今日真係事事不順呀, 煩到我爆呀 ~
今日要去羅架車去 Service 兼 MOT (係英國住的就知呢個 test 係俾車房賺你錢的機會), 我特地一朝去放低架車俾車房, 仲要麻煩我細老細黎接我番 office, 諗住放工去羅架車就 OK 啦, 但係呢個只係麻煩的開始…..
番到 Office, 被告之要單拖做 Clinic, 咁都算啦, 點知仲要我帶埋個新人 ! 我自己都未熟晒呢邊 d 客, 仲要我帶人, 真係有 D 手忙腳亂, 結果一朝 15 個客, 忙到 12:30 都已經冇左半條命, Notes 同 Follow up 都未有時間做, Lunch 又未食, 就收到車房的催命電話 !
車房話佢地搵唔到配件去 fit 我車軚的螺絲喎, 一係我要搵到原裝跟車的俾佢地, 如果唔係就可能要俾 70 pounds 換晒成 set (後來有朋友話只要 20 pounds 就可以做到 !!), 咁佢先可以拆到條軚落黎, then 去 check / 換我架車的 break disc, 換呢 4 個 break disc 又要再收 350 pounds ! 痴線架, 我鬼知去邊搵咩, 架車的野就係咁多, 係晒車尾架啦, 搞左我一大輪, 又要查黃頁, 又要打去原裝車行問, 仲打埋俾o係 HK 的細佬, 最後連細老細同同事們都問埋, 都搞佢唔掂 !
下晝繼續心緒不寧咁做埋半晝 Clinic, 趕餐死咁寫好堆 Notes, 連電腦都未入得晒, 就要趕住 5:30 pm 前去 Pick up 架車啦 …. 呢次又要麻煩細老細啦 ~ 但係又奇怪喎, 去羅車時, 佢地話pass 到個 MOT test, 只係遲下要補番換個 break disc, 頂 ! 咁你中午就咪鬼好似好緊要, 死命 call 我啦 !!!
最麻煩就係到俾錢時, 我發現張 Credit Card 被 lock 左, 搞到車房要打去 Card Centre 問, 又要做 Security Check, 本來 5 分鐘俾錢完成走得, 要用左 20 分鐘有多 ! 最後我 follow up 咁打去 card centre 問番咩事, 佢話銀行寄失左我張 new card, 要當報失咁做, 先要 cut 我而家呢張, 直到下星期四先有 new card, 仲要我親自去 branch 羅番. 唉… 我尋日打去 card centre check 我張 new card 幾時到時, 唔係咁講架喎, 仲話會寄張 new card 黎俾我, 過左一日之嘛, 完全唔同講法 你地係咪玩我呀 !!!!!
英國的 Customer Service 真係冇得救架啦 ~~~~~~~~~
P.S. Kaki, 你呢幾日做過乜黎, 咁黑我架呢 ?! 我都只不過諗住打俾你之嘛 
~
今日心情唔係太好, 放張相上黎自娛下啦 ~ 