阿邊個啦 … 佢先至有反應, 但都係冇乜講野咁, 只係叫我地跟佢上去睇樓 ! 上到樓, 佢由頭到尾都冇介紹過間 Apartment, 繼而仲要同我講另外 2 間睇唔到 !! 佢話佢羅唔到 Key, 仲要話而家住緊呢個 Apartment 的人有 mental problem, 唔可靠喎, 邊有人咁話個客架 !!! 我見你咁懶懶閒, 我覺係你冇去羅 key 多d 囉 !!
睇完呢個, 佢帶我地去下一個 ….. 鬼屋 !!!! 嘩… 間樓殘到 …仲衰過前香港政府宿舍呀 !!! 我地快速咁睇過就即閃人 ~ 佢仲話遲 d 羅到間樓的 key 會 call 我, 但我估都唔會架啦, 算啦 … 家下即使佢第一間 ok 而我又冇地方租到, 我都唔會幫襯佢架啦 !!!! 咁的態度, 好似唔恨做咁 ~
搞掂呢條友之後, 我地自己去睇下附近的 Area, 就去左羅唔到 Key 的 Apartment 個 residential area ! 呢個 area 真係好正架,可惜睇唔到間樓 !! 我地係呢度見到另一間 agency 的牌, 咁打算直剷去佢個舖度問, 山長水遠咁 Drive 到, 佢竟然話呢個 property 唔係佢架喎 !! (但明明佢個牌放左係度 … 玩咩 ~) 我真係俾佢地玩死 ….. 最後我都放棄啦, 去番 Northfield 度搵下 d 有咩料就閃去食飯啦 ~
好, 到今日, 我又上網搵樓盤再打電話去約睇樓. 絕呀 !! 其中有一間問我, 你係咪 FULL TIME WORKING, 有幾錢人工, 我答我只係 PART TIME 開始, 慢慢轉 FULL TIME, 頂 ! 佢話, 咁你轉左 FULL TIME 先打黎啦 ….邊有人咁做生意架… 佢的租又唔係貴喎 …490 – 570 pounds per month 之嘛 ….痴線架 !!!
另一間就話, 你 6:00pm 可以黎睇一間, 佢地有 2 個人都係打算去睇呢間樓 …. 下 !! 家下guided tour 呀, 參觀 museum 呀… 要 group booking ????
係咪英國呢邊真係唔洗做架 !!!??? D Agents 咁的 ???? 如果唔係咁趕住要靠佢地, 你咪洗旨意我俾o個百幾 pounds 手續費佢地呀 !!!