第二日食過豐富早餐, 我就駕車離開 B&B 往 Town Centre 出發 ! 今朝我 Join 左 boat trip 去 Bressay & Noss ! 呢 2 個其實就係 Lerwick 對出的 2 個島, Bressay 係中間個大島, Noss 係 Bressay 後的一個小島 !
Noss 係 National Nature Reserve, 呢個島係冇人住架, 但有羊同埋好多好多 seabirds 係度, 咁所以最出名就係黎呢度 birds watching !!
呢朝係碼頭見到 Polar star (日日都有唔同大輪船泊係度架 !) ….. 唔通係由北極黎補給 ?!
是日出海的船, 簡簡單單又夠快 !
開始駛離開 Lerwick 時影的, 碼頭同 Centre ~
Bressay 的燈塔, 係正 Lerwick 對開, 由我最愛的 view point 都可以望見 !
第一種見到係 Skuas, (有 2 種, 呢隻係 Great Skuas) 佢地係好 aggressive 的 birds, 如果你行太近佢地個巢, 佢地係會 attack 你架 ! 佢地個巢其實係草地入面, 而呢度行山係冇好清晰路徑, 所以好錯行入佢地盆去而俾佢 attack. 佢地 attack 時係會由上而下俯衝落你個頭度, 我好彩冇俾佢擊中過 (但我見過佢地連羊都照撞), 聽人講打中都幾痛下架 !! 亦因為咁, 佢地又叫 bonxie ~
冇耐就有幾隻 Great Skuas 追住我地, 開頭我唔知點解架, 但睇左 video 你會明 !
佢飛得太快太近, Focus 唔到, 影出黎好似 Key 上去咁 !
放左 clip 上 yahoo video, 但我唔知佢要幾多日先處理好喎 (有冇人知呢 ??) !! 我唔等佢啦, 放住相先, 等佢搞掂好我先再Update 啦 !
17/June : 今日終於見到個 Clip 可以用, 放番上黎俾你地睇下 : Great Skuas 追住我地 !!