星期一的 Bank Holiday, 由 Wales 番到屋企的我, 並没有因為天氣唔好而休息, 繼續我的爛玩性格, 跟朋友北上去一個 Mazie Maze … 即係粟米田迷宮 !!
Mazie Maze 即係指係農田上, Farmer 係種植粟米前先設計好個迷宮的 Floor Plan, 係適當的位置種粟米, 間中又留下一條條通道, 當粟米種到咁上下高度 (最高係可以高過人架 !), 就可以開放俾人入去玩架 ! 全英國都有 Mazie Maze, 每年大約 7 月 – 9 月頭開放, 每個 & 每年的主題都唔同, 入場費都唔同架 ! 想搵邊度地方有, 可以去呢度睇下 http://www.maizemaze.com/ . 今次我地去的呢個, 主題係 THE PIRATE ~
我上到 Manchester, 先去朋友屋企坐坐, 同 Auntie & Uncle 打個招呼, 接埋佢阿妹同佢阿妹 HK 黎的朋友, 一行四人, 由朋友駕車去一個附近的 Farm House, 呢度就係有 Mazie Maze 啦 ~~~
到達時, 天氣仲係陰陰地, 仲要郊野地方零舍大風, 仲要老遠已經聽到好多, 好多小朋友的嘻笑聲 (定係亂叫聲呢 ?!) , 但我地都俾左 18 pounds 入場費 (For 4) 入去玩 !!
呢個 Mazie Maze 係有地圖的, 咁相對係易玩架啦 ! (我有同事去左一個, 主題係 Harry Potter, 係要用 答問題型式黎搵出路, 結果佢係入面玩左 2.5 hrs 先出得番黎 !) 不過我朋友一入場就左右撕爛左張地圖, 笑鬼死我地, 仲俾入口個職員笑問 " 你地係咪已經蕩失左路啦 ?!" !
仲有呀, 每一 Team 入去玩的, 都會贈你一支紅旗, 係俾你求救用架, 當你要人幫忙時, 就將旗舉高, 死命咁 "Fing", 就會有人黎救你架啦 … 不過我地冇人試過呢個 Function 喎 !! 我地係入面影下相, 亂衝亂撞下(因為有 Map 太易, 乾脆唔用 !), 都俾我地行晒咁多 Part, 搵晒咁多個 Treasures, fill 好張 form 先走 !!
我其仲想係呢個 Season 完結前去我同事講o個個 Mazie Maze 架, 不過可能趕唔切啦 !
當 Mazie Maze 係 9 月頭完結左, 就會到 Corn Cob Picking, 亦即係去摘粟米啦 !! 我都係o岩o岩先俾告知我家附近都有, 呵呵 …. 到時可以去煲新鮮香甜粟米湯啦 ~
排排隊俾入場費, 俾左就會有手扣 (紙條) 環於手腕 !
Mazie Maze 入口呀 ~~
持旗人, 就係呢支救命紅旗啦 ! Team Team 都要有支架 !
犯人 : 於 2007 年 8 月, 係 Mazie Maze 入口處撕爛指示地圖 !!
粟米田中的通道, 阿粟米你地咁高, 乜都 Block 晒啦 ~
粟米田中的人頭, 真係就算俾你上到橋, 其實都未必睇得清路線架 !
棵棵粟米都好有果架啦, 呢個係已經俾人剝開少少左, 未熟架 !
搵到寶藏啦 ~ 你睇佢地幾興奮丫 !! Haha ~
到終點時, 我地幾居高臨下丫 ~
Mazie Maze 另一端, 好 Cute 的小火車呀 ! 留意小朋友坐的係水桶黎架 !
佢的 Farm House, 入面有 Veggies & Fruits 賣, 仲有 Local Food Products ~