Puffin, 中文名我真係唔知啦 ! 係 UK 見到的叫 Fratercula Arctica (Atlantic puffin).
佢地長年係海上生活 (主要係 North Sea & North Alantic), 只有 Summer (4月 – 8月) 會係陸地上生活, 呢期亦係佢地的 Breeding Season. 佢地會先搵個 partner, then 開始築巢 (叫 Burrow), Burrow 通常會係地底 or 山崖隙, 每次只會生一隻旦, BB 叫做 Puffling (我都係o岩o岩先知).
佢地的主食係 Sand eel, 一種含油量好高的小魚, 係沙地生活的. Shetland 附近盛產呢種魚的, 呢個亦係點解佢地會選 Shetland 做 Breeding Place. 可惜有一個時期, 人類大量捕獲 sand eel 黎做工業原料 (冇人食架 !!), 雖然後期禁左係 North Sea 水域捕 sand eel, 但近呢幾年由於 Climate Change + 海洋生態改變, sand eel 的數量大幅減少. Researcher 已經發現過去 5 年Shetland 雀鳥數量大減, 好多 Puffins 已經唔可以只靠 sand eel 生存, 要靠食其他魚, 問題係其他魚冇 sand eel 咁多營養, 結果 BB 未必養得大. (唉.. 又係人搞出黎架 !)
我去呢期係剛開始 breeding season, 我見佢地大部份都只係到恩恩愛愛同埋築巢階段, 所以最多我只係見到佢地口含乾草飛番黎, 冇見過佢地含住 Sand Eel 番黎 (餵 BB). 我咁鍾意佢地其中一個原因係 : "如果南極有企鵝, 咁北極就係 Puffins 啦 ~ !!". (我聽過佢地係有親戚關係架, 但唔 100% sure). 佢地真係傻傻更更, 蠢蠢鈍鈍, 我形容佢地的句子係 "反應好慢, 架船都駛到埋去, 先開始有反應要走開. 佢死命拍翼, 但始終離唔開水面 ! 面對大風, 隨時被風吹倒, 落地命中率奇差 ! " 其他雀拍幾下就可以滑翔好一段距離, 但 Puffins 係冇架, 佢全程係不停拍翼, 我總係諗, 係咪佢肚腩太大 (central obese), 要唔要減減呢……
!! 話雖如此, Puffins 係好叻 Diving 架, 所以捕魚一流 !
Puffins 係英國係受保護的, 不過以前佢地確實係俾人食的, 而家仲有某 d 國家係合法食佢地架 e.g. Iceland , 不過只有某位變態, 見都冇見過隻雀, 就係 Iceland 食左佢, 仲要同我講佢好食…. 
講左咁耐, 係時候同大家分享下我的 Puffins 相 & Video, 佢地唔係太怕人, 只要安安靜靜咁企/坐上大半個小時, 佢地會當你冇到咁係你身邊行黎行去 ~ 靜靜坐係度望住係度, 真係可以消磨一個下晝.
真"鳥"雕像 !!
冬天的 Puffin, 個嘴係冇左彩紋架 !! 我估係海上見到, 我未必認到佢囉 ~
呢個 Area 有好多 Puffins, 我地就係度食左個 lite lunch, 伯伯仲 take 左個小午睡添 ~ 
係老夫婦休息時, 我開始進行 Puffins 觀察 ! 遠眺一群 Puffins ~
佢地好鍾意時不時申下懶腰咁, 其實佢地對翼真係較短 !
其中一個 Burrow 的入口 ~
佢o岩o岩由外邊飛番黎, 口含一束乾草 !
佢準備帶乾草回 Burrow !
佢仲要去其他 Friends 面前 Show Off 一下 ~
好啦 ! 終於番到自己個 Burrow, 仲見到佢的 Partner 添 ~
佢地好努力咁進行建設中 !
另一 pair, 好恩愛架佢地 ~