2 個星期前請左 2 日 A/L 加個 Weekend, 前後 4 日同個朋友去左布拉格 ~
Day 1 一大早去左 manchester 個 airport, 食左個又貴又超難食的早餐 (英國真係冇得頂架啦, 咁的早餐都做到出黎 !!), 就坐上 Czech Airline 飛 2 個鐘去布拉格 ~
到步第一件事, 梗係問下點出市區啦 !! 原來好方便, 只要坐15 – 20 mins 機場巴士 , 去到總站轉 metro 就可以去到市區是但一個站. 比起其他歐洲城市, 佢個機場真係算幾近 City 啦 !! 不過好搞笑, 佢地 d 司機好似好趕咁, 由飛機降落, 機場巴士, metro, 同埋 Tram, 架架都係衝行, 到站都係上上落落即開走, 等都唔會等多一分鐘架喎 ~
Prague 的機場, 都幾大架 ! T1 同 T2 係連埋的 ~
下一步梗係第一時間 Check in, 放低阿仔啦 !! 今次冇帶個 Backpack 去呀, 用 Handcarry 袋真係好唔方便, 到左 City 仲唔第一時間劈低佢咩 !!! 搵酒店真係鬼捂眼呀, 係門前掂行掂過都見唔到個門牌, 反而行番轉頭見到係屋頂度寫得間酒店名清清楚楚喎 !!
McDull 忍唔住都係同間酒店影番張相 !
搞掂好晒, 我地就出動去舊城區啦 ~ 我地冇坐車, 因為我每次去旅行都好鍾意行的 !! 由酒店行番出舊城區, 大約要半個鐘到啦 ~ 中間會經 Central Train Station 同一個 Park, 再打後就係 National Museum 同佢前面一個廣場Wenceslas Square 啦 ~ 呢估 National Museum 係 Czech 最大最舊的 museum, 建於 1818 年, 但我冇入去睇 Exhibition, 因為打後 2 日仲多 Historic 野睇呀 !!
係 Park 入面俾人用黎包狗狗便便的紙袋 
The National Museum @ Wenceslas Square