今日放工之後, 跟左個朋友去一個好特別的地方食呢個中秋飯 !!
Residential / Nursing Home 我平時番工就去得多啦, 今次係第一次去一間 Home, 住的全部都係中國人 !! 入面的裝修啦, 間隔都幾唔錯, 我諗比起 HK 的應該好好多添 !!
冇錯, 今日我地係上一個伯伯的屋企食飯 !! 厲害啦, 佢一個人煮足 9 個人份量, 全部都係地道中國 (HK ?) 菜, 感覺好似以前番婆婆屋企食飯咁呀, 我真係好多年都冇食過咁家庭式的飯菜啦, 特別係呢幾年長年係外國, 加上婆婆年紀大, 身體又唔好, 已經封刀唔煮幾年啦 ~
除左主廚伯伯之外, 仲有幾位老人家, 嘩… 佢地幾個一埋位, 就係似小朋友咁講過不停, 鬼咁開心, 真係一餐好令人滿足又開心的晚飯呀 !! (後果係, 我打後幾日要齋戒, 兼去多 2 轉 Swimming 啦 ~)
一手靚字, 清楚明白的餐單, 真係….自問寫唔到兼實會有幾個錯字 .. 慚愧慚愧 !
一圍人一齊食飯, 熱熱鬧鬧, 幾咁開心呀 !! 先黎個籠仔白灼蝦 !
再黎燒味拼盤 – 燒肉, 叉燒, 白切雞 ! 全部自家制, 勁呀 !!
再黎有 芥蘭三鮮 (大蝦, 鮮尤, 帶子), 例湯一D 都唔例, 係蓮藕雞腳湯 !!
最後再黎一個鐵板牛柳, 真係有塊燒熱左的鐵板架, 幾專業呀 !
今晚的大廚怕伯 !! 勁呀 ~ 
帶我黎食大餐的 2 姐妹 !
同場加影 : Auntie Margaret 生日 ! 
嘩 ! 係 UK 的中國面包店先會有的鮮果旦糕呀 !
大合照黎啦 ! 
附送大月亮一個 ! 以英國的天氣 … 今晚竟然見到月亮, 真係可喜可賀呀 ! Haha ~
最後, 今日收到一個由台灣黎英國短 Trip 的朋友所送的一個包裹, 入面係一盒好靚的甜餅曲奇, 佢話係高雄 第 3 大的餅店的出品黎架 ! 佢由台灣帶到英國後, 再寄過黎俾我架 !! 真係多謝晒佢呢份中秋禮物呀 !! 可惜佢黎的時間太短, 我冇機會見到佢 or 同佢食餐飯 !! 唯有下年去台灣時, 再約佢見面啦 ! 到時我一定會帶份大禮過去架 !!! (不過 HK 有咩好野可以帶去呢, 麻煩大家幫手諗諗 !!)
