星期六下午, 我係橫風橫雨的 Highway 上狂飛去 Bristol (真係大雨到乜都睇清呀 !), 因為約左個朋友係佢回鄉前見下面, 行下 Bath 個 X:mas Market, 順手一齊食個 Dinner 咁啦 ~
我地到 Bath 時, 天都已經黑晒, 不過店舖仲開緊 (有 Chrsitmas Shopping Hrs), 街上的人仲係好多, 雖然 City Centre 冇乜聖誕裝飾, 但係大部份商店的櫥窗就好鬼靚啦 … 我地行到去 Market Place, 仲見到有一個旋轉木馬添呀 !!
就係大教堂之下, 就有一棵大聖誕樹, 隔離就係今晚重點所在 – X'mas Market. 佢地話有過百個小攤檔, 每一個都係一間小木屋, 當中有賣精品, 有賣熟食, 仲有應節食物同香料, 不過產品真係唔係太吸引, 唔知係咪我去得呢 d market 太多呢, d 野睇落去冇乜特別, 仲有唔少似係中國 or 泰國東南亞入貨咁, Local or 自製品好少, 而且價錢一 d 都唔便宜 !!
有幾間同樣都係做玻璃精品 (e.g. bookmark, cup mats, 鏈咀), 而我對其中一間以 X'mas Tree 為主題的比較有興趣, 但係一片小小的bookmark 竟然要 12 pounds 呀 ! 所以最後我地只係得個行字, 冇乜點買野 ! 最後我買到的野, 竟然係 2 束 Vanilla Pods, 因為佢地真係比 Supermarket 賣的靚同平, Ha ! 我又可以用黎整甜品啦 ~
行完晒個 Market, 係飢寒交迫之下, 我地急不及待要搵間餐廳食飯, 都冇乜深究過, 就入左呢間以賣 Bun 賣到街知行聞的餐廳啦 !! 呢間餐廳所處的房屋, 係 Bath 有最老的樓齡, 建於 1428 年, 後來 Sally Lunn 係度創造左一個好出名的 Bun, 從始呢度就好多人係度排隊買包啦, 而且只係賣呢種包 !!
我地冇預約下都有枱食飯, 算唔算好彩呢 ?! 不過佢的客源確實不絕, 呢頭有人走, 接住就有人入坐 ! 餐牌唔長 (其實外國餐廳, 特別係小店, 佢地的餐牌好多都係得幾款菜式 ! ), 好快我就選左個 Main – pepercorn steak with veggie + 1 slice of bun, 味道唔錯, 價錢合理, 係甜品有少少失色, 唔知係佢太 Traditional 定乜, 我覺佢有 d 過平凡同過甜 !
